Mareekoo 3:13 - Anutuna Ufa

^13-14 Mi fasannai Yisufa amuaqu namusa oorureenoo narí aiku asauku marianee qimarusa naara masoofaqa aniroofanoo Yisufa misakinaana qisaukuqara faqa qiku ooqu qaara marasee nuqu reenoo qini faqa mariaqee qimasee nuqu reenoo niqiqoo fasiqausee qimasee qimanniminoo qinau, qinee inniara rusandeesamumasee mareeqa qinee inni niqiqaanaqa maqusa maqusa nidaqa qimannimiaqa.

Mareekoo 3:13 Referans Kwoze

Ruka 9:1

Yisufa narí faiqi namu (12) qisaukuqara taikasee qikunni ooqu qaara marasee naarama moodaaqoo quqaseenoo Anutuna afeeka faafasaaqa afaqara afeeka faqa aurirana oosana oosana taikara afeeka faqa niminau.

Mareekoo 6:7

Qimannimiseenoo narí faiqi namu naarama quqaseenoo manda afaanna faiqí anaasee naundurai marusa misa niqiqara afeeka nimiseenoo qaaraqanda qapamandee qaaraqanda qapamandeenoo qimanniminoo qinau, Sia moo ainaina maree fuaqa saunu kai qara maree fuaqa, feemu faqa uqa faqa munnimma faqa sia maree fuaqa, niku aanaamu afisumareeqa siuta moodaa afisumaree sia aabaa moo maraaqa.

Mataioo 5:1

Mi fasannai mi aukuanna Yisufa faiqí anaasee moomoosa narí faqa fimarusa niqafamaseenoo qufaqa kaqikaa amuaqunamusaa ooru narí faiqi namufaqa faiqí anaasee faqa fiqu fiqumma ooqu marifufanoo ufa maa qimaria amaana ufana qimanniminau.

Yoohanee 6:3

Yisufa nammari afainni kaqikaa amuaqunamusaa narí faiqi namu faqa ooruree ooqumarinau. (Ooqai Isaraee maqannaa nikeeku nikaaku Isipa maqannaa karafusaki marufanoo Mooseefa qufaqa sipsipa aanaaqiuqa arusee mina fidikauqa tatiiseeqa nári kooqimau raaraamasoofanoo Anutuna qangiroo fannoo narirara anireenoo fidika qafamasee ainaaqareenno Isipa maqannaasa kai ooqa faiqiuqa narinau. Miqooqari Isaraee maqannaasa oosana arasee Anutuna qangiroo ainaaqaroo qoomaqana sakasaida neemariqau.)