Mareekoo 2:8 - Anutuna Ufa

⁸ Miqi qimasoofanoo Yisufa aaqee uqanna misa naundurakinaana iriseenoo quandaki qimanniminau. Innee naqi fee qifaqee inneeqa naaqookinaana mi mandufana qidee.

Mareekoo 2:8 Referans Kwoze

Yoohanee 6:64

Doo qinee akooqoo kooroomasee qimannimunaqa innee akaqausa siamma irimariafanoo. Yisufa narí faiqi namu oosana faasai irinau. Misaki akaqausa mina ufa sia irusa faasai Yisufa nindafanau. Misaki moodaa fannoo ueeqaaninnana faasai qafanau.

Ruka 24:38

Yisufa nindafamaseenoo qimanniminau. Naqi fee ifaqee qaara irirafa inni naaqoosaa rinoo fee qini qisauku faqa qiku faqa pirimma daruqoona qafaaqa qinee qeeqa uqanna maridaqa. Innee aniree qini duqamasee qafaaqa qimaqi faqa qimudaani faqa kaqi maridanoo afaanna fannoo sia miqirafa maridanoo.

Ruka 6:8

Yisufa misa naundurakinaa manda irirana iriseenoo mi asauku karaaduqarana aaramaseenoo qinau, anee findifi mai aniree aiqamausa nifusaa kikiqia qufanoo miqimminau.

Ruka 5:22

Yisufa misa naunduraindaraa ufa iriseenoo qimanniminoo qinau, innee naqi fee qifaqee mi mandirirana inneeqa naunduraki iridee.

Mataioo 9:4

Yisufa misa ufa iriseenoo quandafinoo maaqi qimasee qimanniminau. Naqi fee qifaqee mi manda irirana inneeqa nitikuraki maraqa nidee.

Idi Ufa 139:2

Qini ooqu marirana faqa findifirana faqa aiqama ainaina auqee marunnanara faqa anee irimariananoo. Anee nianaindari qini Anee nianaindari qini qitikurakin Anee nianaindari qini qitikurakinaa Anee nianaindari qini qitikurakinaa iriranara irimariananoo.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Mareekoo 7:21

Faiqí aunduraki amuqusa ookiqari manda irirafa kambiqaidanoo faiqí rarisameeqeenoo mandainaina mararanaki quqannisaidanoo, mifa kai rarisameeqeenoo aaqaranaki faqa ainaina ummuariranaki faqa faiqí kuqa nariranaki faqa faiqí anaasee narí ummuari narí ummuariranaki faqa moosa ainainara rirana faqa oosana oosana mandoosana faqa nári nikaruqirana faqa nári nifaaqa kooroo irana faqa nariara nariara rairai qirana faqa nariara nariara munuqi miniqirana faqa narí afaaqa amooqirana faqa furufarira oosana faqa mifauqaindi faiqí naundurakiqari ururee marifa mifauqa kai faiqí anaasee putaamma nimaqaidanoo.

Aaquqira Ufa 24:9

Furufarirausa mandainaina auqarara kai iridaqa. Aiqama misa auqee maria ainainausa numoo ainaina kai maridanoo. Faiqí ramoo ramaa imari fasiqanra manda fasiqee qimasee qafaidaqa.

Aaquqira Ufa 15:26

Manda oosana maree mariasa oonu mafi iriranara Yaaweefa fidiaqaa midanoo. Anukara irirana faqaasara mifa asasidanoo.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.

Mataioo 12:15

Yisufa mi ufana iriseenoo findimeeqee moosaa finau. Faiqí anaasee aiqama mina faqa fufanoo aurimarusa mandaikimarusa aiqama andeeqannisanau.

Mataioo 16:7

Misa iriseeqa narí qimami narí qimamimasee qiqau. Oo maasa feemuara randaunanoo mifa ooruku anoonara qidaqinoo.

Mareekoo 2:7

Maa fasiqafa naqifeemasee unna qimasee paasoosidanoo Anutuna amaaqa maqaidanoo fee mi ufana qidanoo fee. Sia faiqí moo fannoo amana faiqí mandainaina taikannisaannoo Anutufa kai amana miqiannoo.

Mareekoo 2:9

Qinee maa fasiqanara mandainaina numoo minnaisaidee qunnana innee qiniara sia amanaikiaanoo fee qidee, qinee faiqí nimaaku maa maqanasaa maridaqa faiqí mandainaina taikarana qini afeeka marinara kooroomma nimaqaanaura maa firaa afeeka ainainannai kooroomma nimaqaanaura qinee maa fasiqanara aneenna qaindasaaqari findifinana mi qaindanara maree amaaqa fua qianaqa qinee mandainaina taikannisaana afeeka qafeefara. Miqi qimannimiseenoo quandaki mi aiku asauku kuqirana qimaminoo qinau.