Mareekoo 2:7 - Anutuna Ufa

⁷ Maa fasiqafa naqifeemasee unna qimasee paasoosidanoo Anutuna amaaqa maqaidanoo fee mi ufana qidanoo fee. Sia faiqí moo fannoo amana faiqí mandainaina taikannisaannoo Anutufa kai amana miqiannoo.

Mareekoo 2:7 Referans Kwoze

Ruka 5:21

Miqi qufaqa Mooseena sandufa akoofasauqa faqa Farisai amaana ufa qimarusa faqa nariqa naunduraindari kai qidaqa qiqau, maa fifau fasiqafa unnaqi masaidanoo narí ufannoo Anutuna amaaqa maqaidanoo faiqí sia amana moona mandainaina numoo taikarana amana maridanoo Anutufa kai amana miqiannoo.

Ruka 7:49

Maana yafasiqa fee nariara faiqí mandainaina akiaqara arirana minnisee marunausee qidanoo fee.

Idi Ufa 130:4

Maasara aneenna afusaa naaquqamasee mariaqeera maasa manda oosana akiiqara minninnisee marianafa mariananoo.

Yoohanee 10:33

Yuda maqannaa uriqararausa mina iriseeqa kafaa aranaiqi qimamiqa qiqau. Sia amiqira dadaaqira ainaina auqaananarau ariraridau. Aneenaraa Anutuna mandaikammamaqaidana anee aneennaraa maqasaa fasiqa marianafa anee Anutufaikina mariannanara ariraridaqa.

Mataioo 26:65

Amaana maqasaa rakisimarusa firaafa Yisufa miqi qufanoo irufanoo niranaqee marusa oosana maraseenoo narí qamunna parara qinoo anaqi aquseenoo aiqama suqiqa marusa darara qimasee qimanniminoo qinau. Doo innee aiqamausa mina manda ufa iridee. Nariara Anutuna amaaku fee qinoo iridee. Sia maasa kafaa arira ufara randaanaura. Doo aneenna qimannimianaqa innee minara nanee fee qidaqee. Misa aiqamausa doo kuquanifee ufa kai qima afeekaikiqau.

Mataioo 9:3

Mooseena sandufa irimarusa miqoo marusa mi ufana iriseeqa maaqi qimasee narí qimami narí qimami qiqau. Maafa nariara Anutusa maridee qidanoo. Akasaa. Maasa faiqí firaasa faiqí miqi qiasa kuqa nárí marunausa maridaqa.

Yoohanee 10:36

Anutufa qini maraseenoo maa maqa maaqanaki diqiqamaqoonaki maridaqa. Qinee qeeqaraa Anutuna amaaku fee qunnanara naqimasee fee minannai Anutuna mandaikamma amaqaanauree sia amanaikiannoo.

Mareekoo 2:6

Mooseena sandufa akoofasauqa miqoo ooqumarifi irufanoo nikooqoofaqa nári naunduraki oonu mafi iriqa qiqau.

Mareekoo 2:8

Miqi qimasoofanoo Yisufa aaqee uqanna misa naundurakinaana iriseenoo quandaki qimanniminau. Innee naqi fee qifaqee inneeqa naaqookinaana mi mandufana qidee.