Mareekoo 2:5 - Anutuna Ufa

⁵ Misa irirafa firaaqoo Yisunasaa atooqoonara Yisufa qafamasee aiku asauku kuqirana qimaminoo qinau. Qini qimaaku ani mandainaina akiaqa minnaisaidaqa.

Mareekoo 2:5 Referans Kwoze

Mataioo 9:2

Oonuroofaqa faiqí mi maqusanaindari moo auruna aiku asauku pipisaaqa usufufanoo maruna aindusu mareeqa Yisufuqoo maree aniqau. Misa irirafa Yisunaki marunara Yisufa mina qafamaseenoo quandafinoo aurira faiqi qimaminau. Sia rufiaqa rufiaqa ia. Afaaqa quqaa. Doo qinee ani mandainaina numoo minnaiseeqa.

Yameesa 5:15

Misa naundura Yisunasaa mundusee innaaru qidaqa mi innaaruqirafa aurira fasiqa anaasee mara findifuannoo. Karaambaiqa fannoo marafindifidanoo mina aaqarafa marinanoo karambaiqa minnisaannoo.

Mataioo 9:22

Mina qamunna auqamasoofanoo Yisufa quandafinoo qafamaseenoo qinau. Qini qiraamuna sia rufia afaaqa quqasee maria anee aneenna irirana qinisaa rusiranannai kai ani aurirafa doo taikeenoo, mifa kai. Miqi qimasoofanoo miqoo kai mi anaaseena aurirafa taikanau.

Eefeesusa 2:8

Sia moo ainainannai Anutufa narí afaariranannai kai inni innaarunai asumu mariranaki quqannisaidanoo, innee Yisuna saqarikiranannai afaaramma nimaqaidanoo. Inni asumu nimirafa sia innee andeeqasee fimarianasaafau mundidanoofau, sia innee amiqira oosana marasaida kadaapiridee qimarianasaafau mundidanoofau, Anutuna kaqi nimiranasaa kai innaarunai asumu marirana maasa qimirana uqeereenoo.

Yoohanee 5:14

Kasooqaqee marikinoo amaana maqaki mi fasiqana paqurimandee Yisufa maaqi qimaseenoo qimaminau. Doo fee maqee qafeenee Doo findifuananoo doo maqee aneenna mandainaina minnimasaa. Sia miqinanoo kafaa mandainaina firaafa uqanna anisaa aqufuannoo.

Ruka 5:20

Yisufa misa irirana narisaa firaaqoo mundunara iriseenoo mi pipisaaqa qusira fasiqana qimaminoo qinau, qini qiqoondi ani mandainaina numoo doo minnaisaidaqa.

Kooroosee 3:13

Faiqí anaasee inni ritifaqa kaqi irisee nimaqaaqa. Asauku mundirafa inni mandainaina doo mininnisanau. Innikiqari nariara nariara ufa qiraree qimasee asauku mundirana aanna reeqa nariara nariara ufa qirana minnisee aunusaa.

2 Koorinti 2:10

Innee Koorinti maqanaasa mi fasiqana mandainaina akiaqara minnisee moodaanaki kifaqa qinee faqa mina mandainaina minnisee mina faqa moodaanaki kianaura. Innee moo mandainaina mandaikamma qimaqoonara qinee inni minniseeqa, mikari moo mandaikamma qimaqaqau fee sia fee miqimma qimaqaqau fee minara qinee asauku mundirana afusaa marunausa inniara irisee minninisaidaqa.

1 Koorinti 11:30

Innee Koorinti maqannaasa miqianara moomoosa aurimariafanoo kudoosaapee mariafanoo akaqausa doo kuqiqa maridaqa.

Yoohanee 2:25

Sia moo fannoo faiqí naundurakinaana qimamiqau. Narí kai amiqimandee aiqamausa naundura mandirirana niqafamaseenoo misaki sia afaaqa quqanau.

Ruka 8:48

Yisufa mina ufa iriseenoo qinau, oo qini qiraamuna anee irirana qinisaa rusiannanara ani aurirafa taikeenoo, doo asooaranaki fua.

Mareekoo 5:34

Yisufa iriseenoo qimaminoo qinau Oo qini qiraamuna aneenna irirana qinisaa rusimarianafa mifa kai ani andeeqeenoo doo asooaranaki fua ani aurirafa doo taikeenoo. Miqi qimarufanoo Iairusana maaqaki marusa aniree Iairusana qimamiqau sia ufasaa rakisirana kadaapi arua doo ani araamuna kuqufinoo.

Idi Ufa 103:3

Mifa aiqama qini aaqarana akiiqara minni qisee marifa maridanoo. Mifa qini aurirana aiqama taikaqisee marifa maridanoo.

Oosana 22:12

Sia faiqi arua, sia mandaikamma amaqaa. Sia aneenna asaukukoo aneenna faiqi arua. Doo maqee qinee iridaqa anee Anutuna ufa qaindusidana mina ufa afaqee mariananoo. Anee aneenna amaakuara aneenna amuqusa uqannara sia qaoo qiananoo eedoo kai qiananoo.

Mataioo 9:5

Innee qiniara maa fasiqafa sia numoo taikarana amana fee qidee. Qinee moo firaa afeekainaina inni nifusaa iananoo anoona kambiqainaqa qafamaseeqa qiniara kuqaa faiqí numoo taikarana amanammifoo qifaranoo sia kambiqainaqa unnammifoo qiaqa.

Mareekoo 2:6

Mooseena sandufa akoofasauqa miqoo ooqumarifi irufanoo nikooqoofaqa nári naunduraki oonu mafi iriqa qiqau.