Mareekoo 2:12 - Anutuna Ufa

¹² Miqi qimasoofanoo aiqamausa nifusaaqari mi fasiqafa findifinoo narí qainda mara qumareenoo doo amaaqa kaqi kaqi finau. Misa qafamasoofanoo firaaqoo naaquqoofaqa Anutuna amooqidaqa qiqau. Maasa sia uqanna maaqira ainaina qafaunausa maridaqa.

Mareekoo 2:12 Referans Kwoze

Mataioo 9:33

Minisoofanoo Yisufa mina aundurakinaa afaanna aqiqamasoofanoo afaanna fannoo raudamakufanoo mi fasiqafa ufa andeeqasee qinau. Miqiufaqa faiqí anaasee mina qafamasee nimudaani qumooqukammafinoo nifaaqa sia qumaroofaqa mina qafeeqa qiqau. Isaraee maqannaa sia ooqai maa ainainafa maruna, maqee kai.

Mataioo 9:8

Faiqí anaasee misa mina qafamaseeqa niminaandi raqeeqa nisausi kambiqoofaqa nimudaani qumooqukamambufaqa miqoo Anutufa narí afeeka Yisuna amunara minara oonumafi irisee amooqidaqa asasiqau.

Yoohanee 9:32

Ooqai oosana aroo aukuannasaaqari sia faiqí moo fannoo afu dimbarana nifu maqannisanau, maqee kai.

Yoohanee 7:31

Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.

Ruka 13:13

Miqi qimaseenoo Yisufa narí asauku minasaa quqasoofanoo aaqee kai ataufaka rakisufanoo findifinoo Anutunara dufi dufi qimarinau.

Ruka 5:26

Aiqamausa minaki marusa mina qafamasee firaaqoo tautiqa maaqi qimasee Anutuna asasiqau, maqee faasaana maasa maa fasiqana qafaunanoo nifaaqa qumooqukinoo.

Mareekoo 1:27

Faiqí anaasee mina qafamasoofanoo naaquqoofaqa narí qimami narí qimamiqa qiqau. Maa fasiqafa Yisufa nanee maridanoo, nana fuka naakaparufa qinoo fee. Maa fasiqafa narí Anutufara foora narí afeeka ufannai kaasau afaannauqa qimannimifaqa eedoo kai qimasee rafudamaki fiqa.

Mataioo 15:31

Faiqí anaasee mina qafamaseeqa naaquqanau. Sia ufa qusa ufa qufaqa niqafamaseeqa arirutimarusa nimarufaqa niqafamaseeqa nifu qimbarausa faqa nifu maqasoofaqa niqafamaseeqa maa faiqi anaaseesa ooqai mandaikimarusa maqee amiqiqa maridaqa misa niqafamaseeqa naaquqoofaqa misa aiqama Isaraee maqannaa Anutunara asasiqau.

Mataioo 12:23

Faiqí anaasee aiqama qafamasee naaquqoofaqa qiqau. Maanaree maasa afeesi marunafa mifee. Dafidina atikiqari findifuanina fee qimaqoofa doo maana mifee.

Mareekoo 2:11

Ani qimamidaqa anee findifinana aneenna qainda mara maree amaaqa doo fua.