Mareekoo 16:9 - Anutuna Ufa

⁹ Yuda maqannaasa Saririqara amaanasaa fee qimasee amaanasaara indaaruqaa faasaanee qimariqau. Mi indaaruqaa faasaanna sandoo anaasee namusa anu faasaanasaa Mariafa Makadara maqusaindaraafa naaree Yisufa findifuna qafanau. Ooqai Yisufa kaqi maru kamuqoo faafasaaqa narí anoona amarana mi Mariana aunduraki faafasaaqa qisauku dinni taikasee dinni ani qaara marasee marufanoo Yisufa kaqi maruqoo mina aunduraindaraa faafasaaqa niqiqoofaqa rafudamaki sandamafiqau. Yisufa mi anaaseena afusaa narí kuqiranakiqari findifuna indaaru kooroo inau.

Mareekoo 16:9 Referans Kwoze

Ruka 8:2

Sia fifau aanaaseeuqa mina faqa fiqau. Yisufa aurirana taikannisoosa faqa faafasaaqa faqaasa maraqunnisoo anaaseesa kai mina faqa fidaqa nariqa narana faqa munnimma faqa minannai Yisuna faqa mina faiqi namufaqa fidaqa dadaaqimariqau.

Mareekoo 15:47

Mariana amarafa Makadara maqusaindaraa anaaseefa faqa Mariana moo amarafa faqa Yooseesana anoofa miqoo rakisida iri quqaranara qafee mariqau.

Ruka 24:10

Mi anaaseesa nuqu Mariana amarafa Makadara maqusaindaraafa faqa, Yooannafa faqa Mariana amarafa moo Yameesana anoofa faqa akaqausa mi ainainausara Yisuna faiqi namu qimannimufaqa furufarufa maasa qimaqimiaafoo qimasee sia amiqimasee iriqau.

Mataioo 27:56

Misakiqari Yisuna anoona amaraqanda mariqau, moo amarafa Makadara maqusaindaraafa faqa moo amarafa qaara kumaaraaqara Yooseefaasa Yameesasa ninoofa faqa (Maa Yooseefaafa sia Yisuna akoofau mina amarafa kumaaraa marinau) moo anaasee Seebeedina anaaqa faqa mi anaaseesa faqa miqoo ani kikiqiqa maridaqa Yisuna kuqirana qafee mariqau. (Yisuna aukuana narí maqannaasa maaqimmasee madika indufusaida kuqufusa nikundee mariqau. Misa ooni firaana kasaaqa aamara auquseeqa minaki keeqafufaqa dinni dinni moomoo aamara auqiiseeqa kuqusa minakiaqa naadu naadu nikundee mariqau. Moodaa kai moo kari akundeeqa mina afunda taikoofanoo kaifaa moo fannoo kuqufaqa miqikai imariqau. Sia moodaa karifau nikundee mariqau. Moo kari moo kari nikundee mariqau.)

Mareekoo 15:40

Yisufa aunirira saqarisaa marufaqa anaasee akaqausa miqoo maridaqa nianasaa maridaqa rakisi mariqau. Misakiqari Saroomeefa faqa Mariana amarafa Makadara maqusaindari anufa faqa, Mariana moo amarana faqa mifa kumaaraa Yameesa Yooseesa ninoofa marufa marinau.

Uqafiqoo Ufafa 1:10

Karaambaiqa qimaqoo faasaanna karabusaki mariafananoo amaanasaa Anutuna maraquna fannoo daakufufanoo inaaqianaindari firaa ufireena miqirafa faiqiara foora ufa qinau.

1 Koorinti 16:2

Aiqama amaana faasaanasaa aiqama fasiqa anaasee akaqa munnimma aaduma raina quqaaqa. Narí ainainirana akiaqara munnimma firaana marainafa mina amana kai kaqikaana quqaani kaqikaana marainafa doo narí maraina amana kai kaqikaana quqaani, qambaana amana marainafa doo mina amana kai quqaani, innee aiqama amaanasaa amaanasaa miqikai idaqa raina quqeesaifanoo innooqafinaqa qinee inni maqusai oonuraanna kari munnimma suqirana sia mariani doo faasai suqinoo mariani.

Mareekoo 16:8

Mi anaaseeuqa mina iriseeqa ooni aamarakiqari rafudamakufaqa sandamaqaraasammiqau. Kaaqa rufiarana faqa naindiri roofaqa sandaqau. Misa maqusai oonureeqa kaaqa rufiasee sia moosa qimannimiqau.