Mareekoo 16:1 - Anutuna Ufa

¹ Yisuna iri kaqi ooni aamaraki marufaqa Mariana amarafa Makadara maqusaindaraafa faqa Mariana moo amarafa Yameesana anoofa faqa moo anaasee Saroomeesa faqa Sabata faasaana aiqaroofaqa kuqimariasa akunnimaqee maria marasinna feefaurumamaree Yisuna irisaa akuanee qimasee mi eendanaki deedaqiqau.

Mareekoo 16:1 Referans Kwoze

Mareekoo 15:40

Yisufa aunirira saqarisaa marufaqa anaasee akaqausa miqoo maridaqa nianasaa maridaqa rakisi mariqau. Misakiqari Saroomeefa faqa Mariana amarafa Makadara maqusaindari anufa faqa, Mariana moo amarana faqa mifa kumaaraa Yameesa Yooseesa ninoofa marufa marinau.

Yoohanee 19:31

Kuqufufanoo Yuda maqannaasa uriqararausa Piratoofa narí maaqai marunnai oonuree maaqi qimasee qimamiqau. Duna sabata naaquqara sabata mariannoo. Maqee kai aunirira saqarisaa mariasa niku itairisaana dauni kuqufifaqa nikundamasee duna amiqimandee sabata maraanaura.

Yoohanee 19:25

Yisufa aunirira saqarisaa kuqirarifanoo mina aunirira saqari atukaki mina anoofa faqa narí auna qini qinoona faqa moo anaasee Karoopasana anaaqa Mariana amarafa Mariafa faqa moo anaasee Makadara maqusaindaraa Mariana amarafa Mariafa faqa minamusa miqoo kikiqiqa mariqau. (Qaaramoo anaasee Mariana amarausa kikiqiqa mariqau.)

Mareekoo 16:8

Mi anaaseeuqa mina iriseeqa ooni aamarakiqari rafudamakufaqa sandamaqaraasammiqau. Kaaqa rufiarana faqa naindiri roofaqa sandaqau. Misa maqusai oonureeqa kaaqa rufiasee sia moosa qimannimiqau.

Mareekoo 15:47

Mariana amarafa Makadara maqusaindaraa anaaseefa faqa Mariana moo amarafa faqa Yooseesana anoofa miqoo rakisida iri quqaranara qafee mariqau.

Mareekoo 14:8

Maa anaaseefa kaqikaaqoo narí amanasaa qini dadaaqinoo. Mifa mi fadameenna qini qikundarana oorisaa qini irisaa adiaqimaqeenoo.

Mareekoo 14:3

Yisufa Beetani maqusai Yeerusaree maqusa adeedi marufaqa manda namuana karoora arimaru fasiqana maaqaki marinau. Mi fasiqana auqu Simoona amarafa marinau. Yisufa mina karoora rukasoofanoo amiqimasee marinau. Yisufa mi maqanaki narana nee marufanoo anaasee moo mi maqanaki keeqanau. Mifa amiqira afundi maru fadameenna, moo sanda minauqu narada mina atuka rarakusee fadameena tatiqoofa afundimaruna firaa munnimma aqimaria fadameenna mi sandana anoona kai kaaqa amiqirafa maruna mina idaaqira ooninnai andina fooqaana auquqoonaki maru fadameenna uqirafa Yisufa maru maqanaki keeqafinoo mi fadameena taquna oosaa raudaseenoo mi fadameennana Yisuna akiaqa amoondunnaaqa adianau.

Ruka 23:54

Mooseena sandufa faiqí aunirira saqarisaa dirirara amaana faasaanara qaoo qinoo marunara mi eenoonnai nariqa amaana faasaana adeedi ranoo marufanoo dauni dauni Yisuna iri mareeqeenoo ooni aamaraki quqanau.

Mareekoo 15:42

Yisufa kuqufufanoo suani dupufanoo Arimateea maqusaindaraafa mina auqu Yooseefaana amarafa aniranau.

Oosana 50:2

Qiki raqaseenoo Yooseefaafa Isipa maqannaa oosana mareenoo tutaqausa qimannimufaqa anireeqa sia kai kaqi mandaikianifeera marasinna oosana oosana akuamaqee mariqau.

Mareekoo 16:2

Kananaana iqaqoofanoo suani maqee ururoofaqa mi anaaseesa Yisuna akundoo ooni aamaranaki fiqau.

Ruka 24:1

Mi anaaseesa nári maqannaasa amaana faasaana Saririqa adooamaseeqa faiqee duna kananaana maasa amaanasaa kananaana eendai mi fadameenna marasinna ainaina deedaqamaqoona mareeqa Yisuna akundoo oonina aamaraki keeqarara fiqau.