Mareekoo 15:8 - Anutuna Ufa

⁸ Mi aukuanna Yisuna ufa irimaria faasaana faiqí anaasee moomoo Piratoona oopisaki aniree qiqau. Anee ooqai aukuana aukuanasaa faiqí moo idukusee qimariannana maqee maa aukuanna faqa moo idukusee qimia. Karafusa marina moo iduku qimianee qimasaida farafara imariqau.

Mareekoo 15:8 Referans Kwoze

Mataioo 27:15

Mi kamusaqa kiapausa faiqí anaasee Anutuna qangiroo ainnaaqarara qoomaqa neemarufanoo karafusa fasiqa moo idukusoofaqa minara faqa asasiaqeera. Kiapausa oosana mi oosanna maqee maqee miqimmimariqau.

Mareekoo 10:1

Yisufa mariu maqusana minniseenoo Yudeeaa maqa maaqaki ooqu finau. Yooradanna nammari taqamareenoo dinni afainni fufaqa faiqí anaasee moomoosa mifa maruqoo aniroofanoo narí oosana maraseenoo ooqu marifinoo Anutuna fasaasa ufa qimannimimarinau.

Mareekoo 15:9

Piratoofa qinau, Amanee qinee Yuda maqannaa karaambaiqa Yisuna iduku niminauree qinau.

Rafudoo Akarafa 12:6

Mi quqoonnanasaa qisaukuqara taikasee qikunni qaara faqa qaara faqa marasee 14 faasaana eenee marinaqa kai aiqama Isaraee maqannaasa mi aandausa aruaqa.