Mareekoo 13:13 - Anutuna Ufa

¹³ Aiqama maqannaasa inniara Yisunaindi fee qimasee fidiaqaa mannimaqeefaranoo. Innee minaki maridaqa fidaqa qini uaqee ida fifi inafa kuqira fee Yisufa qumira aukuanee paqurinafa asumu marirana maraannoo.

Mareekoo 13:13 Referans Kwoze

Mataioo 10:22

Qini duquara aiqamausa inni fidiaqaama nimaqaannoo. Yafa yafee kaqi maraqa fifi iqa taikara aukuana paqurinausa, qinee mikari misa qumara asumu mariranaki quqaanaura.

Mataioo 24:13

Yafa uqannee narí akoona faiqi uqanna mi manda aukuanna aiqama ainaina kambiqainanaki finnaaqara maseenoo fifi inanoo taikara kooqi uqanna raquramisainafa mina akoofa Anutufa qumareeqeenoo asumu mariranaki quqaannoo.

Ruka 6:22

Faiqí akaqausa faiqí nimaaku uqanna qinisaara inniara fidiaqaa iqa nifeeqeeqa aasaandaana ufa faqa oosana oosana manda ufauqa faqa inni qima nimifanoo Anutufa firaa asasirana inni nimiannoommi.

Karatia 6:9

Minara iriseeqa amiqira mariranara sia kudoosaapeeqa minnisaaqa maasa sia minniseeqa kaqi mi mau fidaqa kasooqaqee unnakirana paqurianaura.

Roomma 2:7

Akaqa fasiqa anaasee amiqira oosana kai maraqa nidaqa innaarunai areenarana faqa innaarunai nuqu uqeerarana faqa naaru naaru mariranara faqa randaidaqa. Miqi mariasa Anutufa naaru marirana nimiannoo. Akaqausa nári nifaaqara kai ridaqa andeeqarana futeeqaidaqa aaqaranaki kai fidaqa. Misasaa Anutufa narí aanoo qirana faqa narí aranaqarana faqa nammariara foora adiannimaqaannoo.

Yoohanee 15:21

Innee qinindi marianara oosana oosana mandainaina maa maqanasaaqaraasa inni nimifaranoo. Misa sia qini diqiqoonara Anutunara iridaqa miqifaranoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

Heeburu 10:39

Faiqí akaqausa Anutufinnai fuani qimasee fifi ifaqa aanai oonuree maparaamaki oonurandee quandaki ida aqufidaqa. Maasa sia misa naanna raidaqa. Maasa amiqimmandeeqa Anutuna mandaaqaifanoo doo Anutufa maasa asumu maraannoo.

Heeburu 3:14

Maasa indaaru paasoosamandee Yisuna qumareeqa. Maqeendari maqeesaa paasoosamasee Yisuna qumareeqa mina kai afaqaqa fifi inaqa taikainna aukuana qumarainaqa maasa mina faqa moodaanaki ainaini marunausara maqi mafiqa mina qumaraanaura.

Yoohanee 17:14

Qinee ani aufakiana qeeqa faiqi namu qimannimunaqa qimannimiafaqa maa maqanasaaqaraasa akaqausa sia qini ufa irimariasa misa iriseeqa qini faiqi namu fidiaqaamma nimaqaidaqa. Qini faiqi namu ani ufa irisee maqasaaqaraasakinaa iriranara nikooqaidanoo innaarunaindaraa irirana marasaafaqa maqasaaqaraasa minara misa fidiaqaamma nimaqaidanoo. Misa qini daanna raidaqa sia maaqooqaraasau maridau.

Ruka 21:17

Qiniara aiqamausa inni fidiaqaa mannimaqeefaranoo. Miqi marifaqa minaki fimarifanoo inni nikiaqa asausi sia moodaa fannoo kakasiannoo Anutufa inni nifaaqasaa faqa rakisianoo.

Mataioo 24:9

Mina aanaaqiana faiqí anaasee maqusa maqusa inniara Yisuna faiqi namu fee qimasaida fidiaqaamma nimaqeefaranoo. Aiqama maa maqa maaqanaki mariasa inni nidafirana nimisee inni kuqannarifaranoo.

Uqafiqoo Ufafa 3:10

Qinee inniara reendeenamandee mariaqee qiafanaqa innee miqi mariasa mariafanoo. Miqi mariana akiaqara firaa teeroo maaqanna maaqanna nimanamasee qafaanaura miqianna aukuanna qinee inni mareeqee kaqi atinnai quqasaana asumu marifaranoo.

Yameesa 1:12

Faiqí akaqausa nimanamasee qafee mari ainainafa kisaaqasaa narimarifaqa Anutuna faqa kaqikai fidaqa miqimaria fasiqa anaaseesa amiqiranaki mariasa mariadaqa. Miqinna fasiqa anaaseesa mi nimanirana taikasaifanoo Anutufa ooqai qima afeekaikira feefauru naaru marirana nimiannoo narí Anutunara rimariasa kai nimiannoo.

1 Yoohanee 3:13

Qini qikaqaafasaauqa maa maqa maaqanakinaasa inniara fidiaqaaifaqa siamma innee minara tautiaqa. Kaina oosana maraifaqa misa inniara fidiaqaammifaranoo.

Mareekoo 13:12

Faiqí misa nári nikaqaafasaauqa mareeqee kuqiranaki quqeefaranoo. Faiqí misa nári niku nisauku faqa mareeqee kuqiranaki quqeefaranoo faiqiuqaindi quandakiqa nári ninausa nikausa mareeqee kuqiranaki quqeefaranoo.