Mareekoo 11:12 - Anutuna Ufa

^12-13 Misa faiqee iqaqoofaqa Beetani maqusaindari Yisufa Yeerusareenni ooru fidanoo aararoofanoo Yisufa qafoofanoo faafisa fooqaa ira saqari nianai marufanoo qaqama iranoo fee marinoo sia fee marinoo qimaseenoo aaqa oonuree qafoofanoo amanee kai marufanoo qaqama iree maru aukuana sia marunara sia iranau.

Mareekoo 11:12 Referans Kwoze

Yoohanee 19:28

Yisufa nariara irufanoo aiqama ainaina doo maqee anoonaikufanoo moodaa ooqeenaa akara nammariara qimaqoofa mifa kai sia anoona kambiqaifaqee qimasee minara maaqi qinau.

Mataioo 4:2

Yisufa sia narana marufanoo, qaara fasiqa niku nisauku taikasee eenda faqa faasaana faqa aiqaroofanoo aararanau. Miqimmasee faasaana taikoofanoo firaaqoo aararoofanoo kudoosaapanau.

Heeburu 2:17

Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.

Ruka 4:2

Qaara fasiqa niku nisauku taikasee faasaana mikari Yisufa narana sia nanau, mi moomoo faasaanafa aiqaroofanoo Yisuna firaaqoo aararanau.

Mareekoo 11:20

Faiqee iqaqoofaqa fidaqa misa kafaa mi faafisana fooqaaira saqari aaqa fidaqa qafoofanoo ammuqundari aiqama muqufi oosana amisee aiqama aadanusinoo marinau.