Mareekoo 10:43 - Anutuna Ufa

⁴³ Misa oosana miqimminoo maridanoo Inniki sia miqinoo mariannoo, Inniki moo fannoo uriqararafaikiraree qimarifa mifa aiqamausa dadaaqidanoo amiqira saika faqa nikooqeemari saikana faqa dadaaqamannimaqee marifa mariannoo.

Mareekoo 10:43 Referans Kwoze

Ruka 14:11

Nariqa kai qinee uriqararausee qimariasa Anutufa nisauriranaki quqaannoo, nariqa kai qinee ureeqararausee qimariasa Anutufa misa uriqararanaki quqaannoo.

Mareekoo 9:35

Yisufa ooqu marifinoo narí faiqi namu aiqama naaramasee mai aniaqee qimasee maaqi qimasee qimanniminau. Faiqí moo fannoo maqasaa mariasaki uriqararafaikinafa mifa narí kai ureeqaranaki fuannoo mifa aiqamausa dadaaqidanoo amiqira saika faqa nikooqeemari saikana faqa dadaaqiannoo.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Karatia 5:13

Oo qini qikaaqaafasaauqa inniara qinee qianaura. Innee inneeqa mandainaina rumbaranaki mariafanoo Anutufa minakinaana inni naarameeqeenoo Yisuna idukiranaki quqeenoo. Doo innee minaki maridaqa inni nifaaqa manda nidimari ainainafa sia quandakinoo innisaa rakisidanoo inni nikaruqiranannai minni ubeekamannimaqaani. Sia miqiaqa maaqiaqa inneeqa nariara nariara rirafa nimudaoo qirafa inni nifiqeeqeenoo nariara nariara dadaaqiranaki quqaani.

Yoohanee 18:36

Yisufa qinau, qini ququsa sia maa maqa maaqanasaaqaraa ququsa maridanoo. Qini ququsa maa maqanasaa marinaqau qini faiqinamu rakifaqau qini mareeqeefau idukuqisani. Sia qini ququsa maa maqanasaaqaraafa maridanoo.

Ruka 18:14

Yisufa mi fasiqaqandara narí faiqi namu qimanniminoo qinau, ummuarira takisa munnimma maree maruna mandainaina Anutufa taika aisoofanoo andeeqasee finau, Farisai amaana ufa qimarufa sia andeeqanau kaqi finau, nariara uriqararausee qimariasa Anutufa asauriranaki quqaannoo, nariara ureeqararausee qimariasa Anutufa uriqararanaikama nimaqaannoo.

Mareekoo 10:42

Yisufa mina iriseenoo aiqamausa naarama narí unnai quqaseenoo qimanniminau, innee maa maqasaaqaraasa oosana irimariafanoo faiqí misara uriqararausee qimariasa nári aanoonnai faiqí anaasee kaiqeesara rakisi nimaqee mariasa. Misa uriqararausa ureeqarausara amiqimmasee misa uriaaqarama nimaqaidaqa.

Mareekoo 10:44

Innikiqari moo fannoo narí kai indaaru nikiaqaikianee qinafa mifa narí kai eedoo qimasee aiqamausa dadaaqira karabusa saiki marifara foora aiqamausa dadaaqidanoo miqi marifa mariannoo.

Ruka 22:26

Innee, qini faiqi namuki sia mi oosanafa mariannoo, inniki uriqararafa innaaqianaafara foora mariannoo, inniqa karaambaiqa fannoo inni ainainira faiqiara foora mariannoo.