Mareekoo 10:21 - Anutuna Ufa

^21-22 Mi fasiqafa miqi qufanoo Yisufa minara aidufanoo andeeqasee mi fasiqana oori qafamasee qinau. Anee moodaa ainainara kai sia auqaananoo. Anee aneenna ainaina aiqama marasee faiqí akaqausa nimisee minasaa munnimma maraseenana kudi fasiqausa nimisainanoo ani qumiasana ani afeesara innaarunai mariannoo, miqinana doo ania, doo qini faqa aniree fua qufanoo mi fasiqafa mina iriseenoo narí moomoo ainaina marunara amuqusufanoo oori runusee finau.

Mareekoo 10:21 Referans Kwoze

Uqafiqoo Ufafa 2:4

Akaqa ainainara kai aniara aaqeefoo qidaqa. Anee ooqai indaaru unandee sia qiniara amuqusidanoo.

Ruka 10:42

Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.

Yameesa 2:10

Faiqí moo fannoo Anutuna sandufa aiqama qumaree marinafa moodaa kai aaqamasainafa mifa Mooseena sandufa rukiee marifa maridanoo.

Ruka 18:22

Yisufa iriseenoo qimaminau, moodaa ainaina kai anee sia amanaikianano anee aneenna qumiasana moomoo marina makeetamasee munnimma maraseenana kudi fasiqa aanaaseeuqa nimisainanoo ani qumiasana ani afeesara innaarunai mariani, miqimaseenana anee qini faqa ania.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Uqafiqoo Ufafa 2:20

Qinee inni moodaa ainainara kai inni niqidaqa. Innee mi manda anaaseena Yeeseebeera nammarinara saina kaqi marianifee qimariana. Mifa unna qimasee nariara Anutuna ufa maree marunausee qidanoo. Mi anaaseefa naakapaidanoo qini ufa irimariasa rarisameeqeenoo faiqí faqa anaasee faqa narí ummuari narí ummuariranaki quqaidanoo. Moo unna anutunara innaaru qimasaida narana neemarianaki faqa quqaidanoo.

Uqafiqoo Ufafa 2:14

Akaqa ainainara kai inniara aaqaidammiafoo qidaqa. Inniki maqee Baraamafa ooqai mariu fasiqana aanna ree mariafanoo mi fasiqafa Baraamafa marufaqa inniki akaqausa mi oosanna maraidaqa. Ooqai Mooaba maqusanaasa karaambaiqa fannoo Barakafa Anutuna tamummaqara fasiqa moo auqu Baraamana munnimma amiseenoo anee naukarara ufa Isaraee maqannaa nimisainaqa kuquaqa. Miqi qufanoo Anutufa Baraamanara qaoo qufanoo quandakinoo Barakana qimamufanoo Isaraee maqanaasa mindaraasa unna Anutuna oorisaa naranara dufi dufi qimasee narana naidaqa mindaraa anaasee naafeeqee mariqau. Innee Peerakamumma amaana maqaki mariasa akaqausa Baraamana oosana maree mariafanoo.

Heeburu 10:34

Innee karabusaki mariasa dadaaqidaqa narana munu nimiranannai misa aupurarana inne faqa maree mariafanoo. Faiqí anaasee aniree aanoomasee inni maaqakinaa ainaina aiqama animaree fifuafaqa sia innee minara noori runuafanoo, innee asasa kai mandee mariafanoo. Innee inneeqa maa maqanasaaqaraa qumiasanara fifau oorudupira ainainee qimasee innaarunai uriqarara naaru marira ainainara maridanoo fee qimasee sia ikiraqaafanoo, innee asasimariafanoo.

Ruka 12:33

Innee inneeqa qumiasana moosa nimisee feefauru maraseeqa kudi fasiqa anaasee nimiseeqa, mi andeeqaranannai innee sia afauqaqaaninna munnimmara foora maraseeqa afeediaqa inneeqa aiqama qumiasana innaarunai kai afeediaqa, miqoo sia oorudupiannoo sia ummuara fasiqa fannoo maraannoo sia qooqoosa aukuanno.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Aaquqira Ufa 23:23

Kuqaa anoona qira ufa faqa amiqira irirana faqa afeekaikammasee maraa. Firaa ainaina marinara sia uqasaina moo fannoo feefauriani.

Ruka 19:41

Yisufa Yeerusaree maqusa adeedi ramaseenoo mi maqusanara faqa faiqí anaasee minaki mariasara faqa ikiraqanau.

Ruka 9:23

Yisufa quandaki aiqamausa qimannimidanoo qinau, faiqí moo fannoo qini faqa firaree qimasee qini ufamau finafa narí marirana minniseenoo faasaambaasaana qini ufasaara kuqa dariranara amanaikidee qinafa qini faqa fidanoora foora qini ufamau fuannoo.

Mataioo 19:21

Yisufa iriseenoo qimaminau. Anee innaarunai atisaa kai mariananoo. Anee aiqama maraannee qimaseenana aneenna qumiasana aiqama mara mareenana moo atinai nimiseenana feefauru maraseenana kudifasiqauqa nimisainanoo ani qumiasana ani afeesara innaarunai mariannoo. Miqinana doo ania, qini faqa fua.

2 Koorinti 12:15

Qinee inni nikausara foora maridaqa firaaqoo inniara qimuqusufaqa innee qini faiqiara foora quandakina firaaqoo qiniara faqa nimuqusiaqaana. Qinee kai inniara firaaqoo qimuqusidanoo.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Ruka 16:9

Qinee inni qimannimidaqa, maa maqanasaaqaraasa nári afeeka iriranannai kaaqa afeekaikamasee maaqoo mariranara iridaqa munnimma aina afeedidaqa. Innee faqa misa naanna ramasee kaaqa afeekaikamasee naaru marira afeedira ainainakiara munari minari masee inneeqa maaqooqaraa manda munnimmannai sarau imariasa dadaaqiqa innaarunai asumu mariranaki moomoo ainaina afeediaqa.

2 Timooti 3:12

Aiqama maqasaa qaraasa asauku mundiranasaa irirana rusiseeqa miqooqari Anutuna andeeqara oosana maraifaqa narirana aupurarana mareefaranoo.

Oosana 34:19

Seekeemmafa kai kaqi uqanna inoo misa qimamundee inau. Mifa Yakooboona araamunara aidi marunara miqinau. Seekeemmafa narí aiku asaukukiqari kaaqa uriqararafa marinau.