Mareekoo 1:6 - Anutuna Ufa

⁶ Yoohaneefa sia amiqira qamunna afisinau tamummaqara fasiqa naanna ramasee aadaika aadaikirafa, kameera asausinnai auqira qamunna afisusee aandau apatannai auqira pikapa qamunna rafaaqafuseenoo marinau. (Kameera qoosa fooqaa ira aandau maridanoo.) Yoohaneena narana naafaa oofaafana nariqa minara pandaaqa oofaafanee qimaruna faqa ookasaasa anoona faqa kai nee marinau.

Mareekoo 1:6 Referans Kwoze

Mataioo 3:4

Mi fasiqafa Yoohaneefa qamunna sia amiqirana afisimarinau. Aadaika aadaikirafa kammeera kisaaqa asausinnai auqirana afisirafa nimarinau. Tamummaqara fasiqa naanna ramasee miqimmasee marinau. (Kammeera fannoo firaa aandau qoosara foora maridanoo. Asausi kisaaqandauqa maruna mina marasee sufusee qamunna auquqaqee afisimariqau.) Yoohaneefa aandau apatannai qamunanda rafaaqafu rumbanau. Mina narana sia narana uqanna. Ookasaasa anoona faqa kaasau oofaafana faqa mina auqu pandaaqa oofaafana mina kai neemarinau.

Mareekoo 1:5

Yudeea maqa maaqaki marusa faqa Yeerusaree maqusaki marusa faqa mi saqa marusa moomoosa Yoohaneefa marunnai Yooradanna nammari afainni marunnai ooqu reeqa nári mandainainara kooroomasoofanoo Yoohaneefa Yooradana nammariki mara quqasee keeqamannimaqasee uqeerasoofaqa findifiqa miqooqari fifainiqau.

Mareekoo 1:7

Yoohaneefa maaqi qimasee faiqí anaasee qimanniminoo qinau. Qini qinaaqiannai kambiqaaninnafa qini firaaqoo uriqararafa mariannoo. Qinee Yoohaneesa kasooqaqee kambiqaaninna fasiqana mina kaaqa ureeqarausa maridaqa. Naqimasee fee qinee mina dadaaqianauree ureeqara ainainira fasiqauqakiqari ureeqararausa maridaqa sia amana mina dadaaqianaura.