Mareekoo 1:25 - Anutuna Ufa

^25-26 Yisufa mina aundurakinaa afaanna amambaina qimasee qimaminau anee ufaseenana mi fasiqanakiqari rafudamaki fua, qufanoo mi faafasaaqafa mi fasiqana qumaree udamudami firaaqoo masee firaa kari aqnaakinakiqari faaqa quqaseenoo rafudamaki sandanau.

Mareekoo 1:25 Referans Kwoze

Mareekoo 1:34

Yisufa moomoo aurirana oosana oosana aurirana andeeqanniseenoo faafasaaqa marusa moomoosa miqimma quqannimufaqa rafudamaki sandaqau. Misakina faafasaaqauqa Yisufa Anutuna amaaku marunara irisee kooroo iandoo qimasoofanoo Yisufa misa ufara qaoo qufaqa sia ufa qirai kaqi rafudamakidaqa sandaqau.

Ruka 4:41

Afaannauqa faqa niqiqee marufaqa moomoosa naunduraindari raudamaki faaqana faqa sandaidaqa qiqau, anee Anutuna amaaku mariananoo fee qufanoo Yisufa miqooqari qaoo qinoo sia ufa qiaqee qinau, mi afaannausa Yisuna Anutuna asauku mundirafa marunara irimarusa marunara, minara mifa misa nimambaina qinau, innee ufaseeqa qufaqa misa sandamafiqau.

Ruka 4:35

Yisufa iriseenoo amambaina qimaseenoo qinau, anee ufaseenana mi fasiqana aundurakiqari raudamaki see fua, miqi qufanoo mi afaannafa aiqamausa nifusaa mi fasiqana maqasaa mafi aqusee sandeenoo sia aupurarana aminau.

Idi Ufa 50:16

Aaqara oosana maree mariasa Anutufa maaqi qimasee qimannimidanoo. Innee nanaree qini naamuaqira ufa nikaru qimasee naakapaidee. Innee nanaree qini moodaanaki kira ufa unnaqimasee inni nifaurusaaqari uridanoo fee.

Mataioo 9:30

Miqi qufanoo mikari kai miqanda nifu andeeqannisanau. Miqanda nifu maqasoofanoo Yisufa maaqi qimasee qimanniminau. Nimambaina qimaseenoo qimanniminau. Doo inneeqara sia uqanna faiqi anaasee akaqausa qimannimiaqa. Maa ufana kukeeqammasaaqa.