Mareekoo 1:23 - Anutuna Ufa

^23-24 Yisufa qimannimi marufanoo faiqí moo aundurai faafasaaqa marufa amaana maqaki keeqafi faaqa quqasee Yisuna qimaminau, Yisu anee Nasareetee maqusanaafa anee nanaree maasa soodaaqidanee, anee maasa daru taikararee anidanee, qinee aniara iridaqa anee Anutuna naaquqara ufa maree marianafa mariananoo.

Mareekoo 1:23 Referans Kwoze

Mareekoo 5:2

Yisufa kanuqakiqari maqasaa aqufufanoo faiqí moo faafasaaqa aunduraki marufa Yisufinnai aniranau.

Mareekoo 1:34

Yisufa moomoo aurirana oosana oosana aurirana andeeqanniseenoo faafasaaqa marusa moomoosa miqimma quqannimufaqa rafudamaki sandaqau. Misakina faafasaaqauqa Yisufa Anutuna amaaku marunara irisee kooroo iandoo qimasoofanoo Yisufa misa ufara qaoo qufaqa sia ufa qirai kaqi rafudamakidaqa sandaqau.

Mataioo 12:43

Maa maqee mariasa kaifaa maaqimminoo mariannoo. Innee manda faafasaaqa faiqí naunduraki marifara foora marifara. Mi faafasaaqafa mi fasiqana aundurakiqari raudamakinoo fifi inoo fiqu fiqu inoo aadana maqa maaqa oombura maqa maaqaki aakaaqaki adooaranara randaisianoo fiqu fiqu imarinau.

Mareekoo 1:22

Mina ufa irimarusa firaaqoo naaquqanau. Sia Mooseena sandufa akoofasauqara foora qimanniminau, narí Anutufara foora qimannisoofanoo naaquqanau.

Mareekoo 1:29

Misa mi amaana maqanakiqari rafudamakufaqa Simoonasa Andurusa maaqaki fiqau. Yameesa Yoohaneesa misa faqa fiqau. Yoohaneefa nammari nimimaruna amarafa Yisuna aiku asaukukirafa marufa misa faqa finau.

Mareekoo 1:39

Miqi qimaseenoo Yisufa Kariree maqa maaqaki oonuree aniree idanoo nári amaana maaqakiaqa keeqafida qimannimidanoo naundurai faafasaaqa marusa niqiqee marufaqa rafudamakida fimariqau.