Mareekoo 1:15 - Anutuna Ufa

¹⁵ Andeeqara kamu doo ani maridanoo Anutuna rakisira ququsa doo adeedi ranoo maridanoo. Innee inneeqa mandainainakiqari quandakinaqa amiqira fasaasa ufa irisee inni irirana minasaa rusiaqa.

Mareekoo 1:15 Referans Kwoze

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Mataioo 4:17

Yisufa Kapeeranauma maqusai ooqu maridanoo maa ufana oosana arasee faiqí anaasee maaqimmasee qimannimimarinau. Innaaruna ququsa adeediranoo maridanoommi, innee inneeqa mandainainara maqee kai aupuree quandakiqa Anutuna oorinni noori quandaaqa.

Eefeesusa 1:10

Anutufa narí kai irinoo andeeqara aukuanee qimasee narí ooqai kambiqaaninna ainainara qimarufa taikaannoo minara qimarufa maaqimmiannoo Anutufa aiqama ainainna auquqoo ainainafa innaarunai mari ainaina faqa maaqoo mari ainaina faqa oonu maree ani mareeqeenoo moodaanaki quqaseenoo asauku mundirafa misa nikiaqasaa mariannoo.

Mataioo 10:7

Innee fidaqa maaqi qimasee qimannimiaqa. Innaarunai ququsa fannoo adeediranoo maridanoo.

Ruka 10:11

Inni maqusa kookoomma fannoo maasa qifaaqai atooqafifaqa maasa rukeeqee inniqa nifaaqai aqiqa, maa ufana amiqimasee iriaqa Anutuna innaaruna ququsa fannoo inni naaqa ani marifaqa minnisaafanoo.

Roomma 16:26

Ooqai mi kukeeqara anoona ufafa maqee naaru naaru marira Anutufa ufa qufanoo mi kukeeqara ufafa aiqamausakina akoosaqa kooroomafifanoo marifaqa qafaidaqa iridaqa. Anutufa ufa qufanoo Yisufa sia kambiqooqoo tamummara fasiqauqa Yisuna aufakiana kooroo iqau. Maqee faqa aiqama maqannaa qimannimiafaqa mi ufanasaa irirafa rusififaqa iridaqa eedoo qimasee mi mau fuaqeera.

Titusa 1:3

Mifa ooqai naaru marirana kasooqaqee qimiraree qunara doo maqee maa fasannai andeeqara aukuannee qimaqoofa mina anoona Yisufa maa fasannai doo kooroo inoo maridanoo. Anutufa maasa mandainainakinaana qumaree marifa firaaqoo qimaqimina mi ufana qimannimidaqa.