Mareekoo 1:11 - Anutuna Ufa

¹¹ Quqamafufanoo innaarunaindaraa ufa moo maaqi qimasee Yisunara qinau. Anee qiqaindi uqanna qimuqusira qimaaku marianafa qinee aniara amiqimasee qiqaara raidanoo.

Mareekoo 1:11 Referans Kwoze

Mataioo 3:17

Quqamafufanoo innaarunaindaraa ufa maaqi qimaseenoo akooqoo Yisunara qinau. Maa fasiqafa kaaqa qini qimuqusira qimaaku marifaqa minara qini qimuqusa asooaifaqa susuidaqa.

Idi Ufa 2:7

Maqasaa karaambaiqa maaqi qinau, qinee Yaaweefa qima qimu ufana kooroo ianauree qinau. Mifa qiniara maaqi qinau. Anee qini qimaaku mariananoo maqee faasaana ani akausaikammiqa.

Kooroosee 1:13

Maasa manda marira asukunaki marunanoo maasa rafaaqafuqisaifaqa marunanoo Anutufa qumareeqeenoo narí faiqi uqanna ququsaki quqannisaifaqa amiqiranaki maridaqa.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Yoohanee 5:37

Sia qinee auqee marunafa kai qini duqu uqeeraidanoo. Qini qikoofa qini diqiqamaqaifa mifa faqa qiniara ufa qidanoo dadaaqidanoo. Innee Yuda maqannaa uriqararausa ooqaindari sia mina ufa irimariafanoo. Innee sia mina afiri qafaanara sia uqanna mina iriranamau firanara irimariafanoo.

Yoohanee 1:34

Maafa Anutufa rusandeesamu masee maroofa narí amaaku uqanna maridanoo. Qinee qeeqa qifunnai qafeeqa inni kooroomannimaqaidaqa.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Yoohanee 6:69

Doo maqee maasa aniara kuqaa anoonee qidaqa aniara Anutufinaindari naaquqarafa mariifoo qidaqa.

Mataioo 12:18

Mifa ooqai maaqi qimasee Yisunara akara rinau. Qafaa, qini dadaaqira faiqi, qinee mina utaaqamamaqaunafa. Qinee minara qimuqusidanoo qini daundura minara asasidanoo. Qini maraquna mina aakufuannoo. Mifa aanaamuru mariasa faqa kiapausara foora andeeqannisaannoo. Sia Isaraee maqannaa kai.

Mareekoo 1:10

Yisufa nammarikiqari findifinoo qafoofanoo innaaruna rakeemafufanoo Anutuna maraquna fannoo nakipurunara foora Yisunasaa qumu quqanau.