Kooroosee 4:6 - Anutuna Ufa

⁶ Innee Yisuna ufa irimariasa sia misa rauqisee qimannimiaqa, kasooqaqee fifimmasee adiafaaira ufa qimanniminaqa irifaranoo. Innee miqimarifaqa faiqí anaasee inni iraifaqa andeeqasee anoona ufa kai qimannimiaqa.

Kooroosee 4:6 Referans Kwoze

Eefeesusa 4:29

Sia putaa ainaina afunda ainainara ufa qiaqa, faiqí anaasee pooduqamannimaqaida dadaaqimaria ufana kai qimasaifaqa misa iriseeqa amiqirana adiafaairana mareefaranoo.

1 Peetooroo 3:15

Innee maqee maqee inneeqa nimuqusaki asauku mundiranara naaquqainaqa mina mareeqee inneeqa karaambaiqaikiaqa. Akaqausa inni innaarunai ainainara asasammasee afeesimarianara iraifaqa innee faasai Yisuna saqarikiranara deedaqammaqainnana misa qimannimiaqa.

Mareekoo 9:50

Ooruku amiqira ainaina maridanoo mina adiafaa irafa taikafinanoo naqimmasee adiafaairana maraannoo fee sia amanaikiannoo. Innee inneeqa naunduraki narinni narinni ooruku faqaasara foora maridaqa narinni narinni asooaranaki mariaqa.

Aaquqira Ufa 15:4

Nifaaqa amiqianifee ufafa marirana nimidanoo. Aanoo qimaria nifaurufa faiqí naunduraindaraana narimarifa maridanoo.

Aaquqira Ufa 15:7

Irirana faqaasa irirana aqamara foora doo aiqamai aaqaidaqa. Sia furufari mariasa miqidaqa.

Kooroosee 3:16

Asauku mundirafa nimu ufana innee iriseeqa maqee maqee eedoo qidaqa mi mau kai fimarifanoo inni naunduraki mi adiafaairafa qumbiqaani. Innee mi mariranasaa fidaqa iriranannai kai narí andeeqee narí andeeqee iaqa. Firaa iriranannai aiqamausa narí aaquqimamaqaina narí aaquqimamaqaina iaqa. Anutuna maraquna fannoo amaana idi nimuna mi idina maqee maqee raqa nuaqa. Idi roona auqu Dafidifa mina idi faqa ooqeenaasa amaana idi faqa mi idisa maqee maqee raqa nuaqa. Raqa nidaqa Anutunara asasidaqa dufi dufi qidaqa mi idi namusa raqa nuaqa.

Mataioo 5:13

Qinee sia fifau inni maa ufana qimannimidaqa. Innee qini ufa irimariasa maa maqa maaqanasaa oorukuara foora mariafanoo faiqí anaasee aiqama adiafaamma nimaqaanifeera. Innee qini maa ufana rukiaifaqa faiqí anaasee yai fee adiafaairana paqurifaree. Ooruku indeemariasa amiqira ooruku indasee maaqaki quqaidaqa. Manda ooruku indasee qafaafanoo mandaikifaqa doo aqusaafanoo madaapeekammidanoo. Innee qini maa ufana rukieeqa manda oorukuara foora marifara, manda oorukuara foora madaapeeki aqusaifaqa marifara.

Aaquqira Ufa 10:21

Amiqira fasiqa ufa fannoo moomoosa dadaaqidanoo. Furufari marifa narí furufariranannai narí kai aridanoo.

Idi Ufa 119:46

Qinee ani naamuaqira ufa uriqararausa kooroommasee qimannimianaura. Qinee miqi qimasee qimannimidaqa sia qisauruanauranoo.

Idi Ufa 105:2

Innee Yaaweena idi ramamaqaida mina amooqiqa. Mifa idaaqira ainaina auqoonara qima nimiaqa.

Idi Ufa 45:2

Oo maasa maqasaa Karaambaiqa ani afaaqa aiqama faiqí faiqikiqari amiqirafa mariananoo. Ani afauru deepimaseera foora amiqira ufa adiafaa ira ufa kai ani ookiqari ururaidanoo. Minara naaruara naaruara Anutufa ani amiqi amiqimma amaqaidanoo.

Ruka 4:22

Misa mina adiafaaira ufausa iriseeqa tautumasee narí qimami narí qimami qiqau, maafa Yooseefaana amaaku kai maridanoo fee qimasee nikooqanau.

Idi Ufa 119:13

Anee qimunna sanda ufausa kafaa kafaa firaaqoo nameera qidaqa qimannimianaura.

Idi Ufa 66:16

Innee Anutunara qeerairi mariasa mai aniraifaqa qini dadaaqinara qimannimia.