Kooroosee 4:18 - Anutuna Ufa

¹⁸ Faiqí moo fannoo ufa qunnana akararumasaifaqa qeeqa Pauroosa kaqi qeeqa duqu kai akara ridaqa maa akarana rafaaqafidaqa. Qinee inni nimandaidaqa. Qinee Roomma maqanna karabusaki kaqi marunnanara innee maqee maqee innaaru qimaqisaaqa. Anutufa narí marirana inni niminaqa innee amiqi amiqiaqeera nimiannoo mina maraaqa.

Kooroosee 4:18 Referans Kwoze

Heeburu 13:3

Innee karabusaki mariasara misa faqa karabusaki maridara foora amiqimmandee rakisinnimaqaaqa. Asauku mundirana ufasaara aupuree mariasa sia aunuaqa. Innee misa faqa moodaanaki aupuraranara foora nimuqusi marinaqa rakisinnimaqaaqa.

2 Timooti 4:22

Karaambaiqa maraquna fannoo ani faqa mariani Anutuna afaarirafa inni aiqamausa faqa mariani.

1 Timooti 6:21

Akaqausa mi unna irirana faqaasa ufara doo iridaqee qinausa Yisuna ufasaa fimariaqooqari quqasee auiaidaqa. Doo. Anutuna afaarirafa inni aiqamausaki mariani.

1 Koorinti 16:21

Faiqí moo fannoo qini dookinaana iriseenoo maa pasana akara rinau, maa qusa ufana atisaa qeeqa qisaukunnai akara ruanaura. Qinee Pauroosa inni nimandaidaqa.

Heeburu 13:25

Anutuna afaarirafa inni faqa mariani.

Titusa 3:15

Aiqamausa qini faqa maria fasiqausa ani Titusana amandaidaqa. Yisunasaa mundimariasa anee marianannai mariasa maasara rimariasa anee misa faqa nimandaa. Anutuna kaqi nimirafa innisaa faqa mariani.

2 Timooti 1:8

Minara irisee maasa karaambaiqara sia asaurua. Qinee Pauroosa minasaara karabusaki marunnanara faqa sia asaurua kaqi paasoosamasee qimannimia. Anee faqa miqi kai inana Anutufa afeeka amiqaina anee faqa Yisuna amiqira fasaasa ufara kaqi aupuraranaki keeqaa.

Firipi 1:7

Anutufa narí saika Yisunara qimannimira saika adiafaa imari saikana qimufaqa innee aiqama minaki marida dadaaqi marusa mariafanoo, minara inniara asasirafa andeeqarafa kai maridanoo. Ooqai sia qinee karabusaki mariafanna kamu qoo qinee Yisuna aufakiana faiqí anaasee kaqi nidaqa qimannimiseeqa naunduraki mapuku nisasee mariqiafana, akaqausa minasaa ootupeeqa aaqaranaki quqasoofaqa qinee oonuree mina ateekaafanaqa innee faqa dadaaqi marusa mariqau. Doo maqee faqa Roomma maqannaa karabusaki maridaqa innee faiqí anaasee mapukunnisee mariana qini dadaaqi mariasa marianara inniara Anutufinnai asasirafa andeeqanoo maridanoo.

2 Teesaroonika 3:17

Faiqí moo fannoo qini maa ufana akara rumasaifaqa qinee qeeqa qisaukunnai maaqi qimasee rafaaqafidaqa. Qinee Pauroosa inni nimandaidaqa. Innee maa akaranara moonaindi fee qifoora aiqama papiqa akara rumasee qeeqa qisaukunnai rafaaqafidaqa.

Kooroosee 4:3

Innee innaaru qidaqa mai qini Pauroosa saimbaqa maaqoo rumbaqa qini faqa mariasara faqa innaaru qimannisaaqa. Ooqai asauku mundirafa kukeeqanoo marufanoo maqee kari akooroo inoo marifanoo Anutufa maasa dadaaqinaqa mina ufa aiqamai kooroomannimaqaannee qimaseeqa minara faqa innaaruqiaqa. Doo qinee maqee Roomma maqannaa rumbaranaki fifau maridaqa. Asauku mundiranara maqusa maqusa qimannimiafannanara Roomma maqannaasa sia maasa amaana ufafau qifoo qimaseeqa qini rumbaranaki quqaqaafaqa maridaqa. Innee minara iriseeqa qiniara faqa innaaruqimaqisaaqa.

Roomma 16:23

Yisuna ufara suqufi qimariasa Kaiusana maaqaki maqee maqee suqidaqa, qinee Pauroosa faqa mina maaqaki marunanoo mi fasiqafa Kaiusafa inni Roomma maqannaasa nimandaidanoo. Qeeqa maqee marunna maqusanaasa munnimma kansoora munnimma rakisimarifa mina auqu Eerasatusafa faqa maasa qikaqaafasaa Kuaratusafa faqa inni nimandaidaqa.

Roomma 16:20

Anutufa maasa asooarana oosana faqaafa qusasaa Sadannana inni niku ameemaanaira foora mareeqeenoo quqasee radamusaannoo. Karaambaiqa Yisuna afaarirafa inni faqa mariannoo.

Roomma 16:22

Qinee Teeratiusausa Pauroona ookinaana iridaqa maa pasana akara rimarunausa maridaqa, maqee qinee faqa Yisuna ufa irimarunausa maridaqa inni nimandaidaqa.