Kooroosee 4:17 - Anutuna Ufa

¹⁷ Arakipusafa karaambaiqa ufa irimarifa maridanoo. Innee afeekaikamasee qimamia. Anee sia qumooqukidana aunduaria. Afeekaikamasee auqa. Innee miqi qimaseeqa Arakipusana qimamiaqa.

Kooroosee 4:17 Referans Kwoze

2 Timooti 2:2

Qinee moomoo fasiqa anaasee nifusaa ufa nimiafannana anee faqa mina irimariananoo. Mi ufausa maramareenana andeeqara fasiqauqasaa quqasainaqa misa qumareeqa quandafi niqoonausa faiqí anaasee qimannimiaqeera.

2 Timooti 1:6

Minara qinee maana qimamidaqa ooqai qinee sindimeera foora ani quqamaqaafananoo Anutufa ani amu afaaqooqana anee amiqimasee rakisiinana kuqua.

1 Timooti 6:20

Oo Timooti qinee moomoo fasiqa anaasee ani asaukuki quqasaanana anee amiqimasee afapita qumaraa. Dapi ufa Anutuna andeeqarufa sia minaki mari ufafa furufarira ufa raiqara ufa faqa akaqausa moo aaqara ufara unna qimasee irirana faqaasa ufa fee qidaqa mi ufausara aiqama anee faqa misa faqa eerairiaqa.

1 Timooti 4:16

Aneenna nirana mariranasaa faqa aneenna faiqí anaasee ufa qimannimiranasaa faqa rakisia. Qinee qimamunna ufamau andeeqasee finana ani nirafa marirafa andeeqasee marinana anee aneenna faqa ani ufa irimariasa faqa asumu mareennaranoo.

1 Timooti 4:6

Oo Timooti anee asauku mundirafa Yisuna amiqira ainainira faiqi maridana mina ufa irimariasa ani akaqaafasaauqa qini maa ufausa qimannimia. Yisunasaa mundira ufa faqa mina anoona ufa faqa ani ooqai mi ufanasaa fidana innooqana marianafa mariananoo. Miqidana qini maa ufausa aneenna akaqaafasaauqa qimannimia.

Eefeesusa 4:11

Mifa kaqi nimira dadaaqira afeeka faiqí anaasee niminau, mi dadaaqira afeekafa ainainirana akoofasaikiaqee qimasee akaqausee niqiqoo fasiqausa akoofasaikirana niminau, akaqausa faiqí anaasee qimannimirana akoofasaikirana niminau, akaqausa aamina maqannaasa qimannirana akoofasaikirana faqa paatoo saika akoofasaikirana faqa ufasaa rakisirana akoofasaikirana faqa niminau.

1 Timooti 4:14

Ooqai Yisuna ufara suqimarusasaa rakisirausa ani sindimeera foora quqamaqeeqa nisauku ani afaaqai quqasee ani afaaqooqa qiqa Anutuna maraquna fannoo afeeka moo amuna afeekaikamasee amanamasee qafamasainaqa aiqamausa aniki doo maridanoo fee qiaqa.

Mataioo 25:17

Qaara koondaa amanee maroofa miqi kai inoo kafaa qaara faqa qaara faqa aniranau.