Kooroosee 4:12 - Anutuna Ufa

¹² Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

Kooroosee 4:12 Referans Kwoze

Roomma 15:30

Oo qini qikaqaafasaa qinee Pauroosa afeekaikamasee inni qimannimidaqa. Innee qiniara Anutufinnai innaaru qiranannai qini dadaaqiaqa, Inneeqa nimuqusa ookiqari afeekaikamandee qiniara innaaruqiaqa. Innee faqa qinee faqa asauku mundirafa Yisufa maasa karaambaiqa minasaa atooqafi marunausa maridaqa minara irisee qiniara innaaru qiaqa. Anutuna naaquqara andeeqara maraquna fannoo nariara náriara nimuqusirana maasa firaaqoo qimuna innee minara faqa iriseeqa qiniara innaaru qiaqa.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

Firemoona 1:23

Eepafaraasafa asauku mundirana Yisuna ufa akiaqara qini faqa Roomma maqannaasa rumbaranaki marifa mifa faqa inni nimandaidanoo qini faqa moodaannaana ainaini mariasa Mareekoofa faqa Aristarakusafa faqa Deemasafa faqa Rukaafa faqa misauqa faqa inni nimandaidaqa.

Kooroosee 1:28

Maasa maa namusa asauku mundiranara aiqamausa qimannidaqa. Maasa aiqama fasiqa anaasee aaquqimannimaqaidaqa naamuaqidaqa amiqira iriranannai asauku mundiranasaa atooqeemariasa sia faiqi aanaaqiara foora iaqeera faiqí firaasara foora mafiqa Yisunaki mapukusee mariaqeera qimannimidaqa.

Kooroosee 1:7

Eepafaraasafa maasa moodaa saikimarifa asauku mundirana amiqira saikimarifa qini qimanasaa inniki fimarufa maridanoo mifa kai mi fasaasa ufana inni Kooroosee maqannaasa qimannimufaqa iriqau.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

Karatia 4:19

Qini faiqi namu qini qimuqusimaria faiqi namusa mariafanoo. Anaasee moo fannoo faiqi aanaaqi maqaidanoo aupuraidanoo maqaidanoo. Qinee miqikaimmasee amiqira fasaasa ufa inni qimannimisee asauku mundirana andeeqara oosana marirana nirana inniki kambiqaanifeera inniara aupuraidaqa qimannimidaqa.

Karatia 1:10

Faiqí nifusaa qeeqa qimoofee qida fee nasurida fee miqi qidaqee oo sia uqanna qinee miqianaura. Anutuna kuqaa eedoo qira ufara qinee randaidaqa. Qinee faiqí nifusaa fifau nasuridaqa miqi qidafau sia asauku mundirana ainainiranaki marini maqee maqee qini darirara kai qiafaqa moo ainainiranaki funaiqini.

Roomma 15:14

Oo qini qikaqaafasaauqa qinee Pauroosa inni Roomma maqusai mariasara qidaqa. Qinee inniara amiqirafa faqa irirana faqa qumbiqarausee qidaqa innee Roomma maqusanaasa amiqira irirana narí uqafiqee narí uqafiqee qimariasa amana mariafanoo.

Yudeesa 1:24

Anutufa innee mandainainaki aqufirarifanoo mifa amana inni ititannisainaqa sia aqufifaranoo. Mifa amana inni mareeqeenoo amiqimmandee ninukamasee asasirana inni nimisee narí afaaqa areenaranaki naroorisaa amana quqaaninafa.

Heeburu 5:14

Narana uqanna faiqí anaasee narana maridanoo. Misa doo akoofasa mariafanoo nimaakirisaa quqasee qafaidaqa mandaikinnana qafeeqa amiqirana qafeeqa miqidaqa akoofasa maridaqa. Innee faqa miqiaqaana. Qinee narana kikiqusidaqa amaana ufa qimannimira oosana miqiminoo maridanoo. Akoofasa fannoo iriseenoo rainaidanoo amiqiranara iridanoo mandaikiranara minnisaidanoo. Faiqi aanaaqi fooqaa fasiqa mifa mandaikirana faqa amiqirana faqa kaqi naannoo.

Heeburu 5:7

Yisufa maa maqanasaa Keetaseemanee saqamaki maridanoo aunirira saqarisaa kuquaninnanara Anutunara innaaru qidanoo qaoo qimirinau. Innaaru qidanoo firaaqoo faaqa rumaseenoo ikiraqaseenoo kuquaninnanara qaoo qimirinoo innaaru qinau. Anutufa mina reendeenirana qafamaseenoo mina aundura Anutufinnai ubeekaranara iriseenoo mina innaaruqirana iriseenoo dadaaqinau.

Kooroosee 1:22

Innee minni marufanoo Anutufa maqee inni mareeqeenoo narí aaqa quqaseenoo moodaanaki kinau. Narí amaaku narí afaaqa uqanna kuqiranannai kai inni moodaanaki aqoondikamma nimaqanau. Anutufa sia fifaufau miqinau. Inni marirafa nirafa amiqira marira andeeqara nira nuaqeera miqinau. Yisufa inni mareeqeenoo Anutuna afusaa kooroomasainaqa inniki sia moo nifasaasa ufa marianifeera nuqu siaisa mariaqeera minara Anutufa inni aqoondikamma nimaqanau.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.

1 Koorinti 14:20

Oo qini qikaqaafasaa sia inni irirafa faiqi aanaaqi iriranara foora mariani, faiqí firaasa iriranara foora mariani. Oosana oosana mandainainara minara kai inni irirafa faiqi aanaaqindiara foora nisakadiki qikairi siaisa mariaqa.

1 Koorinti 2:6

Qinee sia faiqí irirana marasee aiqamausa qimannimidaqa, akaqausa Anutunara firaaqoo mapukusee irimariasa kuqaa qinee irira ufa misa qimannimidaqa. Sia maa maqanasaaqaraasa iriranau misa qimannimidau, sia maa maqanasaa rakisimari afeekausa iriranau qimannimidau doo misa afeeka taikaidanoo.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Mataioo 5:48

Inni innaarunnai nikoofa andeeqarana fiqararafa maridanoo. Sia namuqaa fee qidanoo, sia maana qini qiqoondi fee qidanoo aiqamausa amiqi amiqimannimaqaidanoo. Innee faqa miqi kai iqa mina aanna raaqeera qidaqa.

Yameesa 5:16

Inni nariara nariara manda irira irimariannana akooroomaseenana nariara nariara amiqiaqa. Inni aurirana taikaanifeera nariara nariara innaaru qiaqa. Andeeqara fasiqa innaaruqirafa afeeka ainaina maridanoo.

Yameesa 1:1

Anutuna aiku asauku maaqa maaqa daraaniqa mariasa qinee Yameesasa inni nimandaidaqa. Qinee Anutuna eedoo qira rumbara saikara foora marunna fasiqausa maridaqa. Asauku mundirana Yisuna maasa karaambaiqa mina faqa eedoo qira rumbara ainainira fasiqara foora maridaqa nimandaidaqa.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

Ruka 1:1

Oo maa fasiqa Tioofirusa maasaki Yisunasaaqari kambiqoo ainainara moomoo fasiqauqa amanamasee akara riqau, Yisufa kambiqooqooqari minara qimannimimarusa misa qimannimufaqa akara riqau.

Kooroosee 1:29

Maa namusakiqari qinee Pauroosa firaaqoo kadaapiridaqa qimudaanaiqidaqa fuki faaki qidaqa qimannimidaqa. Sia qeeqa afeekannaifau miqidaqau Yisuna afeekannai miqidaqa faiqí firaasara foora mariaqeera miqidaqa.

Kooroosee 4:9

Qinee Ooneesimusana faqa Tikikusana faqa miqanda innee mariannai niqiqaanaura. Ooneesimusafa mifa Kooroosee maqannaa maridanoo mifa faqa maasa qikaqaafasaa amiqirafa marifanoo maasa minara faqa nididanoo. Miqanda maaqoo oosana oosana ainaina koorooiranara inni qimannimifaranoo.

Yameesa 1:4

Innee miqiqa maridaqa Anutuna ufamau kisaaqasaa fimarifanoo inni marirafa nirafa muduka kaqi mariaqa sia kaqikaaqo sia amanaikiaqa kaqi amana kai muduka marianifeera miqiqa mariaqa.