Kooroosee 4:10 - Anutuna Ufa

¹⁰ Aristarakusafa mifa faqa mai qini faqa Roomma maqanaa rumbaranaki maridanoo nimandaidanoo. Baranabasina akaqaafasaa uqanna Marikoofa mai marifa mifa faqa inni nimandaidanoo. Qinee moo akaraki Marikoonara qimannimiafannana mifa oonurainaqa innee mina amiqimasee rakisi aisaaqa.

Kooroosee 4:10 Referans Kwoze

2 Timooti 4:11

Rukaafa sia rumbaranaki marifa kaqi marifa mifa kai qini faqa maridanoo. Anee Marikoona afiqee minisainanoo Anutuna saika qini dadaaqiani.

1 Peetooroo 5:13

Yisuna ufa irimariasa Babiroonia maqusa mariasa faqa maridaqa Anutufa misa faqa rusandeesamumasee maroosa maa papiqanaki inni nimandaidaqa. Qini qimaaku Marikoofa mifa faqa inni nimandaidanoo.

Roomma 16:7

Qini maqannaa Yuda maqannaa fasiqa anaasee qini faqa karabusaki maruqanda nuqu Andaroonikusafa faqa Iunia nammarifa faqa mi qafaqisa naaree Yisuna saqariki maruqanda maridaqa qinee innaaqianna. Yisufa niqiqoo fasiqausa amiqimandee miqandara iri mariqau. Qinee miqandara faqa maa pasanaki nimandaidaqa.

Roomma 16:2

Mifa andeeqara anaasee marinoo oonurainaqa innee Anutuna faiqi namu naanna ramasee karaambaiqa ufa irimari anaasee fee qimasee amiqimandee qumaree rakisidaqa mi anaaseefa moo ainaina ummaara moo bisinisa Roomma maqusai auqainaqa innee kaqi dadaaqiaqa. Mi anaaseefa moomoo fasiqa anaasee dadaaqirafa qini faqa dadaaqira qiqoondi maridanoo.

Firemoona 1:23

Eepafaraasafa asauku mundirana Yisuna ufa akiaqara qini faqa Roomma maqannaasa rumbaranaki marifa mifa faqa inni nimandaidanoo qini faqa moodaannaana ainaini mariasa Mareekoofa faqa Aristarakusafa faqa Deemasafa faqa Rukaafa faqa misauqa faqa inni nimandaidaqa.