Kooroosee 4:1 - Anutuna Ufa

¹ Innee faiqisaa rakisirausa inni ainainira fasiqauqa innee andeeqasee amana amana kai misasaa rakisinnisaaqa. Innee faiqisaa rakisirausa maa ufana iriaqa, inni rakisirafa innaarunai marifa inneeqa ainainira faiqi mandaikamma nimaqaifanoo inni faqa ufa nimiannoo.

Kooroosee 4:1 Referans Kwoze

Uqafiqoo Ufafa 17:14

Mi karaambaiqausa sipsipa aanaaqi Yisuna aruannee qimasee mina faqa rakifara. Yisufa narí rusandeesamumasee naaramaqaisa afeekaikamandee Yisuna faqa fimariasa misa saimbaqa mi karaambaiqausa naru taikeefaranoo. Mifa Yisufa aiqama karaambaiqa maridanoo aiqama uriqararausa urinaaqararafa maridanoo minara Yisufa quandaki misa faqa naru taikaannoo.

Yameesa 2:13

Innee inneeqa niqoonausara sia nimuqusirana nimifanoo Anutufa faqa inniara faqa sia amuqusirana nimiannoo. Nariqa niqoonausara nimuqusidaqa dadaaqimariasa sia Anutuna ufara rufieefaranoo, amiqimasee marifaranoo.

Yameesa 5:4

Inneeqa munnimmara nimuqusinaqa ainainira faiqiuqa feefauru sia andeeqasee nimimariafanoo. Misa minara faaqari mariafaqa innee sia fee minara iridee. Misa inniara feefaururara faaqarirafa mifa firaaqoo ooru fimarifanoo karaambaiqa Anutufa uriqararafa innaarunai mariqoo ooru fifanoo iridanoo.

Uqafiqoo Ufafa 19:16

Mina qamunnasaa faqa mina aikusaa faqa mina auqu moo maaqi qimasee akara rirafa Karaambaiquaqa karaambaiqa uriqararausa uriqararafa maridanoo.

Mataioo 20:4

Nindafamaseenoo qimanniminau. Innee faqa qini uainna ququsaki fifaqa fafaa eenainaqa inni ainainirana akiaqara kai nimianaura. Qimannimisoofaqa eedoo qimasee fiqau.