Kooroosee 3:23 - Anutuna Ufa

²³ Inneeqa rakisirana ainainirana inneeqa nidiranannai kai auqaida mariaqa mi ainainna idaqa sia maqasaa fasiqa ainainiranee qiaqa.

Kooroosee 3:23 Referans Kwoze

Kooroosee 3:17

Innee inneeqara karaambaiqa Yisuna faiqi namu maridee qimasaidaqa mina aannandaidee qidaqa ufa qimariana ainainimariana andeeqasee mina kai afaqaaqa. Innee karaambaiqa Yisuna maa maqanasaa koorooirausa maridaqa mifa innandee innandee kai idaqa mariaqa aiqama ainaina narí qinnaqoo kai fidaqa ufa qinana auqeenana qafeeqa mina aanna raidee qiaqa. Sia noori runusee miqiaqa inneeqa nikoona Anutuna asasamamaqaidaqa susummamaqaaqa. Anutuna asauku mundirana minannai Anutufa aana ruqiqasaifaqa asasirana Anutuna amiaqa.

1 Peetooroo 2:15

Furufari mariasa inni Yisuna ufa irimariasa minara manda dapi ufa inni nimifaqa sia aanooqirana nariranannai rafaaqafuaqa. Anutufa inniara inneeqa amiqira nira mariranannai mi furufarirana qiqanuasa ufa rafaaqafuaqeera qidanoo.

1 Peetooroo 2:13

Qinee Peetooroosa maanara faqa qimannimidaqa. Maqasaa kaamanna firaa uriqararafa faqa maaqa maaqa uriqararausa faqa karaambaiqa Anutufa misa quqanau, mandoosana mareemariasa narifaqa iriaqeera faqa amiqira oosana maree marisa nimooqira ufa nimiaqeera faqa mi uriqararausa karaambaiqa maqasaa quqanau. Innee inneeqara innaarunai karaambaiqa faiqi namu maridee qimasee aiqama maqasaa fasiqa anaaseesaa rakisi mariasa ureeaqa maridaqa misa ufara eedoo kai qiaqa.

Idi Ufa 119:10

Qinee qeeqa qimuqusannai ani ufa qaindusiraree qidaqa amanidaqa. Ani sanda ufa rukiaranasaa anee qini ititaqisaa.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

Roomma 14:6

Moo fannoo moo faasaanara uriqarara faasaanee qimarifa karaambaiqa auqu uqeeraidanoo miqi qidanoo. Moo fannoo aiqama aandau narana neemarifa karaambaiqa auqu uqeeraidee qidanoo miqidanoo, Anutunara dufi dufi qidee qida neemarifa miqidanoo. Akaqa ainaina sia neemari fasiqafa mifa faqa minannai Anutuna auqu uqeeraidee qidanoo miqidanoo, Anutunara dufi dufi qida sia neemarifa miqidanoo.

Idi Ufa 119:34

Anee irirana qiminaqa ani sanda ufa oosana irisee mi mau fuanaura. Qeeqa aiqama qimuqusannoo afaqaanaura.

Idi Ufa 119:145

Oo Yaawee qinee qeeqa qimuqusannai ani aaraidaqa. Qini nammeera qiranara qima qiminaqa qinee ani naamuaqira ufa mau fuanaura.

Mataioo 6:16

Innee narana minnisee naararee marinaqa innaaru qidaqa qaaraikimariasa naanna sia raaqa. Misa narana minnisee innaaru qiaqeera noori runusee doona akiiseeqa maridaqa faiqí anaasee sia narana naidammiafoo qiaqeera miqidaqa. Qinee anoona ufa uqanna inni qimannimidaga. Misa miqoo kai taikaida miqidaqa.

Eefeesusa 5:22

Innee aanaaseeuqa faiqí ninaaqmaaka qimannimidaqa, innee faqa karaambaiqa aramandunnai maridaqara foora inneeqa nifaaqmaaka ufa ameemaanai miqimandee mariaqa.

Idi Ufa 103:1

Oo qini qimana, Yaaweena amooqia. Qini daunduraki marianna aiqama ainainafa Yaaweena amooqia.