Kooroosee 1:21 - Anutuna Ufa

²¹ Ooqai indaaru innee Anutuna namuqaakama amaqaqau. Inni oosana fannoo manda marira marufanoo inni irirafa manda irirana kai irimarunara Anutufa inni futee aquseenoo namuqaakamma nimaqanau.

Kooroosee 1:21 Referans Kwoze

Eefeesusa 2:12

Innee Eefeesusa maqusanaasa asauku mundiranasaaqari naaduma nianasaa mariusa mariafanoo, innee aanaamuru Anutufa maqasaaqaraasaki sia rusandeesamumandee nariara maroosa mariafanoo, aanaamuru nianasaa mariusa mariafanoo. Anutufa Yuda maqannaasa faqa moodaanakikira ufa oosana oosana qima afeekaikiranasaa mundiqa mariusa mariafaqa innee aanaamuru sia minaki marusa naaduma nianasaa marusa mariafanoo. Innee Eefeesusa maqusanaasa maa maqa maaqanaki maridaqa sia Anutunara faqa moo ainainara faqa irimariqau kaqi furufara kaimmiqaniqau, Anutuna siaisa mariqau.

Eefeesusa 4:18

Misa nitikurakinaa irirafa asukunaki maridanoo Anutufa nimimari marirana sia misa kaqikaaqoo maraidaqa aanaamuruara foora sia maraidaqa, misa kaaqa irirana siaisa furufari mariasa nári qimaqaamau kai fimariasa, minara kai asukunaki maridaqa.

Eefeesusa 2:19

Ooqai innee moo maqannaara foora aanaamuruara foora mariasa mariafanoo doo maqee sia miqiqa mariafanoo innee doo maqee Anutuna aiku asauku mariasa Yuda maqannaasaki moodaa maqannaa kammambi innee mariafanoo.

Yameesa 4:4

Innee ummuari mari anaaseena aanna raidaqa innee maanara sia fee iridee, innee Anutuna aqoondi fee qimasaida maa maqa maaqanasaaqaraasa ainaina aqoondikidaqa Anutuna namuqaaki mariafanoo sia fee minara iridee. Faiqí anaasee moo fannoo maa maqa maaqanakinaa ainaina aqoondikiannee qimaseenoo minara kai inoo Anutuna namuqaakidanoo.

Eefeesusa 2:15

Mooseena sandufakina oosanoosana ainainara nimaarusirana mifa faandaamurara foora Yuda maqannaasa faqa aanaamuru faqa aiqamaqara rakeemaqoofaqa mariqau. Asauku mundirafa doo mina ruka taikasoofaqa mi atiqanda oonu maree ani maree asauku mundirana faqa moodaanaki kiqa asooaranaki maridaqa.