Heeburu 8:7 - Anutuna Ufa

⁷ Indaaru moodaanakikirafa anoonaikinanoofau Anutufa sia moo mara quqaiqini.

Heeburu 8:7 Referans Kwoze

Heeburu 7:11

Mooseena sandufa faqa Anutuna sandufa faqa miqandufa moodaa ufa marinau. Mi ufafa Reefina aiku asaukusaa aanaiqiki marusakina moodaanaki kusinoo maridanoo aiqama sandufa fannoo misasaaqari Isaraee maqannaasaki amanaikinau. Reefina aiku asauku aanaiqikira oosana fannoo faiqí anaasee Anutuna afusaa kaaqa andeeqara anukarana niminoofau sia moo aanaiqikirafa inaaqianna Meerakiseedeekana fooqaafa kambiqaiqini. Sia Aaroona aiku asauku Reefina aiku asaukukiqari fuka moo quqeenoo Meerakiseedeekana mina aannaree marina naaru naaru marirana Yisuna kai quqanau.

Heeburu 7:18

Indaaruqaa sandufa oosana doo mafi Anutufa quqeenoo mina afeeka fannoo sia amanaikifanoo kai fifau marunara mafi quqanau.

Karatia 3:21

Maasa minara iridaqa Mooseena sandufa fannoo Anutuna ufara qima afeekaikirufa Abarahaamana amunafa rafaaqafidanoo fee qianauree. Sia amana rafaaqa fuannoo. Mooseena sandufa oosana maaqimminoo maridanoo. Faiqí anaasee Mooseena sandufamau fidaqa mina akiaqara sia amana naaru marirana mareefara. Miqira sandufa Anutufa sia niminau. Niminaqau mi sandufana mareefau innaarunai fini.

Heeburu 8:6

Indaaru maru aanaiqikirausa miqiqa marufanoo Anutufa maqee Yisuna firaaqoo uriqarara aanaiqikira ainainiranaki quqanau. Anutufa faqa faiqí faqa moodaanakikirafa Yisunaindi uriqararafa maridanoo, Mooseena moodaanakikira ufa sandufamau firanasaa mundinoo marunara ureeqararafa maridanoo. Yisunaindi uriqarara qima afeekaikiranasaa mundinoo marunara uriqararafa maridanoo.