Heeburu 7:24 - Anutuna Ufa

²⁴ Yisufa sia misa naanna ree kuquannoo sia mina aanaiqikirafa moonasaa mariannoo, narí naaru naaru marinara nariki kai naaru naaru mariannoo.

Heeburu 7:24 Referans Kwoze

Heeburu 7:28

Mooseena sandufa fannoo fifau faiqí faiqi mareeqeenoo aanaiqikirausa uriqararausaki quqanau. Anutuna qima afeekaikirafa narí auqu ramasee qima afeekaikirafa Mooseena sandufa naaree ani marifanoo Anutuna mi qimafeekaikirufafa Mooseena sandufa rafaaqafuamaqeenoo Anutuna amaaku uqanna mareeqeenoo aanaiqikira uriqararanaki quqanau, naaru naaru andeeqarafa marianinnana quqanau.

Yoohanee 12:34

Qimannimufaqa misa qiqau. Maasa sanda akarakinaa ufa asauku mundiranara naaru naaru mariannoo fee qidaqa. Anee faiqí nimaaku aunirira saqarisaa kuqiraree qimariannana, naqi fee qidanee miqi qidanee. Faiqí nimaakuara anee qianafa yafee mifa maridanoo fee.

Uqafiqoo Ufafa 1:18

Qinee ooqai kaqi mariafanausa maridaqa, qinee kuquafanausa maridaqa doo qiqafa kaqi marunausa maridaqa naaru naaru marianaura. Qinee kuqiranara rakisirausa uriqararausa maridaqa mina kooqi kiqa uaqeeiunausa maridaqa kuqiranaki mariasa mandoosana mareeusa misa mariaqoo faqa uriqararausa maridaqa mina kooqi kiqa faqa uaqeeidaqa.

Heeburu 13:8

Yisufa asauku mundirafa sia minaki oosana oosana irirafa marifa. Eenda faqa maqee faqa naaru naaru faqa amanamana kai andeeqara irira oosana marifa maridanoo. Innee faqa miqiaqa.

Roomma 6:9

Maasa asauku mundiranara doo kuqiranakiqari findifinoo sia kafaa kuquannoo miqunara kuqirana afeeka sia kaifaa rafaaqafuannoo fee qidaqa.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.