Heeburu 7:22 - Anutuna Ufa

²² Mi qima afeekaikira ufafa Yisuna mareeqeenoo sia ooqeenaa Anutuna faqa faiqí faqa moodaanaki qima afeekaikiranaki quqanau, aaduma uriqarara moodaanakikira ufa rakisirafaikamambi marinau.

Heeburu 7:22 Referans Kwoze

1 Koorinti 11:25

Misa mi feemuna namaseeqa kaifaa miqoo narana namasoofanoo Yisufa uainna maru kaafana nariqa maqee maqee neemaru nammarina qumareenoo maaqi qimasee qimanniminau. Maa kaafanaki mari uainna qini fidika kikuqusinoo maridanoo. Anutufa maqasaa fasiqa anaaseera qini faqa moodaanaki kira ufa marifanoo qini fidika fannoo mi ufana mapukira fidika maridanoo. Innee mina naqa fidaqa qiniara irisaidaqa naqa fuaqa. Yisuna ufa miqiminoo marifaqa qinee Pauroosa minara maaqi qianaura.

Oosana 44:32

Qinee qeeqa qikoona maaqi qimasee qimami qiafana. Qinee qeeqa qikaqa akiiqara ummaara maraanauree qiqiafana. Qinee sia mina afiqee uriqa ani nifairira ufa qinee maraanauranoo fee qiqiafana.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Oosana 43:9

Qinee qeeqa marirana mina amaaqa maqaanaura. Anee minara qini kikiaqa usua. Qinee sia afiqee andeeqasee anee iannannai uriqa qinee ani nifairirana maraanaura.

Ruka 22:20

Namasoofanoo Yisufa miqi kai inoo uainna adiara nafisa maraseenoo narí faiqi namu nimiseenoo qinau. Maa nafisanakinaa nammari qini fidika maridanoo. Anutufa inniara noori runiranaki marunara narí fuka moodaanaki kira ufa quqaidanoo, qini fidika inni adiannimaqaranaki maridanoo.

Mataioo 26:28

Maa uainnafa qini fidika kikiqusira uainna nammari maridanoo. Qini fidikannai uqanna Anutufa moomoosa numoo aununnisaanifeera maa qini fidika raannoo. Maana qini fidika fannoo Anutuna nariara faqa faiqí aanaaseera faqa noori runiranaki marunara fukasaa moodaanaki kira ufa mapukueeqeenoo doo rafaaqafusai fidikafa maridanoo.

Mareekoo 14:24

Maafa qini fidika kikiqusira nammarifa moomoosa adia nimaqeefandinafa maridanoo, qini fidika maafa Anutuna faqa faiqí anaasee faqa moodaanakikira ufa mapukunnimaqaaninafa maa fidikafa maridanoo.

Aaquqira Ufa 20:16

Anee moo maqannaana ufaasu ainainee feefauru aminana anee furufarirafa maridana amiananoo. Miqimari fasiqafa moo anaasee aanai paquri masainanoo aniannee qinanoo mifa furufarira oosana faqaafa maridanoo kaqi fuannoo.

Aaquqira Ufa 6:1

Oo qini qimaaku akaqausa dinnaa munnimma maraifana misa faqa qima afeekaika maseenana qinee mina akiiqra ianauree qimasee sia miqinana aneenna qima afeekaikianna ufanaki ufaana kiara foora aruananoo.

Idi Ufa 119:122

Anee kuqaa qima afeekaikammasee aneenna ainainira faiqi qini dadaaqia. Ramoo ramaa imariasa sia qini nári uriqararanannai rafaaqafu qimaqaaqa.

Heeburu 7:23

Yisunara moo irirafa kaqi maridanoo. Indaaruqaa aanaiqikira fasiqauqa moomoo mariqau. Misakina kuqufimarufanoo moo fannoo kai aanaiqiki mariqau.

Heeburu 8:13

Anutufa mi fuka moodaanaki kiranara qidanoo indaaruqaanara ooqeenaa fee qidanoo. Ooqeenaa ainaina minnisaifa doo afauqaqeenoo qusasaa taikafuannoo.