Heeburu 7:11 - Anutuna Ufa

¹¹ Mooseena sandufa faqa Anutuna sandufa faqa miqandufa moodaa ufa marinau. Mi ufafa Reefina aiku asaukusaa aanaiqiki marusakina moodaanaki kusinoo maridanoo aiqama sandufa fannoo misasaaqari Isaraee maqannaasaki amanaikinau. Reefina aiku asauku aanaiqikira oosana fannoo faiqí anaasee Anutuna afusaa kaaqa andeeqara anukarana niminoofau sia moo aanaiqikirafa inaaqianna Meerakiseedeekana fooqaafa kambiqaiqini. Sia Aaroona aiku asauku Reefina aiku asaukukiqari fuka moo quqeenoo Meerakiseedeekana mina aannaree marina naaru naaru marirana Yisuna kai quqanau.

Heeburu 7:11 Referans Kwoze

Heeburu 8:7

Indaaru moodaanakikirafa anoonaikinanoofau Anutufa sia moo mara quqaiqini.

Karatia 2:21

Qinee Anutuna idaaqira kaqi nimirana qimifaqa sia qaoo qimasee minnisaanaura, faiqí moo fannoo Mooseena sandufasaaqari Anutuna innaarunai amanaikiranaki keeqainanara asauku mundirafa fifau kuqinau maqi qidaqa.

Heeburu 7:21

Qimafeekaikira ufasaa Yisufa aanaiqikirafa kambiqanau. Miqimma afeekaikiranara Anutufa maaqi qimasee qinau. Qinee karaambaiqa Anutusa qima afeekaikira ufa doo quqeeqa. Sia qinee qeeqa iriranannai moosaa fuanaura. Anee naaru naaru aanaiqikirafa marinnaranoo.

Heeburu 7:15

Doo fuka aanaiqikirafa kooroo irana namufaqa fuka sandufa faqa aanaiqikirausa oosana faqa mariannoo. Mifa akooqoo kooroo inoo maridanoo. Mi fuka aanaiqikirafa Meerakiseedeekana fooqaafa animaridanoo.

Heeburu 5:6

Miqi qimasee Anutufa kafaa maaqi qinau. Anee naaru naaru marinafa aanaiqikirafa mariananoo. Anee Meerakiseedeekana atiara foora marianafa mifara foora naaru naaru marinnaranoo. (Ooqai Meerakiseedeekafa Sareema maqusanaasa Anutuna faqa faiqí anaasee faqa aanaiqikirafa marinau.)

Karatia 4:9

Doo maqee uqanna Anutunara irimariafanoo, Anutufa faqa doo inniara faqa iridanoo. Doo nanaree innee miqooqari kafaa quandaki kafaa manda umooqukira kuquaqaaira maqasaa irirana innai faqa inniqa nauraa manda sandufa innai faqa quandee fee. Innee Anutuna faiqikiranakiqari quandaki fifau maqasaa irirana rumbaranaki fidee miqidaqee. Saina Yisunasaa rusirafa kai mariaqaana.

Heeburu 6:20

Yisufa miqoo maasasaa roo qimasee maasa doorinni indaaru ooru fufa maridanoo. Mifa miqoo aanaiqikirafa firaa uriqararafa naaru naaru marifa Meerakiseedeekana aanna rarafa maridanoo maasa kaqi dadaaqidanoo.

Heeburu 5:10

Miqimasoofanoo Anutufa minara maaqi qinau. Anee aanaiqiki mariasa uriqararafa marianafa mariananoo. Anee Meerakiseedeekana fooqaafaikamambinana marinnaranoo.

Karatia 4:3

Miqi kai iqa maasa sia innooqeera fooqaa ira kamuqoo maasa maa maqa maaqanasaaqaraa irira sandufa ameemaanai mariqiafana. Anutufa maa aukuanara andeeqara aukuanee qimaseenoo narí amaaku aqiqanau. Aqiqamaseenoo maasa Mooseena sandufa ameemaanai mina rumbaranaki mariusa minakiqari feefauru aquseenoo idukusoofaqa findifiqa Anutuna amaaku kamambi mariaqeera Yisufa maa maqa maaqanasaaqaraa anaasee aranandaki rumafufanoo maqasoofanoo Mooseena sandufa ameemaanai maa maqanasaa kambiqafi marinau.

Heeburu 7:10

Reefifa mi kamuqoo sia kambiqanau narí akoona aranandaki maridanoo narí akoona faqa qumee Meerakiseedeekana aminau. Doo maqee aukuana Meerakiseedeekana amu fasiqana Reefina aiku asuaku quandaki nári niqoonausunnai narana ainaina maraidaqa.

Heeburu 7:12

Anutufa ooqeenaa aanaiqikirausa Reefina aiku asauku minniseenoo fuka aanaiqikirana quqararee qidanoo ooqeenaa sandufara Mooseena sandufara faqa sia amanaikiannoo, fuka sandufa mina amaaqaki quqasee miqoo kai fuka aanaiqikirana quqaannoo.

Heeburu 7:13

Maasa karaambaiqa Yisunara fuka aanaiqikiranara qidanoo fuka karaambaiqee qidanoo. Mooseefa Reefina aiku asaukuara qufaqa aanaiqikiqau. Yisufa sia Reefina ati marinau. Yudana ati marinau. Yudana aiku asauku moo fannoo sia aanaiqikira ainainiranaki mariqau, sia uqanna mariqau. Mooseefa faqa sia Yudana aiku asaukuara moora qufanoo misaikana maraqau sia uqanna qinau.

Heeburu 9:6

Aanaiqikirausa maaqimasee ooqeenaa uqiqaana maqaki ainaini mariqau. Aanaiqiki marusa kooqi maqaki faasaambaasaana keeqafi nári ainainimariqau.