Heeburu 6:9 - Anutuna Ufa

⁹ Maasa qiqoondi maasa inniara iridaqa, innee sia mina ufa minnisee mariasa mariafanoo. Innee Anutuna saqarikidaqa innaarunai asumu maree mariasa mariafanoo minakinaa amiqi amiqirana uriqararana innindi miqoo nifeedamma nimaqaqaifanoo maridanoo.

Heeburu 6:9 Referans Kwoze

Heeburu 10:39

Faiqí akaqausa Anutufinnai fuani qimasee fifi ifaqa aanai oonuree maparaamaki oonurandee quandaki ida aqufidaqa. Maasa sia misa naanna raidaqa. Maasa amiqimmandeeqa Anutuna mandaaqaifanoo doo Anutufa maasa asumu maraannoo.

Heeburu 2:3

Maqee innaarunai firaafa uriqararafa maasaki ani maridanoo. Mifa maasa qumareeqee asumu marirana qimiraree qidanoo. Maasa mi firaa ainainnara iriseeqa minniseeqa naqi fee mandee Anutunara rufiasee yaifee fuanauree. Sia amana, kaqi darirafa kai firaafa mariannoo. Karaambaiqa narí uqanna oosana arasee narí innaarunaindaraa asumu qimiranara narí faiqi namu qimannimisoofaqa irisee quandaki maasa qimaqimiafaqa kuqaa fee qimasee iridaqa.

2 Koorinti 7:10

Nifaaqa ummaara rarafa Anutufa minannai inni maramareenoo faiqí nimuqusakinaana mara quandeeqeenoo innaaruna asumu mariranaki quqeemarifa mi nifaaqa ummaara rarafa amiqirafa maridanoo kai fifau maqasaa nifaaqa ummaara rarafa mifa kuqimariafa maridanoo.

Heeburu 10:34

Innee karabusaki mariasa dadaaqidaqa narana munu nimiranannai misa aupurarana inne faqa maree mariafanoo. Faiqí anaasee aniree aanoomasee inni maaqakinaa ainaina aiqama animaree fifuafaqa sia innee minara noori runuafanoo, innee asasa kai mandee mariafanoo. Innee inneeqa maa maqanasaaqaraa qumiasanara fifau oorudupira ainainee qimasee innaarunai uriqarara naaru marira ainainara maridanoo fee qimasee sia ikiraqaafanoo, innee asasimariafanoo.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

1 Koorinti 10:14

Oo qifaaqasaa qini qiqoondiuqa tumunnai auqira afaannara innaaruqiranara nianasaa rufiaaqa.

Mareekoo 16:16

Qinisaa irirana rusimariasa irirana rusidaqa nammari maree mariasa misa innaarunai naaru marira asumu mareefaranoo. Qinisaa sia irirana rusimariasa misa nariranaki fifaranoo.

Heeburu 6:10

Anutufa sia qaaraiki marifa maridanoo, andeeqasee amana amana kai nimimarifa maridanoo. Mifa sia innee kadaapirinnana akiaqara aunuannoo, iridanoo. Innee Anutunara nidinara quandaki inneeqa niqoonausa Yisuna ufa irimariasara amiqimaseenoo nimuqusinaqa kaqi dadaaqifanoo Anutufa minara faqa sia aunidanoo, iridanoo mina akiaqara inni nimiannoo.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

2 Koorinti 7:1

Oo qini qiqoondiuqa, mi qimafeekaikira ufausa tamummaqarausannai qimaqo̱o ufausa maasara qinau. Minara irisee innisaimbaqa oosana oosana qikairi qifaaqasaaqaraanee daunuraindaraanee aiqama findaukamaqusee Anutunara rufiaida daaquqee marinaqa andeeqasee anukaranaki mariaqa.

2 Koorinti 12:19

Innee mi ufana iriseeqa qiniara maaqi qifaranoo. Pauroofa narisaa faqa narí faqa marinausa faqa misasaa faqa ititaidanoo miqidanoo fee qifaranoo. Maasa sia miqianaura, asauku mundirafa maasara qundee kaimmidaqa. Qini qifaaqasaa qiqoondiuqa maasa Anutuna afusaa maridaqa aiqama ainaina auqeemaria ainaina inni dadaaqidee qidaqa auqaidaqa.

1 Peetooroo 2:11

Oo qini qiqoondiuqa, qinee Peetooroosa qeeqa qimuqusa ookiqari naamua qidaqa. Innee Yisunara irimariasa maa maqa maaqanaki maridaqa aanaamuruara foora asaqiraafaira foora mariafanoo. Miqiqa maridaqa maaqoo faiqí faiqi manda nidimari ainainafa inniara qini maraaqee qinaqa sia eedoo qimasee mina maraaqa. Mi manda ainainausa inni maraquna arimarifa maridanoo innee moo maqannaasara foora mariafanoo sia maraaqa.

2 Peetooroo 3:1

Oo qini qifaaqasaa qiqoondiuqa qinee indaaru pasa akara rumasee inni nimaqaqiafana kaifaa maa maqee inaaqianna akara rumannimaqaidaqa. Aiqama akaraqaraki amiqira ufa inni nitikuraki quqarara nikaru qimaria fasiqausara inni naaqoo auqeeqa ooqeenaana naaquqara tamummaqara fasiqausa ufa qianaqa iriaqeera. Asumu maree marifa maasa karaambaiqa mina aaquqira ufa narí niqiqoo fasiqausannai inni qimannimu aaquqirufana iridaqa sia aunuaqa, irida mariaqa. Minara faqa inni naaqoo auqaida akara ridaqa.

1 Yoohanee 2:7

Qini qifaaqasaa qiqoondiuqa. Maa ufana sia fuka ufa maridanoo innee oosanaindari iri maria ufafa maridanoo. Ooqeenaa ufa irimariafa maridanoo.

Yudeesa 1:3

Oo qini qifaaqasaa qiqoondiuqa. Anutufa maasa innaaruna asumu marirana moodaa qimiqaifaqa minaki quqaqisainara akara ruani qimaseeqa minniseeqa moo ufa akara ruanaura. Anutufa moodaa kari nimu ufana maasa qimuna mi ufana rakira ufara foora afeekaikamasee uqeera aindusuaqa minara inni afeekaikamandee akara rumannimaqaidaqa.