Heeburu 6:6 - Anutuna Ufa

⁶ Misa mi ainainausara nikooqaifaqa kaqirunna fidaqa sia amana misa kafaa aupuramasee quandakinaqa kafaa Anutuna aanai ubeekeefaranoo. Misa miqimariasa Anutuna amaaku kafaa aunirira saqarisaa quqasee pirimma aridaqa miqidaqa aiqamausa nifusaa asaurirana amidaqa miqi mariafanoo.

Heeburu 6:6 Referans Kwoze

2 Peetooroo 2:21

Miqimari fasiqa anaaseesa andeeqara aana sia qafaifanoofau amana marini. Misa kaqikaaqoo qafamaseeqa innaarunaindaraa ufa rukiaidaqa kafaa quandaki fimariafanoo firaaqoo mandaikidanoo.

Heeburu 10:29

Faiqí moo fannoo Anutuna amaakuara akooqainafa mina arirafa firaaqoo fiqaranoo mariannoo. Mi fasiqafa Anutuna moodaanaki kira ufa fidikara narí mi fasiqana numoo rukasainnanara qikoo fee qinafa faqa Anutuna afaari mari maraqunara faqa mandufa qinafa, mi fasiqana arirafa sia Mooseena aanna raannoo, fiqaranoo mariannoo.

Heeburu 6:4

Anutuna ufamau fimariasa quandaki kaqinni aqufiqa naqi fee mandee aupuramasee quandakinaqa kafaa fifaree. Sia amana miqifara. Misa ooqai Anutuna qoomasaa fimariasa, misa innaarunaindaraa narana naidara foora imariasa maridaqa Anutuna naaquqara andeeqara maraquna mareemariasa.

1 Yoohanee 5:16

Faiqí moo fannoo moo mandoosana mareemarina sia andeeqasee kuqiranaki fimaria mandoosana marasainanoo mina akaqaafasaa fannoo qafamaseenoo Anutunara innaaru qinanoo mina mandainaina ateeka rukaiseenoo narí marirana amiannoo. Qinee kuqiranaki sia andeeqasee fimaria mandoosannara qidaqa. Andeeqasee kuqiranaki fimaria mandoosana maridanoo moo fannoo mi mandoosanna marainaqa innee sia minara innaaru qiaqa.

2 Timooti 2:25

Mifa ireeda kai mina ufara qaoo qimariasa andeeqannimaqaani. Mifa miqinanoo abee Anutufa dadaaqiannoo fee misa quandaki anoona ufai ubeekeefaranoo fee.

Idi Ufa 51:10

Oo Anutu qini qimuqusa fuka amiqira qimuqusa auqu qisaa. Qini daunduraki naaruara ani ufamau fira maraquna quqaqisaa.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Mataioo 19:26

Yisufa quandafinoo misa nári nindafamasee qimanniminau. Faiqiki maa ainainnafa sia amana maridanoo. Anutufa aiqama ainaina amana marifa maridanoo.

Ruka 11:48

Innee inneeqa nikausa mandoosanara amiqira oosanee qimasee miqi mariafanoo misa tamummaqara fasiqauqa narusoofa innee misa madikai amiqi amiqimariasa mariafanoo.

Heeburu 4:14

Maasa aanaiqiki maria fasiqausa uriqararafa Anutufa narí mariqoo uqanna keeqafi maridanoo. Mi fasiqafa Yisufa Anutuna amaaku marinara maasa Anutuna amaana ufa qumaraunnana amiqimasee qumaraaqee qidaqa.

Heeburu 10:26

Maasa Anutuna anoona ufa iridaqa kaqi iridaqa mandainaina maraqa fifi inaqa moo amiqira ainaina Anutuna amimarinafa sia mi numoona rukaannoo naaru naaru mariannoo.