Heeburu 6:16 - Anutuna Ufa

¹⁶ Faiqí moo fannoo qima afeekaikianee qimaseenoo asauku innaarunai uqeeraseenoo nariara urinaaqarara auqu ramaseenoo qima afeekaika maseenoo doo ufa qimaqoofa taikaidanoo.

Heeburu 6:16 Referans Kwoze

Rafudoo Akarafa 22:11

Mi aandausa saa rakisirafa innaaru qimariaqoo oonureenoo amana aqiqamaseenoo qinee sia uqanna mi aandausa ummuari fee qiani. Mi aandausa sia ummuarifanoo aandau akoofa minara amanammifoo qimasee sia mina akiiqara rakisiinafinnai feefauru maraannoo.

Heeburu 6:13

Ooqai Anutufa Abarahaamanasaa qima afeekaikammaqoona asauku uqeeraseenoo kuqaa miqianauree qimaqoona. Sia mina uriqararafa marunara narí asauku uqeeraseenoo yana auqu fee raanauree qusia narí auqu kai ramafeekaikinau.

Oosana 31:53

Abaraqaammana Anutufa faqa Naqoorana Anutufa faqa maasa qambaana andeeqa qisaannoo. Rabannafa miqi qufanoo Yakooboofa qinau. Qini qikoofa Isakeefa innaaru qimamaqee mari Anutuna auqusaa qimasee afaqaanauree qimasee qima afeekaikinau.

Oosana 21:23

Doo maqee Anutuna afusaa qima afeekaikammasee qini faqa qini faiqi namu faqa qini saaqari naaru kambiqainausa faqa sia mandaikamma nimaqaa. Qinee ani amiqimma amaqaqiafana anee faqa miqi kai inana qima afeekaikammasee qini faqa maa maqa maaqana anee marianna maqa maaqana faqa amiqimma qimaqaa.

Oosana 14:22

Miqi qufanoo Abarammafa asauku uqeeraseenoo qinau. Qeeqa qisauku uqeereeqa, kaaqa uriqarara Anutuna innaaruna faqa maqa faqa auquna afusaa uqeerasee qimamidaqa.

Karatia 3:15

Oo qini qikaqaafasaauqa maasaki mari ainaina kikiqususee qianauranoo. Faiqí qaaraqanda moo ainainara qimasee qima afeekaikamasee mi ainainna papiqasaa akara rumasee nariqara nuqu minasaa akara rumasee sia amana mi ufana minniseefara, mi mau kai fifaranoo.

Oosana 21:24

Abaraqaammafa minara iriseenoo qimaminau. Qinee miqimmianauree qimasee qima afeekaikinau.