Heeburu 6:10 - Anutuna Ufa

¹⁰ Anutufa sia qaaraiki marifa maridanoo, andeeqasee amana amana kai nimimarifa maridanoo. Mifa sia innee kadaapirinnana akiaqara aunuannoo, iridanoo. Innee Anutunara nidinara quandaki inneeqa niqoonausa Yisuna ufa irimariasara amiqimaseenoo nimuqusinaqa kaqi dadaaqifanoo Anutufa minara faqa sia aunidanoo, iridanoo mina akiaqara inni nimiannoo.

Heeburu 6:10 Referans Kwoze

Mataioo 10:42

Faiqí anaasee yafee moo fannoo maa faiqi anaaqisa asooara nammari neemariana niminaqa qinisaa atooeemariasa minara irisee amiqi amiqimmasee niminaqa, kuqaa anoona ufa qimannimidaqa, mifa sia uqanna mina akiaqara sia maraannoo. Anutufa amiannoo.

Heeburu 13:16

Maa ainainna faqa sia aunuaqa, narí amiqi narí amiqiaqa, inneeqa ainaina innee iriranannoo kai raineeqee niqoonausa narí ami narí amiaqa. Anutufa miqira ainainara amiqira tatufira aandaura foora maridanoo fee qidanoo qaqaara raidanoo.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

1 Teesaroonika 1:3

Maasa inniara maqee maqee maasa qikoona Anutuna aaqoo auqaidaqa. Innee Yisuna saqarikidaqa miqianara Anutuna ufirira ainainirana maqee maqee imariafanoo. Innee Anutunara faqa faiqí aanaaseera faqa nimuqusa imarinara Anutufinnai kadaapiri mariafanoo. Innee Yisunara asasammasee afeesira irirafa karaambaiqa asauku mundirana Yisunaki atukaramasee marianara minauqara faqa maasa irisee Anutuna aaqoo auqaida inniara innaaru qimannimaqaidaqa.

Kooroosee 3:17

Innee inneeqara karaambaiqa Yisuna faiqi namu maridee qimasaidaqa mina aannandaidee qidaqa ufa qimariana ainainimariana andeeqasee mina kai afaqaaqa. Innee karaambaiqa Yisuna maa maqanasaa koorooirausa maridaqa mifa innandee innandee kai idaqa mariaqa aiqama ainaina narí qinnaqoo kai fidaqa ufa qinana auqeenana qafeeqa mina aanna raidee qiaqa. Sia noori runusee miqiaqa inneeqa nikoona Anutuna asasamamaqaidaqa susummamaqaaqa. Anutuna asauku mundirana minannai Anutufa aana ruqiqasaifaqa asasirana Anutuna amiaqa.

Aaquqira Ufa 14:31

Kudi fasiqara kaukaata qinana mina auqu fasiqana Anutunara faqa kaukaata qimariananoo. Kudi fasiqara amuqusinana dadaaqinna anee Anutuna amooqidana mina auqu uqeeree mariananoo.

1 Timooti 6:18

Oo Timooti anee ainainafaqaasa mi ufana qimannimisee maa ufana faqa qimannimia. Sia moomoo munnimma ainaina mararara kai iriaqa. Innee faiqí anaasee dadaaqiqa amiqira dadaaqirana dadaaqiaqa mi dadaaqirana nimimariananaki aniki ainaina moomoora foora mariannoo. Innee afaariaqa inneeqa ainaina naida nimiaqa.

Mareekoo 9:41

Innee maa ufana iriaqa Innee nammariara nidinaqa innaaru qifanoo faiqí moo fannoo inniara asauku mundirana faiqi namu mariafanoo fee qimaseenoo nammari inni niminanoo Anutufa mina akiaqara mi fasiqana innaarunai quqamaqaannoo.

Roomma 12:13

Innee niqoonausa Yisuna ufa irimariasa nana ainainaree sarau imariasa inneeqaindi misa faqa rainasee naida nimiaqa. Sia qafee marinna aanaamurufa faqa anirainana amiqi amiqimandee maaqa aminanoo tootooqiranaki fuani.

Karatia 5:13

Oo qini qikaaqaafasaauqa inniara qinee qianaura. Innee inneeqa mandainaina rumbaranaki mariafanoo Anutufa minakinaana inni naarameeqeenoo Yisuna idukiranaki quqeenoo. Doo innee minaki maridaqa inni nifaaqa manda nidimari ainainafa sia quandakinoo innisaa rakisidanoo inni nikaruqiranannai minni ubeekamannimaqaani. Sia miqiaqa maaqiaqa inneeqa nariara nariara rirafa nimudaoo qirafa inni nifiqeeqeenoo nariara nariara dadaaqiranaki quqaani.

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.

Yoohanee 13:20

Qinee anoona ufa kuqaa qimannimidaqa. Faiqí anaasee moo fannoo qinee inni niqiqamaqaanausa niqoondikinafa qini faqa qiqoondikidanoo. Faiqí anaasee moo fannoo qini qiqoondikamma qimaqainafa qini diqiqamaqoona faqa kai aqoondikidanoo.

2 Timooti 4:8

Doo maqee sandaida uriqareemariasa feefauru qiniara deedaqinoo maridanoo. Karaambaiqa andeeqasee ufa nimimarifa qumira faasaana andeeqeemariasa qafee qini qikiaaqa afisuannoo. Mikari sia qini kai qimiannoo, moomoosa minara nidimarisa mina koorooiranara afeesidaqa nidimarifaqa afeesimariasa misa faqa nimiannoo.

2 Koorinti 9:1

Anutuna ufa irimariasa Yudeea maqannaasa munnimma nimirara qianara innee doo irimariafanoo qinee fifau akara rumannimaqeeqa.

1 Yoohanee 1:9

Maasa nári mandainaina oosana oosana Anutuna akooroomma nisainanoo mifa andeeqee marifa maridanoo andeeqa qimaqaannoo mifa maasa numoo taika qiseenoo maasa mandainaina aiqama anukama qisaannoo narí ufamau andeeqasee fimarifa maridanoo mi mau fuannoo.

Idi Ufa 20:3

Mifa anee aminna ainainara eedoo qimasee ani aiqama aandau tatufiranara faqa asasiani.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Rafudoo Akarafa 1:20

Anutufa mi anaaseeqanda oosana nindafama seenoo amiqi amiqimasoofaqa Isaraee maqannaasa moomoo kambiqafiqa afeeka maqannaa mariqau.

Heeburu 10:32

Indaaru innee Anutuna ufa iru aukuanna mi aukuannara maqee inni naaqoo auqaidaqa. Mi fasannai Anutunara asasirafa qoomara foora kaaqa qamannimaqoofaqa qafamasee kadaapi rumasee nidafimarufaqa Anutuna ufamau fifiufaqa sia kudoosaapaqau.

Mataioo 20:7

Misa iriseeqa qiqau. Faiqí moo fannoo sia qifaqa maasa mareeqa kaqi maridaqa. Miqi qimamufanoo mifa misa faqa narí ainainai nifiqee finau.

Mataioo 25:17

Qaara koondaa amanee maroofa miqi kai inoo kafaa qaara faqa qaara faqa aniranau.