Heeburu 5:9 - Anutuna Ufa

⁹ Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

Heeburu 5:9 Referans Kwoze

Heeburu 9:15

Miqimandaifanoo asauku mundirafa Anutufa faqa faiqí faqa moodaanaki kira ufa fuka ufa qima andeeqeeqeenoo quqaidanoo. Anutufa nuqu rainausa misa aniree maraaqeera. Naaru naaru afeedimari amiqira qumiasana saqama ainainara kasooqaqee innaarunai maraaqeera qidanoo. Indaaruqaa moodaanaki kira aukuana sia amana mi amiqira afeedira qumiasana saqamana maree mariqau. Misa mi aukuanna kaqi nári mandainaina fannoo faiqí nifaaqa rumbanoo marinau. Maqee asauku mundirana kuqirafa doo mi rumbarana nimirara idukinau.

Heeburu 2:10

Anutufa aiqama ainaina auqufa rakisinoo fimarifa maridanoo. Mifa aupurarana aidafirana Yisuna afaaqasaa quqoofa sia manda oosanau quqanau. Amiqira oosana andeeqara oosana mareenoo miqinau. Anutufa Yisunara andeeqara anoona marianifeera quandafinoo faiqí narí uriqararana naida nimianifeera aunirira saqarisaa aupurarana Anutufa aminau. Narí Yisufa mifa kai faiqí faiqi innaarunai asumu mariaqeera aana afisufa maridanoo.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Heeburu 9:12

Asauku mundirafa innaruna kooqi maqaki ooru keeqakufanoo firaaqoo naaquqaranaki ooru keeqafinoo sia mimmi fidikafau burimakau aanaaqi fidikafau mandainaina akiaqara Anutuna amisee keeqanau. Narí kai narí fidika qumareenoo miqoo Anutufa maruqoo maasara aranaqarafa taikaanifeera amiseenoo minannai kai naaru asumu marirana maasa qimiannee qimasee maranau.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

Heeburu 11:8

Abarahaamafa faqa Anutunasaa irirana rusi marufa marinau. Anutufa Abarahaamana aaramaseenoo qimaminau. Anee anirainaqa fuka maqa maaqa anindi kianinnana uqafiqaanaura, anee miqoo fua. Miqi qufanoo Abarahaamafa iriseenoo narí irirana Anutunasaa rusiranannai eedoo qimasee narí maqa maaqa minnisee sia qafee maru maqa maaqanaki kaqimbinau.

2 Teesaroonika 1:8

Miqimmandee kooroomafinoo Yisufa Anutunara sia irimariasa faqa maasa karaambaiqa Yisuna amiqira fasaasa ufara nikoo nikaa imariasa narirana nimiannoo.

Roomma 1:5

Yisuna minannai Anutufa qini amiqi amiqinoo qimannimira fasiqaikamambi maridana aiqama maqannaa naarama minisee Yisuna amiqira fasaasa ufa qimannimisainaqa iriseeqa mi mau fiqa Yisuna auqu uqeeraaqeera qiniara qimaqoosa maridaqa.

2 Koorinti 10:5

Maasa mi duru saamunannai unnufa qimariana doo kuqaridaqa. Minannai faqa Anutunara kooroo ira ufara qaoo qimasee noori uqeerasee maasa minara uriqararausee qimariasa minannai misa faqa naridanoo. Maasa mi unna ufana qimariasa uriqaranoo marina Anutuna duru saamuara foora qumareeqa ooru rarisameeqee maqasaa muqufi rudammiqi quqaidaqa. Maasa qeeqa qitikurakinaa mandirirana aiqama oosana oosana mandirirana rakiranannai naruseeqa aiqama oonu qumaree ani qumareemmeeqee karaambaiqa asauku mundirana aramandunnai quqasainaqa qeeqa qitikurakinaa irirana mina ufamau fuaqeera.

Roomma 15:18

Asauku mundirafa naaquqara maraquna qimifanoo dadaaqifaqa qeeqa ufannai faqa qeeqa kadaapiriranannai faqa sia faiqí maraaqaa ira ainainannai faqa minauqannai qinee aanaamuru Anutuna ufa qimannimimariafanaqa iriqa mi mau fidaqa, asauku mundirafa dadaaqinara firaaqoo qifaaqa quqasee afeekaikamandee qimannimianaura. Qinee miqidaqa amiqira fasaasa ufa asauku mundiranara aiqama ufatia qimannimiqa Yeerusaree maqusa dinni Iririkumma maqusa dinni mi qambaana saqanna mariasa aiqamausa qimannimimaree fifainidaqa.

2 Timooti 2:10

Qinee minara iriseeqa, Anutufa rusandeesamumasee mareefandinna fasiqa anaaseesara irisee misa Yisunara iriaqeera oosana oosana mandainaina aiqama ainaina maraidaqa. Misa faqa asumu mariaqeera faqa naaru areenarana maraaqeera faqa mandainaina kaqi qeeqa qipatasaa maraidaqa. Mi asumu marirana faqa naaru areenarana faqa asauku mundirana Yisunaki kai maridanoo.

Roomma 10:16

Misa amiqira fasaasa ufa mini qimannimisoofaqa sia aiqamausa iriqau akaqausa kai iriqau. Eesaiaafa minara maaqi qimasee akara rinau. Oo karaambaiqa maasa qimannimira ufa yausee iriaa, akaqausa moodaa kai iriaa. Eesaiaafa miqi qimasoofaqa qinee Pauroosa minara maaqi qidaqa. Faiqí anaasee sia fifau kaqi Yisuna saqarikidaqa, mina aufakiana naaree irisee miqoo Yisuna saqarikidaqa, Yisuna aufakiana sia fifau naaqooki kambiqaannoo, faiqí qimannimiafanoo naaqooki kambiqafifaqa saqarikidaqa.

Roomma 6:17

Oo Anutunara dufi dufi qiaqa. Innee ooqai mandainaina ufa ameemaanai marusa mariafanoo maqee innee inneeqa aiqamausa naundurannai qinee Pauroosa qimannimuna naamuaqira anoona ufa ameemaanai mariafanoo minara innee manda rumbaranaki marufanoo Anutufa idukunnisoofaqa mina andeeqara rumbaranaki fuafanoo.

Heeburu 2:3

Maqee innaarunai firaafa uriqararafa maasaki ani maridanoo. Mifa maasa qumareeqee asumu marirana qimiraree qidanoo. Maasa mi firaa ainainnara iriseeqa minniseeqa naqi fee mandee Anutunara rufiasee yaifee fuanauree. Sia amana, kaqi darirafa kai firaafa mariannoo. Karaambaiqa narí uqanna oosana arasee narí innaarunaindaraa asumu qimiranara narí faiqi namu qimannimisoofaqa irisee quandaki maasa qimaqimiafaqa kuqaa fee qimasee iridaqa.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Idi Ufa 51:6

Oo Anutu faiqí naundarai anoona ufa kai marianifee qimarianafa mariananoo. Qini daundurai kukeeqaranaki aneenna irirana daamuaqia.

Yudeesa 1:21

Maasa karaambaiqa Yisufa asauku mundirafa narí nifauarana firaanakiqari maasa sia daruannoo naaru naaru marirana maasa qimiannoo. Innee Yisuna qumiranara afeesidaqa Anutufa inniara nidimarinaki minaki kai mariaqa sia moosaa finana kuridia.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

Heeburu 11:40

Anutufa maasara moo firaa irirana iridanoo. Indaaruqaasa maasa qifeesammidaqa. Sia misa náriara anoonaikifaranoo. Misa faqa maasa faqa moodaa kari innaarunai mareefandia maqi qidanoo.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

Ruka 13:32

Yisufa iriseenoo qinau. Eeroodeefa faiqí nikaruqimasaida ueeqasaida narimarifa maridanoo innee maaqi qimasee qiniara qimamiaqa, qinee maqee faqa duna faqa faiqí anaasee naunduraki faafasaaqa nifaqeeqa aurinausa andeeqannisee ianaura, moona qeeqa saika taikaanaura, miqi qimasee Eeroodeena qimamiaqa.

Idi Ufa 51:8

Oo Anutu anee qini aaqarana akiiqara qini qimudaani raqeera foora maqaanaqa maridaqa. Anee qini aaqarana minni qisainanoo qini qimudaani kafaa ootupeera foora inaqa qinee asasianaura.

Idi Ufa 45:17

Qinee ani auqu uqeerasaanaqa naaru naaru aiqama kambiqeefandinausa minara irifaranoo. Miqiannanara faiqí anaasee naaru naaru ani amooqifaranoo.

Firipi 2:12

Oo qini qiqoondiuqa Firipi maqannaasa qinee ooqai inni faqa mariafanaqa innee qini ufa irisee eedoo kai imariqau. Doo qinee maqee innikiqari nianai maridaqa innee qini ufa irisee eedoo qinafa uriqarara ainaina mariannoo innee innaaruna asumu marirana doo marasee mariafanoo aaqamaki saamuruanoo qimasee rufiaqa rufiaqa irirana faqa naindiri naindirirana faqa mara maree fidaqa anoonaikirana mareefara.

Heeburu 1:14

Qangiroouqa naqi fee iqa maridee. Misa aiqama maraquna kai maridaqa Anutuna ainainira ainaina maridaqa. Mifa innaarunaindari niqiqainaqa faiqí anaasee innaarunai fifandinausa dadaaqiaqeera niqiqaidanoo.

Heeburu 9:28

Yisufa mi mau kai finoo moomoosa numoo maraqunnisaanifeera narí afaaqa tatufirafara foora moodaannai Anutuna aru aminau. Mifa kafaa koorooiannoo. Sia kafaa numoo undarau qumuannoofau. Narí afeesara mariasara qumuree mareeqee asumu mariranaki quqannisarara qumuannoo.