Heeburu 5:7 - Anutuna Ufa

⁷ Yisufa maa maqanasaa Keetaseemanee saqamaki maridanoo aunirira saqarisaa kuquaninnanara Anutunara innaaru qidanoo qaoo qimirinau. Innaaru qidanoo firaaqoo faaqa rumaseenoo ikiraqaseenoo kuquaninnanara qaoo qimirinoo innaaru qinau. Anutufa mina reendeenirana qafamaseenoo mina aundura Anutufinnai ubeekaranara iriseenoo mina innaaruqirana iriseenoo dadaaqinau.

Heeburu 5:7 Referans Kwoze

Yoohanee 17:1

Yisufa mi ufausa narí faiqi namu qimanniminau. Qimannimiseenoo oori innaarunai uqeeraseenoo narí akoona Anutuna innaaruqinoo qinau. Oo qipoo doo qini kuqira aukuana adeedi ranoo maridanoo. Anee aneenna amaaku qini qifaaqa areenarana qimia. Qinee kafaa quandaki kaifaa aninna amianeera qimia.

Mataioo 27:46

Suani afu muqunni qubeekoofanoo asukuna kaqi marufanoo Yisufa firaa kari faaqarinoo qinau narí ufakiqari qinau. Eeri eeri rama sabakatani. Mina oosana maaqimminoo maridanoo. Qini Anutu, qini Anutu, naqi fee ifanee anee qiniara minniseenanee.

Mareekoo 15:34

Asukuna taikararimarufanoo Yisufa faaqa rumasee Eeburu ufakiqari qinau Eeri Eeri rama sabakatani maasa ufakiqari qini Anutu qini Anutu, naqaa fee ifanee qini minni qiseenee qimasoofaqa akaqa fasiqa anaasee miqoo marusa mandirira iriseeqa qiqau, Doo iriaqa mifa Eeriana aaraidaqinoo qufanoo faiqí moo fannoo Yisuna aunirira saqari atukaki sandee oonureenoo paadura au fooqaana maraseenoo maara fasiqauqa nári maqee maqee neemaru uainna nammarinaki raaraamaseenoo aika maraseenoo minasaa rutaquseenoo Yisuna nammari naanifee qimasee uqeereeqee Yisuna afaurusaa quqasoofanoo qumbifiqamma namasoofanoo amu fasiqafa qinau, Doo maasa rakisia, Eeriaafa anireenoo aunirira saqarisaaqaraana tatuannoo fee sia fee tatuannoo.

Heeburu 12:28

Doo maasa sia kasira ququsaki maridaqa minara maasa susuia. Maasa minara quandakiqa Anutuna aidiranamau kai narí amooqia. Oori kandamasee rufiaqa rufiaqa qiranannai narí amooqia.

Yoohanee 11:35

Miqi qufanoo Yisufa faqa ikiraqanau.

Mataioo 27:50

Mikari Yisufa firaa kari faaqa quqaseenoo kuquqaraasinau.

Mareekoo 15:37

Yisufa mi nammarina qumbifiqamma namaseenoo firaa kari faaqa rumaseenoo doo kuquaraasinau.

Idi Ufa 22:24

Yaaweefa sia kudi fasiqauqa sarau imarianara irisee ameesuqu nimaqaidanoo. Sia oori rafusu kaqinni aqidanoo, mifa misa innaaru qirana iriseenoo dadaaqidanoo.

Heeburu 2:14

Yisufa maqasaa fasiqa anaaseera narí faiqi aanaaqi fee qidanoo. Mi faiqi anaaqisa nimaqi faqaasa fidika faqaasa maa maqanasaaqaraasara Yisufa qidanoo. Yisufa narí uqanna qumureenoo faiqi aanaaqi Mariana aranandaki maasa faiqí faiqi fidika qimaqi mareenoo innooqanau. Mifa sia fifaufau miqinau. Narí kuqiranannai kuqirana rakisirana Sadannana rafaaqafuanifeera maasa qimaqi faqa fidika faqa maranau.

Ruka 23:46

Yisufa faqa miqoo kai firaa kari faaqa quqasee qinoo qinau, Oo qipoo qeeqa qimana ani asaukuki quqeeqa qimasee doo kaaqa kuqinau.

Idi Ufa 69:1

Oo Anutu anee uqeeraqisaa. Nammariara foora qini ummaara fannoo rafaaqafinoo qinukaki ururaifaqa kaqi kaaqoo kuquanaura.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.

2 Yoohanee 1:7

Moomoo nikaru qimariasa ueeqee mariasa maaqanna maaqanna daraaniqa maridaqa. Misa Yisunara asauku mundiranara sia faiqí faiqi kambiqanau foo qidaqa. Miqi maria fasiqausa ueeqee mariasa maridaqa asauku mundirana namuqaa kammidaqa.

1 Yoohanee 4:3

Moo fannoo aaqara ufa qinafa asauku mundiranara sia miqi marifa maqasaa fasiqa faiqi fee qinafa mi fasiqanaki sia Anutuna maraquna marifa maridanoo. Mi fasiqafa asauku mundirana namuqaa maridanoo. Ooqai maasa mi fasiqanara aniannoo mifoo qiafanaqa iriusa mariafanoo maqee doo kooroo mandee ani maridanoo.

Yoohanee 11:42

Anee maqee maqee qini innaaru qirana irimarianafa marianaqa. Maaqoo mariasa iriaqeera innaaru qidaqa. Maaqoo mariasa anee qini diqiqamaqoonnanara iriaqeera innaaru qidaqa.

Roomma 8:3

Mooseena sandufa nimaarusira ufa sia amana maasa uqeereeqeenoo maasa faiqí faiqi maasa marirafa kudoosaapaunanoo minara sia maasa uqeeraqiseenoo. Mooseena sandufa kadiqo̱ofanoo miqoo Anutufa moo oosanannai anoonaikinau. Mifa narí amaaku aqiqoonannai maasa faiqí faiqi naundurakinaa mandainaina arinau. Yisufa faiqí faiqi naundurakinaa manda ainaina maraquanifeera narí faiqí faiqi fooqaanaikamasee aqiqoofanoo quminau.

Idi Ufa 88:1

Oo Yaawee, anee qini asumu maree marianna Anutufa mariananoo. Faasaana anee dadaaqianneera innaaru qidaqa iki raqaidaqa. Eendaki faqa aniara innaaru qidaqa.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Heeburu 10:5

Miqi marunara asauku mundirafa maa maqanasaa qumiraree qimasee maaqi qimasee Anutuna qimaminau. Anee aandau arusee qaindasaa tatufiranara, akooqaidanoo, Anee faiqí qifaaqa deedaqamma qimaqainanoo.

Heeburu 10:10

Yisufa asauku mundirafa Anutuna aidiramau kai fidanoo narí afaaqa aandaura foora Anutuna moodaa kari kai aru aminau. Miqunara kai maasa numoo ikairi findaukama qumaqanau.

Heeburu 11:7

Anutufa kasooqaqee kambiqaaninna ainainara Nooafa sia qafee marunara aaquqimasoofanoo Nooafa narí irirana Anutunasaa rusimarunara irisee eedoo qimaseenoo firaa sipa auquseenoo narí faqa narí aiku asauku faqa minakimma asumu marinau. Auquseenoo Nooafa minannai aiqamausa maa maqanasaaqaraasa aiqama niqiseenoo rafaaqafunnimaqanau. Noofa Anutuna mandaaqaranannai kai Anutufunnaindaraa andeeqarana maraseenoo asumu marinau.