Heeburu 5:6 - Anutuna Ufa

⁶ Miqi qimasee Anutufa kafaa maaqi qinau. Anee naaru naaru marinafa aanaiqikirafa mariananoo. Anee Meerakiseedeekana atiara foora marianafa mifara foora naaru naaru marinnaranoo. (Ooqai Meerakiseedeekafa Sareema maqusanaasa Anutuna faqa faiqí anaasee faqa aanaiqikirafa marinau.)

Heeburu 5:6 Referans Kwoze

Idi Ufa 110:4

Yaaweefa qini karaambaiqara (Yisunara) qima afeekaikuna sia amana kaifaa moosaa fuannoo. Mifa maaqi qimaseenoo qima afeekaikinau. Anee naaruara naaruara aanaiqikirafa marinnaranoo. Anee Meerakiseedeekafara foora maridana naaru naaru aanaiqikina marinnaranoo fee qinau.

Heeburu 7:17

Tamummaqara akara fannoo minara maaqi qidanoo. Anee aanaiqikirafa naaru naaru marinafa marinnaranoo, Meerakiseedeekana fooqaafa marinnaranoo. Mi tamummaqara ufafa miqiminoo maridanoo.

Heeburu 7:21

Qimafeekaikira ufasaa Yisufa aanaiqikirafa kambiqanau. Miqimma afeekaikiranara Anutufa maaqi qimasee qinau. Qinee karaambaiqa Anutusa qima afeekaikira ufa doo quqeeqa. Sia qinee qeeqa iriranannai moosaa fuanaura. Anee naaru naaru aanaiqikirafa marinnaranoo.

Heeburu 7:3

Meerakiseedeekana aanaakuna akoona anoona misa oosana sia maasa minara iridaqa, sia akara rumaqoo maridanoo. Mina maqoo aukuana faqa sia iridaqa mina kuqira aukuanara faqa sia iridaqa. Miqinoo marifaqa maasa Yuda maqannaasa oosana marasee minara Anutuna amaakummi maqi qidaqa naaru naaru marufa maridanoo fee maasa qidaqa. Mifa naaru naaru Anutuna aanaiqikirafa marufa maridanoo fee qidaqa.

Heeburu 5:10

Miqimasoofanoo Anutufa minara maaqi qinau. Anee aanaiqiki mariasa uriqararafa marianafa mariananoo. Anee Meerakiseedeekana fooqaafaikamambinana marinnaranoo.

Heeburu 6:20

Yisufa miqoo maasasaa roo qimasee maasa doorinni indaaru ooru fufa maridanoo. Mifa miqoo aanaiqikirafa firaa uriqararafa naaru naaru marifa Meerakiseedeekana aanna rarafa maridanoo maasa kaqi dadaaqidanoo.

Heeburu 7:15

Doo fuka aanaiqikirafa kooroo irana namufaqa fuka sandufa faqa aanaiqikirausa oosana faqa mariannoo. Mifa akooqoo kooroo inoo maridanoo. Mi fuka aanaiqikirafa Meerakiseedeekana fooqaafa animaridanoo.

Heeburu 7:8

Abarahaamana amaaku moo mina auqu Reefifa marinau. Reefina aiku asauku aanaiqikirausa faiqí faiqi misa faqa kuqimariasa maridaqa niqoonausa narana ainaina nimufaqa maraqau. Meerakiseedeekafa sia kuqirafa akarakinaa ufa marinara minara naaru naaru maru fee qimarufa maridanoo Abarahaamana narana ainaina amufanoo maranau.

Heeburu 7:11

Mooseena sandufa faqa Anutuna sandufa faqa miqandufa moodaa ufa marinau. Mi ufafa Reefina aiku asaukusaa aanaiqiki marusakina moodaanaki kusinoo maridanoo aiqama sandufa fannoo misasaaqari Isaraee maqannaasaki amanaikinau. Reefina aiku asauku aanaiqikira oosana fannoo faiqí anaasee Anutuna afusaa kaaqa andeeqara anukarana niminoofau sia moo aanaiqikirafa inaaqianna Meerakiseedeekana fooqaafa kambiqaiqini. Sia Aaroona aiku asauku Reefina aiku asaukukiqari fuka moo quqeenoo Meerakiseedeekana mina aannaree marina naaru naaru marirana Yisuna kai quqanau.