Heeburu 4:13 - Anutuna Ufa

¹³ Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Heeburu 4:13 Referans Kwoze

1 Koorinti 4:5

Innee minara irisee sia maasara kasaaqaindari ufa qiaqa. Karaambaiqa innaarunaindari quminna faasaana kai taikara ufa qimannimirafa mariannoo. Mikari karaambaiqa sia ooqai akooqoo mariu irirana kukeeqara irirana oosana oosana irirana minakinaana uqeereeqeenoo aiqamausa nifusaa kooroomannimaqaannoo. Aiqama fasiqa anaasee naundurakinaa oosana auqeefandiannana deedaqirana akooqoo aiqamausa nifusaa mara quqasainaqa qafeefaranoo. Mikari aiqama fasiqa anaasee nári maqasaa andeeqara nirana marirana amana kai Anutuna amooqirana mareefaranoo. Mikari Anutufa maasa saika oosana aiquqummasee minara ufa qiannoo. Maasa mina ufamau fimariafanausa marunnanara innee sia ufannai maasa saika kasaaqaindari aruaqa.

Aaquqira Ufa 15:3

Yaaweefa aiqamai kambiqee mari ainainna qafaidanoo. Maasa andeeqara ainainee mandainainee auqaunanoo mifa maasasaa afu rusisee maridanoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

Roomma 2:16

Kasooqaqee anianinna faasaana Anutufa narí asauku mundirana Yisunannai faiqí anaasee aiqama naunduraki kukeeqarana kooroomaseenoo rainannimaqaannoo, Qinee Pauroosa Anutuna amiqira fasaasufa faiqí anaasee qimannimiqa nidaqa minara qimannimidaqa.

Aaquqira Ufa 15:11

Kuqirausa mariannai ririmma Yaaweena afusaa akooqoo maridanoo. Kaqi mariasa naqi fee masee fee Anutuna afusaa nári irirana kukeeqeefaree akooqoo qafaidanoo.

Idi Ufa 44:21

Anutufa maasa qimuqusaki kukeeqara ainainara irimarifa marinara mi aiqama ainaina qafaiqini.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.

Idi Ufa 7:9

Anutu anee andeeqarafa maridana maasa irirana faqa maasa qimuqusa faqa aiququmasee qafee marianafa mariananoo. Anee manda oosana maree mariasa aaqara oosana taikasainaqa mariaqa. Andeeqarausa amiqimasee dadaaqinaqa mapukusee mariaqa.

Idi Ufa 90:8

Maasa aaqarana aneenna afusaa aiqama quqasee qafee marianafa mariananoo. Maasa kukeeqafi maraunna mandoosanafa ani afusaa kaaqa qaranaki akoosaqa maridanoo.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Yoohanee 2:24

Yisufa minara irinoo sia misaki paasoosamandee afaaqa quqanau. Mifa faiqí naunduraki irufanoo sia amanaikufanoo.

Idi Ufa 139:4

Oo Yaawee qinee moo ufa qianeerunana anee faasai mi ufana aiqama irimarianafa mariananoo.

Aaquqira Ufa 5:21

Anee aiqama ainaina auqaannana Yaaweefa qafaidanoo. Anee yaifee fuananoo Yaaaweefa anisaa rakisidanoo.

Mataioo 6:4

Qumee kai amimarinanoo inni nikoofa aiqama qumee ainaina qafee marifa mina akiaqara ani feefauru quqammamaqaannoo.

Yoohanee 4:16

Yisufa mi ufana iriseenoo maaqi qimasee mi anaaseena qimaminau. Anee ooru aneenna afaaqi afiqee qumua.