Heeburu 4:11 - Anutuna Ufa

¹¹ Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.

Heeburu 4:11 Referans Kwoze

Heeburu 3:18

Anutufa misara maaqi qinau, Qini faqa anusufinausa sia uqanna qini faqa adooeefaranoo. Anutufa miqi qimasoofaqa qinee minara maaqi qidaqa. Mifa yausaree miqi qinoo fee. Mifa narufa iriseenoo rukiee marusara miqi qinau.

Ruka 13:24

Anee tiqeera kooqiki afeekaikamasee amanammasee keeqaa, qinee minara qimannimidaqa iriaqa, faiqí anaasee moomoo amanidaqa sia amana keeqeefaranoo.

Heeburu 6:11

Maasa inniara maaqiaqeera inniara ridaqa. Inni Anutunara nidirafa asasirafa kasirafa miqiqa fifi inaqa taikainna aukuana kai mafi taikaaqa. Innee miqifanoo inni naundurakinaa nidirafa kuqaa anoonaikiannoo.

Eefeesusa 5:6

Minara moo fannoo mi oosana oosana manda ainainnara aufadamasee ufa qimasee narí furufarira ufannai inni nikaruqimasee mandainainaki fuaqee qinaqa sia uqanna innee mina iriaqa.

Heeburu 3:12

Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.

Titusa 1:16

Amiqi mariasa anirarisameeqee mandaki quqeemariasa misa nári nookiqari maasa Anutunara iridee qimasaidaqa quandaki nári auqee maria ainainafa moomau fimarifaqa maasa qafamasee unna qidammiafoo qidaqa. Faiqí aanaaseera fidiaqaaimariasa ufa rukiee mariasa mi manda fasiqausa maridaqa. Amiqira saikara sia amanaiki mariasa maridaqa.

Firipi 2:12

Oo qini qiqoondiuqa Firipi maqannaasa qinee ooqai inni faqa mariafanaqa innee qini ufa irisee eedoo kai imariqau. Doo qinee maqee innikiqari nianai maridaqa innee qini ufa irisee eedoo qinafa uriqarara ainaina mariannoo innee innaaruna asumu marirana doo marasee mariafanoo aaqamaki saamuruanoo qimasee rufiaqa rufiaqa irirana faqa naindiri naindirirana faqa mara maree fidaqa anoonaikirana mareefara.

Titusa 3:3

Ooqai maasa faqa misa naanna raidaqa, furufariaafanausa maridaqa, ufa rukiee mariafanausa maridaqa, maasa kaqiruna ubeekeeaafanausa maridaqa, maasa faqa daundurakina qidudusaa arirafa qiqa qifaaqa rumbeeusa idukuqoosa maridaqa, maa maqanasaa amiqi amiqira ainaina fannoo maasa rumbeeusa maasa faqa aiqama aukuana qifai sanduriaafanausa maridaqa, moona ainaina qafaafananoo qimuqusidanoo qimukeeusa maridaqa, maasa faqa moosa nindafaafananoo fidiaqaamma nimaqee mariafanausa maridaqa, misa faqa maasa qiqafoofanoo miqikai inoo fidiaqaamma qimaqeemariqau.

Kooroosee 3:6

Mi ainainausa moomoo maree mariasa Anutuna ufa rukiaida miqidaqa.

Ruka 16:16

Mooseena sandufa faqa tamummaqara fasiqauqa akarakinaa ufa faqa oosana arooqooqari misa ufa afeeka fannoo aiqamausa rafaaqafusee fi fi inoo Yoohaneefa nammari nimimaru aukuanna mini raquramiqoo taikanau. Miqooqari innaaruna ququsakinaana Anutuna amiqira fasaasaa ufa fannoo kai misa qimanniminoo fifaini marifaqa aiqamausa innaaruna ququsaki nimudaanai qimasaida keeqararidaqa.

Mataioo 11:12

Qinee anoona ufa qimannimidaqa. Yoohaneefa nammari nimimari aukuanaindari faiqí anaasee rakiranannoo maqusa maree mariandee miqi kaimasee nimudaanai qimasee innaaruna ququsaki keeqarara qimasee innaaruna ququsa maree mariasa maridaqa.

Mataioo 7:13

Innee innaaruna aatata fiqa tiqeera kooqiki keeqafi fuaqa. Idaki fimaria kooqifa firaafa maridanoo. Mi aanafa faqa firaafa kai maridanoo. Nianasaa mafi aqirafa firaaqoo maridanoo. Faiqí anaasee moomoosa maqee maqee miqoo fimariaqoo maridanoo.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Heeburu 4:6

Indaaru marusa misa Anutuna amiqira fasaasa ufa irisee sia mina idooaranaki keeqaqau. Nariqa ufa sia irunnannai sia idooaranaki keeqaqau. Akaqausa Anutuna faqa keeqeefandinausa marianara moo keeqaaninna faasaana quqasee maqee kamuqoo fee qinau.

2 Peetooroo 2:6

Soodooma maqusa faqa Koomoora maqusa faqa Anutufa idannai aiqamausa naru taikanau. Maasa aiqamausa mandoosana akiaqa qafamasee rufiaaqeera naru taikanau.