Heeburu 3:6 - Anutuna Ufa

⁶ Yisufa sia kaqi ainainira faiqi maridanoo. Isaraee maqanaasa nikoofa amaaku uqanna maridanoo. Mifa Anutuna aiku asauku maqasaa mariasa rakisinnimaqee marifa miqoo kai mi saikanaki marifa andeeqasee misasaa rakisimarifa maridanoo. Maasa naaru naaru Yisuna saqarikidaqa minara asasidaqa paasoosidaqa miqidaqa maasa Anutuna faiqi namu mina aiku oosana marunausa maridaqa sia miqidaqa sia mina aiku asauku marunaiqini.

Heeburu 3:6 Referans Kwoze

2 Koorinti 6:16

Naqimmasee Anutuna amaana maqaki mariasa faqa tumunnai auqira afaanna faqaasa faqa moodaanaki kifaree, sia amana. Maasa kaqi marira Anutuna amaana maqara foora maridaqa. Anutufa minara maa anoonufana tamummaqara fasiqa qimamufanoo akara rinau. Qinee qeeqa maaqa misaki usakasee marianaura. Qinee misa Anutusa marianaqa misa qini qiku qisauku marifaranoo.

1 Koorinti 3:16

Innee maana iridee sia fee iridee innee Yisuna ufara suqimariasa Anutuna amaana maqara foora mariafanoo, Anutuna maraquna fannoo narí maaqara foora inniki maridanoo.

1 Peetooroo 2:5

Inneeqa eedoo qimasee Anutuna asaukuki inneeqa nifaaqa quqasaifanoo faakana namufaqa rakiqasee usakasainanoo faiqí naunduraki anoona amaana maqa kambiqaani. Kambiqainaqa innee minaki Anutuna aanaiqi kirausaikamambi marifaranoo. Maridaqa Anutuna aidirana tatufirana suqa amidara foora amiqira irirana marirana amooqirana amifaranoo. Asauku mundirana Yisunannai miqifaranoo.

Heeburu 10:35

Doo maqee faqa inneeqa paasoosirana sia quqaaqa. Mifa marifanoo mina feefauru naaru marirana nimiannoo ubiqafi marirafa inniki mariani. Innee sia ubiqafinaqa sia amana Anutuna iriranamau fifaranoo, sia mina qima afeekaikira marira innaaruna qumiasana mareefaranoo.

Heeburu 6:11

Maasa inniara maaqiaqeera inniara ridaqa. Inni Anutunara nidirafa asasirafa kasirafa miqiqa fifi inaqa taikainna aukuana kai mafi taikaaqa. Innee miqifanoo inni naundurakinaa nidirafa kuqaa anoonaikiannoo.

1 Koorinti 6:19

Innee sia fee maanara iridee, innee doo irimariafaqa qimannimidaqa inni nifaaqa Anutuna naaquqara andeeqara maraquna amaana maqa miqirafa maridanoo. Anutufa narí maraquna innikina quqasoofanoo marinara innee inneeqa nifaaqa Anutuna amooqira mariranaki quqasaifanoo mariani. Inni nifaaqa sia innindi maridanoo.

Heeburu 10:23

Maasa innaarunai mariranara asasidaqa afeesidaqa kooroo idaqa. Maasa mi asasira afeesirana amiqimmandee qumaraaqa. Anutufa narí qima afeekaikira ufa sia minnisaannoo mifa qumaraannoo minara amiqimmandee rakisi qumaraaqa.

Heeburu 4:11

Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.

Heeburu 3:14

Maasa indaaru paasoosamandee Yisuna qumareeqa. Maqeendari maqeesaa paasoosamasee Yisuna qumareeqa mina kai afaqaqa fifi inaqa taikainna aukuana qumarainaqa maasa mina faqa moodaanaki ainaini marunausara maqi mafiqa mina qumaraanaura.

Uqafiqoo Ufafa 3:11

Qinee qusasaa qumuanaura. Innee uriqaraqa mariana amiqimmandee rakisi qumaraaqa moo fannoo qumaraandoora.

Heeburu 4:14

Maasa aanaiqiki maria fasiqausa uriqararafa Anutufa narí mariqoo uqanna keeqafi maridanoo. Mi fasiqafa Yisufa Anutuna amaaku marinara maasa Anutuna amaana ufa qumaraunnana amiqimasee qumaraaqee qidaqa.

Heeburu 1:2

Maa maqee inaaqianna kamu narí amaakunnai maasa qimaqiminoo. Minannai kai Anutufa maqa faqa innaaruna faqa minakinaa ainainauqa faqa auquseenoo narí amaaku aiqamausakinaana marasee rusandeesamumasee amianauree quna taikara aukuana aiqama ainaina saqama anindi kammiannoo fee qimaqoofa maridanoo.

1 Timooti 3:15

Moo ainaina fannoo qini rafaaqafimarifaqa maridaqa maa papiqanakinaafa inni Anutuna aiku asaukuki nirana marirana naamuaqiannoo. Anutuna ufara suqiranaki keeqee mariasa misa Anutuna amaana maqara foora maridaqa. Anutuna anoona ufa faakana maridaqa.

Kooroosee 1:23

Ooqai indaaru Yisuna amiqira fasaasa ufa iriseeqa naaquqarana taikaseeqa innaarunai firara asasida maridaqa. Miqida mi nimuqusa idaaqirana sia kaifaa rufiarana maraaqa. Inni irirafa maqee maqee Yisuna mapukusee mina faakanara maqi masee mundiqa mari iaqa. Mi amiqira fasaasa ufana aiqama maqa maaqai qimannimisoofaqa qinee Pauroosa mina rumbara faiqi maridaqa mina saika faiqi maridaqa.

Mataioo 10:22

Qini duquara aiqamausa inni fidiaqaama nimaqaannoo. Yafa yafee kaqi maraqa fifi iqa taikara aukuana paqurinausa, qinee mikari misa qumara asumu mariranaki quqaanaura.

1 Teesaroonika 5:16

Innee aiqama kari Yisuna ufa irimariasa asasida kai mariaqa, aiqama eendaki faasaana innaaru qiqa fuaqa. Aiqama ainaina tiaki Anutunara dufi dufi kai qiaqa. Innee mi ufamau fidaqa asauku mundirana Yisunaki fidaqa Anutufa inniara fuaqee qimaqoomau fifaranoo.

Roomma 15:13

Anutufa maasa innaarunaira afeesirana oosanafaqaafa maridanoo, mifa kai innee mina saqarikiranannai aiqama asasirana faqa asooarana faqa innikina qumbiqannimaqaannoo, Anutuna naaquqara andeeqara maraquna afeeka fannoo inni dadaaqinanoo innaarunaira asasammasee afeesirafa mi asasirafa qumbiqeenoo teeqiannoo.

Mataioo 24:13

Yafa uqannee narí akoona faiqi uqanna mi manda aukuanna aiqama ainaina kambiqainanaki finnaaqara maseenoo fifi inanoo taikara kooqi uqanna raquramisainafa mina akoofa Anutufa qumareeqeenoo asumu mariranaki quqaannoo.

Uqafiqoo Ufafa 2:25

Maana kai qimannimidaqa. Inneeqa amiqira oosana uaqeeiana mina kai maramaree fuaqa, fifi inaqa qinee qumuanna aukuanna mina akiaqara maraaqa.

Uqafiqoo Ufafa 2:18

Rambi kuradee maria saqarina qambaanai marifa Yisufa miqi qimaseenoo quandaki Yoohaneena kafaa maaqi qimasee qimaminau. Yoohanee anee Tiatira amaana maqasaa Paatoona faqa maaqi qimasee akara rumamaqaa. Anutuna amaaku afu idara foora qeemarifa mina aiku faqa anukanoo mari barasara foora tandi tandi mari aikunannoo mandainaina radamimarifa Yisufa maa ufana inni qimannimidanoo.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

Roomma 5:2

Yisufa maasara kuqiranannai faqa maasa qeeqa Yisuna ufasaa irirana rusisaunnanannai faqa Yisufa maasa mareeqee Anutuna kaqi afaariranaki quqasaifaqa maasa maqee minaki kikiqiqa maridaqa. Minaki maridaqa, kasooqaqee innaarunai areenarana naida qimiannoo minara iridaqa asasidaqa afeesidaqa susuidaqa.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.

Karatia 6:9

Minara iriseeqa amiqira mariranara sia kudoosaapeeqa minnisaaqa maasa sia minniseeqa kaqi mi mau fidaqa kasooqaqee unnakirana paqurianaura.

Roomma 11:22

Maanara amiqimasee iria sia aunuaqa Anutufa narí qaara oosana maaqimminoo maridanoo mina dinni kaaqa faiqí anaaseera amuqusirafa maridanoo kafaa mina dinni manda ainainara aanoo irafa maridanoo. Mifa mandainainaki saamurimariasara aanoo irafa kai maridanoo, innee kaqi mina afaariranaki maqee maqee fimarifanoo mifa inni nifauamaseenoo amiqi amiqiannoo, minnisaifanoo inni faqa Yuda maqannaara foora aadana asaanara foora inni rauda aqusaannoo.

Mataioo 16:18

Qinee ani qimamidaqa. Anee Peetooroofa ani auqu oosana oonifa mariananoo. Qini qikoofa qiniara uqafiqainasaa mi ufafa firaa ooniara foora marinara qinee mi firaa ooninasaa qini amaana maqa usakaanaura. Qini saqariki mariasa qumareeqa qeeqa amaana maqaikamandaanaura. Mi ooninasaa qini maaqa usakaanaura. Kuqirafa sia amana mi amaana maqana rafaaqa fuannoo.

Roomma 12:12

Innee Yisufa qumuaninnanara afeesidaqa asasidaqa kai mariaqa, maqee maria kadaapirira ummaarafa rafaaqafinaqa naundura asooamasee kasooqaqee ubiqafiqa reendeenamasee kaqi kai minaki fuaqa, maqee maqee innee aiqamausara faqa aiqama ainainara faqa innaaru qimannisaaqa.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Eefeesusa 3:12

Maasa Yisunasaa atooaqa marianannai faqa maasa mina saqarikiranannai faqa sia maasa nisaurida rufiaanaura, paasoosamasee Anutuna afusaa fuannanara mi eedoo qirafa maasaindi maridanoo.

Heeburu 4:16

Minara maasa mifa daruaninnanara faqa sia rufia rufiaqiqa paasoosamasee mifa mari qaarinasaa oonu reera foora nári nifaueenoo amuqusianinnanara faqa qimiannee qiaqa. Miqoo kaqi nimirafa kaqi dadaaqirafa miqoo maridanoo. Maasa miqoo oonuraananoo Anutuna afauarafa amuqusirafa maasara mariannoo. Maasa ummaara faqa sarauqirana faqa darinnanara mifa dadaaqiannoo.

Heeburu 6:18

Doo minara iriseeqa qaara ainaina, afeeka ainaina innikina kaqi mariannoo sia taikaannoo. Mi ainaina qanda moo ainaina Anutuna qima afeekaikirafa maridanoo. Moo ainaina Anutuna asauku uqeerarafa maridanoo. Mi ainaina qandara Anutufa sia amana unna qirafa mariannoo. Maasa Anutuna saqarikidaqa mina asumu mariranaki mariasa Anutufa maasa aranaiqi fuki faaki qidanoo maasa daikisaa marianinna innaarunai mariranara asasidaqa afeesidaqa mariaqeera qidanoo.

Heeburu 7:19

Mooseena sandufa fannoo moona kaaqa amiqira andeeqarana Anutuna afusaa sia amiaqaaufanoo mi sandufana mafi quqanau. Quqaseenoo doo maqee fuka ainaina firaaqoo uriqarara ainaina Yisunara asasira afeesirana maree mini quqasoofaqa minannai kai Anutuna aaqa uqanna fuanaura.

Heeburu 10:19

Qini qikaqaafasaa Yisufa kuqinoo narí fidika adioonannai maasa sia rufiaidaqa kaqi mana mana nifaaqa quqasee Anutuna naaquqara oosiranaki keeqaanaura.

Heeburu 10:21

Maasa aanaiqikirafa firaafa mifa Anutuna maaqasaa rakisirafa maridanoo.

Heeburu 11:1

Anutunasaa irirana rusimarinausa misa innaarunai kambiqaaninna ainainara asasamandee afeesidaqa. Misa minara kuqaa anoona maridanoo innaarunai maraanauree qida afeesida maridaqa. Misa sia qafeemari ainainnara anoonee qidaqa nifaaqa quqasee afeesidaqa.

1 Peetooroo 4:17

Anutufa aiqamausa ufa irira aukuana doo ani maridanoo. Anutufa narí faiqi namu ufa naaree iriannoo. Iridanoo misa faqa aupurarana nimiannoo. Miqi qimasee niminanoo Anutuna ufara nikooqee marisa naqi fee iannoo fee firaaqoo uqanna misa ufa nimiannoo.

Uqafiqoo Ufafa 2:26

Rakiranara foora iqa mandainaina uraaqarararee imariasa qini ufamau fimariasa mi mau fifi inaqa taikara aukuana paquriqa qini qikoofa afeeka qimuna quandaki misa nimianaura.