Heeburu 3:18 - Anutuna Ufa

¹⁸ Anutufa misara maaqi qinau, Qini faqa anusufinausa sia uqanna qini faqa adooeefaranoo. Anutufa miqi qimasoofaqa qinee minara maaqi qidaqa. Mifa yausaree miqi qinoo fee. Mifa narufa iriseenoo rukiee marusara miqi qinau.

Heeburu 3:18 Referans Kwoze

Heeburu 4:6

Indaaru marusa misa Anutuna amiqira fasaasa ufa irisee sia mina idooaranaki keeqaqau. Nariqa ufa sia irunnannai sia idooaranaki keeqaqau. Akaqausa Anutuna faqa keeqeefandinausa marianara moo keeqaaninna faasaana quqasee maqee kamuqoo fee qinau.

Heeburu 4:2

Ooqai inni saimbaqa Isaraee maqannaa ninausa nikausa Anutuna ufa iriqau. Maasa maqee doo irimmaseeqa amiqira fasaasa ufa maridanoo. Indaaru misa mi ufana iriseeqa aqummasaqau. Misa mi ufana naaqoonnai iriseeqa sia naundura nimuqusannai mi ufana qumaraqau. Sia minara kuqaa fee qimasee minasaa irirana rusiqau.

Heeburu 3:11

Qinee minara iranaqaifaqa maaqi qimasee qimafeekaikiqiafana. Sia uqanna misa qini faqa anusufiqa adooeefaranoo. Anutuna ufa miqiminoo marifaqa qinee minara maaqi qidaqa.

Idi Ufa 78:22

Misa Anutunasaa sia nári irirana rusiqau. Misa Anutunara sia amana mandainainakinaana maasa asumu maraannoo fee qiqau.

Yoohanee 3:36

Anutuna amaaku ufa irisee mara mina saqarikinafa doo mifa Anutuna naaru marirana marasee minaki maridanoo. Anutuna amaaku ufa irisee rukiainafa Anutuna firaaqoo aanooqirafa minasaa naaru mariannoo.

Roomma 11:30

Innee aanaamuru marusa ooqai ufa rukiee marusa mariafanoo doo maqee Yuda maqannaasa ufa rukioonara faqa innee mina ufa irunara Anutuna nifauarana maree mariasa mariafanoo.

Heeburu 4:11

Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.