Heeburu 3:12 - Anutuna Ufa

¹² Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.

Heeburu 3:12 Referans Kwoze

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

1 Koorinti 10:12

Faiqí moo fannoo nariara qeeqa afeekaikiranannai kikiqiqa maridee qinafa rufiaa, anee Isaraee maqannaasa naanna ramasee aqufinafaara.

Heeburu 10:38

Qini qiku qisauku andeeqarausa mariasa maqee maqee qinisaa irirana rusisee mariqa fifi inaqa mi mariranara kai qini didiannoo. Misa minara nikooqee marinausa misara qini faqa qikooqaannoo. Anutuna akara maasara miqi qinoo maridanoo.

Heeburu 12:15

Innee amiqimmandee rakisia, innee Anutuna afaariranaki fuanakiqari quandaki kaqinni ubeekee foora. Innee amiqimmandee rakisiaqa sia moo fannoo inniki saakunananda inniki kambiqafinoo aiqamausa sukaqarana nimiani.

Heeburu 3:10

Qinee minara iriseeqa qafamaseeqa maa Isaraee maqannaara qiranaqaidanoo. Qinee maaqi qimasee niqidaqa. Misa irirafa fifau faafau qidanoo aaqaidanoo. Misa kisaaqasaa qini faqa anidaqa sia qini oosana qafeeusa.

Mareekoo 13:33

Innee minara aufaridaqa rakisidaqa qafaaqa.

Mataioo 24:4

Yisufa iriseenoo maaqi qimasee qimanniminau. Innee rufiaaqa moo fannoo unna ufa inni qimannimisee kaqi runna mara quqaani. Moomoosa anireeqa unna qimasee maasa asauku mundirausa maridee qifaranoo. Faiqí anaasee moomoosa misa ufa iriseeqa eedoo qimaseeqa fifaqa rarisameeqee kaqitinai ubeekeefaranoo.

Aaquqira Ufa 1:32

Irirana siaisa amiqira irirana nimeesa uqaanara kuqidaqa. Furufari mariasa amiqira irirafa sia marinara mandaikidaqa.

Mareekoo 13:9

Innee qini ufa irimariasa aufarida mariaqa, faiqí misa poorisa ufa qimannimifaqa inni ruumbeeqee kootaki quqeefaranoo. Misa inni mareeqee amaana maqaki quqasee saamusamu narifaranoo. Innee qini amiqira fasaasa ufa qimannimiaqeera qini ufasaara karaambaiqauqa faqa faiqí firaasa rakisirausa faqa nifusaa innee kikiqifaranoo.

1 Teesaroonika 1:9

Ooqai maasa inni Teesaroonika maqusai oonuraafanaqa innee maasa asasamandee oonu qifiqasee amiqimasee maasa ufa irunara faasai mi anaamurusa irimariqau. Innee inneeqa dapi saqari Anutunara foora innaaru qimaruna minnisee quandaki kuqaa anoona kasi mari Anutufinnai ubeekaranara faqa faasai mi anaamurusa iriseeqa minara aiqamausa qimannimimariqau.

Idi Ufa 18:21

Qinee Yaaweena sandufamau fimarunausa maridaqa. Sia qeeqa Anutuna qimeesa uqusee mandoosana maraidaqa.

Roomma 11:21

Anutufa mi saqarina naríndi Yuda maqannaasara sia amuqusinau sia Yisunara irisoonara kaqi ateekanau innee faqa rufiaaqa kaqinni faqa ateekaannoo, kaasaummia.

Mareekoo 13:23

Qinee inniqa qini faiqi namu mi ainainna sia kambiooqoo qimannimiqa minara aufarida kai mariaqa.

Oosana 8:21

Suqoofanoo mina afunda karaambaiqa aikiambu ufanoo udirama qafeenoo asasinau. Asasammaseenoo maaqi qimasee qimmirinoo qinau. Sia qinee kaifaa faiqí inni mandainaina akiiqara aiqama maqa maaqa niquraraanauranoo. Inneeqa faiqi saaqari irirana faqa marirana faqa mandaika kai imarunara sia kaifaa unandee iqa maqa maaqa afaaqasasa maria fasiqa aanaaseesa faqa aandau doodaani faqa naru taikaanaura.

Kooroosee 2:8

Innee amiqimasee eerairiaqa faiqí moo fannoo unna ufa qira iriranannai inni rarisameeqee narí aiku oosanaki quqaandoora. Miqira fasiqa mina ufa fannoo irirana faqaa fasiqara foora ufa qiannoo. Mi ufafa faiqí anaasee nikaru qira ufa oosana siai ufafa fifau maqasaa ufa afaanna manika fannoo innaaruna faqa maqa faqa rakisidaqee qimari ufana. Sia asauku mundiranasaa oosana areemari ufafa maridanoo. Miqira ufara amiqimasee eerairiaqa.

Heeburu 3:1

Qini qikaqaafasaa innisaimbaqa Karaambaiqa aiku oosana marunausa maridaqa innee faqa qinee faqa Anutufa daarama quqasaifaqa ani mariasa maridaqa. Innee Yisuna qafaaqa qafaidaqa oonumafi iriaqa Anutufa aqiqamaqoofa maridanoo. Maasa qimarunna amaana ufana aanaiqikira uriqararafa marianifeera aqiqamaqoofa maridanoo.

Heeburu 3:19

Maqee maasa mina qafamasee maaqi qidaqa. Sia naundura nimuqusa Anutuna ufasaa rusunara minara misa sia fuka maqa maaqaki Kannaa maqa maaqaki adooaranaki fiqau. Kaqi aadana maqa maaqaki kuqiqau.

Heeburu 9:14

Fifau aandau fidika fannoo ririmma faiqí ikairi findaukaidanoo Anutuna asauku mundirana fidikara naqi fee qianauree. Mifa naaru naaru marira maraquna fannoo dadaaqifanoo narí uqanna anoona tatufirana amiranara foora Anutuna aminau. Mina fidika fannoo sia maasa ikairi kai findaukaannoo. Maasa qimana maraquna faqa mina faqa findaukaidanoo maasa mandoosana maree mariana faqa maasa kuqiranaki rarisama quqee mariana faqa Yisuna fidika fannoo mina faqa findaukaidanoo. Miqi mandainaqa maasa amana kaqi marira Anutuna ainainamminaura.

Heeburu 10:31

Mifa miqi qidanoo qinee minara maaqi qidaqa, kaqi marira Anutuna asaukuki aqufinafa firaa narirafa kaaqa naaquqee marifa maridanoo.

Heeburu 12:22

Mi aukuanna Isaraee maqannaasa mi naaquqara ainainna nifu qafamasoofanoo nifaaqa ramasoofaqa rufiaqau. Maqee innee sia miqiranaki aniifaqa ani maridaqa. Innee Sioona aaqana uqanna kaqi marira Anutuna maqusaki ani mariafanoo. Innaarunai marira Yeerusaree maqusa qangiroo moomoo andandara foora marianaki innee ani mariafanoo.