Heeburu 2:17 - Anutuna Ufa

¹⁷ Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.

Heeburu 2:17 Referans Kwoze

Heeburu 4:14

Maasa aanaiqiki maria fasiqausa uriqararafa Anutufa narí mariqoo uqanna keeqafi maridanoo. Mi fasiqafa Yisufa Anutuna amaaku marinara maasa Anutuna amaana ufa qumaraunnana amiqimasee qumaraaqee qidaqa.

Heeburu 2:14

Yisufa maqasaa fasiqa anaaseera narí faiqi aanaaqi fee qidanoo. Mi faiqi anaaqisa nimaqi faqaasa fidika faqaasa maa maqanasaaqaraasara Yisufa qidanoo. Yisufa narí uqanna qumureenoo faiqi aanaaqi Mariana aranandaki maasa faiqí faiqi fidika qimaqi mareenoo innooqanau. Mifa sia fifaufau miqinau. Narí kuqiranannai kuqirana rakisirana Sadannana rafaaqafuanifeera maasa qimaqi faqa fidika faqa maranau.

Heeburu 7:26

Yisufa mifa maasa aanaiqikira uriqararafa maridanoo. Maasa mandainaina oosana oosana manda ainaina akiaqara amana kai Yisufa maridanoo. Mifa andeeqarana naaquqarafa maridanoo. Minaki sia moo aaqarafa mandaikirafa maridanoo. Mina manda maqasaa mariasakinaana aadumasaa Anutufa quqararee qimaseenoo mareeqeenoo innaarunai uqeera uriqararanaki quqaqaifanoo maridanoo.

Roomma 5:10

Maasa Anutuna namuqaa marufanoo mifa narí amaaku maasa mandainaina arirana maroonara iriseenoo mina kuqiranannai aqoondi kamma quqaqisaifaqa maridaqa. Asauku mundirafa kuqunannai Anutuna aqoondi kamambi maridaqa kafaa Yisuna kaqi mariranannai mifa taikara aukuana Anutuna aranaqaranakinaana kuqaa uqanna maasa mina aqoondiuqa mareeqee asumu mariranaki quqaqisaannoo.

Heeburu 2:11

Yisufa faiqí faiqi maraseenoo nári mandainaina findaukamaseenoo anukaranaki quqannisee marifa maridanoo. Mifa faqa ninukamaqaisa faqa moodaa nikoona faqaasa marianara Yisufa misara sia asauridanoo qini qikaqaafasaa fee qidanoo.

Heeburu 3:5

Mooseefa Anutuna aiku asauku Isaraee maqannaasaki maqee maqee miqoo kai maridanoo oori runuseenoo andeeqanoo kai marinau. Mifa Anutuna ainainira faiqi maridanoo. Anutufa qimannimianinna ainainara faiqí anaasee qimannimimarufaqa irimariqau.

Kooroosee 1:21

Ooqai indaaru innee Anutuna namuqaakama amaqaqau. Inni oosana fannoo manda marira marufanoo inni irirafa manda irirana kai irimarunara Anutufa inni futee aquseenoo namuqaakamma nimaqanau.

Heeburu 7:28

Mooseena sandufa fannoo fifau faiqí faiqi mareeqeenoo aanaiqikirausa uriqararausaki quqanau. Anutuna qima afeekaikirafa narí auqu ramasee qima afeekaikirafa Mooseena sandufa naaree ani marifanoo Anutuna mi qimafeekaikirufafa Mooseena sandufa rafaaqafuamaqeenoo Anutuna amaaku uqanna mareeqeenoo aanaiqikira uriqararanaki quqanau, naaru naaru andeeqarafa marianinnana quqanau.

Eefeesusa 2:16

Asauku mundirafa narí aunirira saqarisaa kuqunannai Yuda maqannaa faqa aanaamuru faqa nariara nariara fidiaqaa imaruna aru taikanau, narí aunirira saqarisaa kuqunannai Yuda maqannaa faqa aanaamuru faqa rakimaruna taikaseenoo Yisufa mareeqeenoo mafi moodaanaki quqaseenoo mareeqeenoo Anutuna aanooqirana taikaseenoo narí akoona Anutunaki asooaranaki quqanau.

Roomma 15:17

Qinee asauku mundirana Yisunasaa moodaanaki kamambi maridaqa maqasaa mi saikanaki marunanoo didimarifaqa asasidaqa.

Heeburu 3:2

Ooqai Mooseefa Anutuna aiku asauku Isaraee maqannaasaki aiqama ainaina auqeemaruna miqoo kai maridanoo oori runusee andeeqanoo kai marinau. Yisufa miqikai maseenoo narí asauku mundusee aqiqoofa Anutunara iriseenoo mina ainainirana andeeqaidanoo aidimarufanoo marinau.

Heeburu 2:16

Sia Yisufa qangiroouqa dadaaqidanoo. Faiqí faiqi dadaaqidanoo mifa akooqoo maridanoo. Moo akara fannoo minara maaqi qidanoo. Mifa Abarahaamana aiku asauku dadaaqimarifa maridanoo.

Heeburu 3:1

Qini qikaqaafasaa innisaimbaqa Karaambaiqa aiku oosana marunausa maridaqa innee faqa qinee faqa Anutufa daarama quqasaifaqa ani mariasa maridaqa. Innee Yisuna qafaaqa qafaidaqa oonumafi iriaqa Anutufa aqiqamaqoofa maridanoo. Maasa qimarunna amaana ufana aanaiqikira uriqararafa marianifeera aqiqamaqoofa maridanoo.

Heeburu 4:15

Maasa aanaiqiki maria fasiqausa uriqararafa maasa daunduraki ummaararee marifaqa maasa kudoosaapee marunnana sia sia qafee marifa maridanoofau, qafee marifa maridanoo. Sadannafa aiqama ainaina amanamasaifanoo sia mina qumaraifa qafamaqaifa kai maridanoo, minara kai maasara qimudaoo qimasee amuqusidanoo.

Heeburu 5:1

Maasa Heeburu maqannaasa faiqí misa aanaiqiki maru fasiqausa uriqararanara randasee paqurimmeeqee faiqí aanaaseesaaroo qianifeera Anutuna ainainiranaki quqaidaqa. Miqooqari mi fasiqafa faiqí anaasee mandainaina rukasainanoo Anutufa sia naruaninnanara iriseenoo maqee maqee amirainaina faqa aandau aruseenoo Anutuna tatufu suqa amirana faqa amidanoo.

Heeburu 5:2

Mi aanaiqikira fasiqafa faiqí faiqi maridanoo narí faqa amanna marinara faiqí anaasee furufarammasee aaqee marianara amuqusinanoo amana dadaaqiannoo.

Heeburu 5:5

Yisufa asauku mundirafa miqi kai masee sia narí kai nariara uriqarara aanaiqikinau. Anutufa qunara kai miqinau. Mifa maaqi qimasee qimaminau. Anee qini qimaaku mariananoo. Maqee faasaana qinee ani akausaikammiqa maridaqa.

Heeburu 5:10

Miqimasoofanoo Anutufa minara maaqi qinau. Anee aanaiqiki mariasa uriqararafa marianafa mariananoo. Anee Meerakiseedeekana fooqaafaikamambinana marinnaranoo.

Heeburu 6:20

Yisufa miqoo maasasaa roo qimasee maasa doorinni indaaru ooru fufa maridanoo. Mifa miqoo aanaiqikirafa firaa uriqararafa naaru naaru marifa Meerakiseedeekana aanna rarafa maridanoo maasa kaqi dadaaqidanoo.

Heeburu 8:1

Maasa maa ufana akiaqa maaqimminoo maridanoo. Maasa aanaiqikira uriqararafa innaaruna uriqararana Anutufa mariqoo mina aaqa mina asauku uqannai maridanoo.

Heeburu 8:3

Aiqama aanaiqikira uriqararausa maqee maqee narana aandau arusaida Anutuna tatufu amidaqa. Mooseefa mi ainainiranaki misa quqanau. Doo maasa aanaiqikira uriqararafa Yisufa mifa faqa Anutuna tatufirana amirafa mariannoo.

Heeburu 9:11

Asauku mundirafa doo ani maridanoo. Innarunai marira ainaina asumu faqa doo ani maridanoo. Mi amiqira ainainausa aanaiqikirafa uriqararafa asauku mundirafa doo ani maridanoo. Mooseena ainainimaru uqiqaana maaqafa ureeqaradfa marinau, maqee asauku mundirafa fuka firaa anoona uqiqaana maqaki innarunai ainaini marifa uriqararafa anoona uqanna ani maridanoo. Sia faiqí nisaukunnai auqi maria amaana maqafa maridanoo sia maa maqa maaqanasaaqaraa ainainau maridanoofau.

Heeburu 10:21

Maasa aanaiqikirafa firaafa mifa Anutuna maaqasaa rakisirafa maridanoo.