Heeburu 2:16 - Anutuna Ufa

¹⁶ Sia Yisufa qangiroouqa dadaaqidanoo. Faiqí faiqi dadaaqidanoo mifa akooqoo maridanoo. Moo akara fannoo minara maaqi qidanoo. Mifa Abarahaamana aiku asauku dadaaqimarifa maridanoo.

Heeburu 2:16 Referans Kwoze

Karatia 3:29

Innee asauku mundiranaindi marianara Abarahaamana ati mariafanoo. Abarahaamana atiuqa marianara Anutufa Abarahaamana amiqi amiqirana qima afeekaikuna mi amiqi amiqira ainainna kasooqaqee innaarunai inni faqa nimiannoo.

Karatia 3:16

Miqi kaimmasee Anutufa narí qima afeekaikira ufa Abarahaamanasaa faqa mina atisaa faqa quqaseenoo akara rinau. Ooqeenaa akara fannoo sia narí atiuqa moomoo fasiqa anaaseera qidanoo. Mifa maaqi qidanoo, ani ati kaimma qima afeekaikirana amianauree qidanoo asauku mundiranara moodaara qinau.

Oosana 22:18

Aiqama maqannaasa qiniara ani aiku asauku amiqi amiqimma nimaaqaafanandee masee maasa faqa amiqi amiqimma qimaqaannee qifaranoo. Anee qini aakapara ufa qaindusuannanara miqiqa.

Heeburu 12:10

Maa maqanasaaqaraa qikausa nári iriranannai maasa andeeqa qimaqaidaqa aikannai qumaree daridaqa. Anutufa maasa andeeqara oosana maraaqeera oosana oosana ummaarannai maasa dariara foora idanoo. Mifa narí andeeqarana naida qimiraree qidanoo maasa daridanoo.

Heeburu 6:16

Faiqí moo fannoo qima afeekaikianee qimaseenoo asauku innaarunai uqeeraseenoo nariara urinaaqarara auqu ramaseenoo qima afeekaika maseenoo doo ufa qimaqoofa taikaidanoo.

Roomma 2:25

Innee Yuda maqannaasa inneeqara fainanduqirausee qidaqa miqianara Anutuna faiqi namufee qimariafanoo. Qinee Pauroosa minara maa ufana qidaqa. Innee miqi mariasa Mooseena sandufamau amiqimandee fidaqa inni fainanduqirafa amiqira ainaina mariannoo, mina ufa rukiaseeqa fifau nipata aukirafa, sia Anutuna faiqi namu mariafanoo aamina aanaamuara foora marifaranoo.

1 Peetooroo 1:20

Ooqai indaaru Anutufa sia maa maqa maaqana auqiraqoo asauku mundirana kaqi utaaqama nimaqaqoofanoo marinoo maa maqee taikara kamu maasaki doo kooroo inoo maasara aunirira saqarisaa kuqufanoo

Heeburu 2:15

Yisufa kuqirana rakisirafa Sadannana rafaaqafuseenoo aanaaqisaaqari kuqiranara rufiasee rumbaqa maria fasiqa anaaseesa idukunnisaaneera kuqunnimaqanau.

Heeburu 2:17

Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.