Heeburu 2:15 - Anutuna Ufa

¹⁵ Yisufa kuqirana rakisirafa Sadannana rafaaqafuseenoo aanaaqisaaqari kuqiranara rufiasee rumbaqa maria fasiqa anaaseesa idukunnisaaneera kuqunnimaqanau.

Heeburu 2:15 Referans Kwoze

Roomma 8:15

Anutufa narí nimimari maraqunafa sia inni manda rumbaranaki quqaseenoo rufiarana nimiannoo, mifa sia miqidanoo maaqimmiannoo inni mareeqeenoo inni Anutuna faiqi namu kammasainaqa mina afeekannai kai qifaaqa quqasee maasa Anutunara maasa qikoonee qidaqa.

2 Timooti 1:7

Anutuna maraquna maasa qimufa sia maparaairana rufiarana qimidanoo, mina maraquna fannoo afeekaikirana faqa faiqí aanaaseera amuqusirana faqa qeeqa daundurai qimanasaa andeeqasee rakisirana faqa maasa qimidanoo.

2 Koorinti 1:10

Mifa firaa qimeekaranakinaana maasa uqeereeqee qisaifaqa maridaqa kafaa miqi kaimmiannoo. Mifa kafaa maasa minakinaana uqeereeqeenoo quqaqisaifaqa sia rufiaida minara irirafa minasaa rusinoo maridanoo.

Roomma 8:21

Aiqama mari ainainafa narí putaa kiqari kasooqaqee idukufuannoo. Idukufinoo Anutuna faiqi namu nári idukiranaki faqa idaaqira areenaranaki faqa keeqafi moodaanaki marifaranoo.

Idi Ufa 55:4

Qinee firaaqoo rufiee marunanoo mi irirafa qini kuqirafa qimaqaa idanoo. Kuquanna daaquqarafa firaafa daakinoo maridanoo.

Idi Ufa 89:48

Yafasiqa fee sia kuquannoo fee. Yafasiqa fee kaqi maridanoo narí afeekannai narí madikaki firanara qeerairiannoo fee. Sia moo fannoo miqirafa mariannoo.

Idi Ufa 56:13

Oo Yaawee, qinee madika afaisaa oonuraunnana uqeera qisaannanara dufi dufi qira tatufirana suqamianaura. Qinee farindamaki saamurirara unana qini mara findifuma qisaananoo. Qinee ani Anutuna afusaa kaqi marira kaaqa qaranasaa nuaneera mara findifuma qisaananoo.

Idi Ufa 33:19

Mifa kuqiranasaa itita nimaqaidanoo. Mifa aandaroo aukuana faqa rakisi nimaqaidanoo.

Karatia 4:21

Innee indaaru Mooseena sandufakiqari idukufi Yisuna ufasaa atooqafi mariaasa maqee Mooseena sandufa ummaara ameemaanai munari minari kafaa keeqararee qimariasa mariafanoo. Innee sia fee mi sandufana iridaqee minaki kaifaa keeqaidee.

Idi Ufa 73:19

Misa tautummaki mandainainaki kuridiranaki aqufidaqa. Miqi mariasa manda kuqiranaki ooqu fidaqa.

Heeburu 2:16

Sia Yisufa qangiroouqa dadaaqidanoo. Faiqí faiqi dadaaqidanoo mifa akooqoo maridanoo. Moo akara fannoo minara maaqi qidanoo. Mifa Abarahaamana aiku asauku dadaaqimarifa maridanoo.