Heeburu 13:6 - Anutuna Ufa

⁶ Maasa mi ufana iriseeqa paasoosamaseeqa maridaqa maaqi qianaura. Karaambaiqa maasa dadaaqimarifa maridanoo Minara maasa sia rufiaanaura, Naqimasee maa maqanasaa qaraasa maasa darifaree. Sia amana darifaranoo.

Heeburu 13:6 Referans Kwoze

Roomma 8:31

Maasa maa ufana aiqama irisee Anutunara naqi fee qianauree. Anutufa maasa dadaaqimarifa marinanoo yafee maasa amana rafaaqa fuannoo. Sia amana moo fannoo maasa amana rafaaqa fuannoo.

Idi Ufa 124:8

Maasa dadaaqirafa Yaawee finnaindari anidanoo. Maqa faqa innaaruna faqa auqu finnaindari anidanoo.

Heeburu 4:16

Minara maasa mifa daruaninnanara faqa sia rufia rufiaqiqa paasoosamasee mifa mari qaarinasaa oonu reera foora nári nifaueenoo amuqusianinnanara faqa qimiannee qiaqa. Miqoo kaqi nimirafa kaqi dadaaqirafa miqoo maridanoo. Maasa miqoo oonuraananoo Anutuna afauarafa amuqusirafa maasara mariannoo. Maasa ummaara faqa sarauqirana faqa darinnanara mifa dadaaqiannoo.

Idi Ufa 56:4

Qinee Anutuna saqarikdaqa sia moo ainainara rufiaidaqa. Mina qima afeekaikira ufara irisee mina auqu quqeeraidaqa. Faiqí faiqi nana mandaikee maqimaqaifaqa sia qinee rufiaanaura.

Mataioo 10:28

Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.

Idi Ufa 54:4

Kuqaa Anutufa qini dadaaqi marifa maridanoo. Qini mariranasaa rakisi marifa Yaaweefa maridanoo.

Idi Ufa 33:20

Maasa qimana Yaaweenaki kai quqaidanoo. Mifa kai maasa dadaaqirafa maasa saqari maridanoo.

Idi Ufa 63:7

Qinee ani aqoosa ameemaanai maridaqa aniara asasira idi raanaura.

Idi Ufa 94:17

Yaaweefa sia qini dadaaqinaqau qini darusaifaqau qinee kai kaqi kuqirausa ufa siaisaki marunaiqini.

Idi Ufa 40:17

Qinee Dafidisa qimudaani radukirausa saraui marunna fasiqausa marunnanara oo Yaawee anee sia qiniara qaunuananoo. Anee qini asumu maree marianafa faqa qini Anutufa faqa mariannanara kai kaqi aniree qini dadaaqia.

Oosana 15:1

Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Eefeesusa 3:12

Maasa Yisunasaa atooaqa marianannai faqa maasa mina saqarikiranannai faqa sia maasa nisaurida rufiaanaura, paasoosamasee Anutuna afusaa fuannanara mi eedoo qirafa maasaindi maridanoo.

Idi Ufa 27:9

Oo Yaawee aneenna oori afiri sia qini kukeeqa qimaqaa. Sia qiniara arana qaani. Sia aneenna ainainira faiqi qiniara anirandee fuannee qia. Anee qini dadaaqi marianafa mariananoo. Oo qini Manika Anutu anee qini asumu maree marianafa mariananoo, sia qini minniqisaa sia qini quqaqisaa.

Idi Ufa 146:3

Sia aneenna saqarikirana maqasaa qaraa uriqararausasaa quqaa. Sia faiqí faiqi amana ani dadaaqiannoo.

Rafudoo Akarafa 18:4

Mooseena inaaqianaa faiqi auqu Eerieeseerafa marinau. Mina anoofa maqasoofanoo Mooseefa qinau. Qini qikoona Anutufa qini dadaaqinoo Faraoona duru feefa ookinaana qini ititaqisainaree qinoo mina auqu Eerieesaranee qinau.

Heeburu 10:19

Qini qikaqaafasaa Yisufa kuqinoo narí fidika adioonannai maasa sia rufiaidaqa kaqi mana mana nifaaqa quqasee Anutuna naaquqara oosiranaki keeqaanaura.