Heeburu 13:4 - Anutuna Ufa

⁴ Innee aiqamausa faiqí anaasee nimundaranara uriqarara ainainee qiaqa. Faiqí aneesee aqumummasainafa sia moonaindi quandaki qumaraa. Aiqamausa inneeqa nammari kai neeqa andeeqasee mariaqa. Faiqí anaasee dapi narí maree narí maree qiqa nuasa faqa qummuariqa nuasa faqa Anutufa ufa iriseenoo naruannoo.

Heeburu 13:4 Referans Kwoze

Oosana 2:24

Minara kai faiqí narí anoona akoona minnisee narí anaaqa faqa moodaanaki mafi moodaara foora maridaqa.

Karatia 5:19

Faiqí faiqi maqasaa irirana oosana kaqi akooqoo maridanoo. Mina oosana maaqimmasee koorooidanoo, faiqí anaasee narí ummuari narí ummuarirana faqa adi namufaqira oosana oosana faqa irirana siaisa furufarida kaqi mandainaina maraqanuana faqa saqarinnai unnaqira Anutuna amana auqusee irirana mina amimariana faqa aukainaina ufaaqa afaannainaina maraqanuana faqa, faiqí anaasee namuqaa kirana faqa rakirana faqa rairaiqirana faqa qusufa qimasee aanooqirana faqa, aiqama ainaina náriara kai fatusimariana faqa, naadu naadu rakeekaammasee nariqa kai naadu naadu suqimariana faqa, nariara nariara rairai qimariana faqa nammari namasee furufarirana faqa, misa suqufifaqa oosana oosana mandoosana uqeeree mariana faqa oosana oosana mandoosana maraidaqa. Qinee ooqai aaquqima nimaqaafanausa kafaa maqee faqa aaquqimannimaqaidaqa, mi oosanna maree mariasa sia uqanna Anutuna ququsaki keeqeefaranoo.

1 Koorinti 6:9

Anutufa narí ququsaki naaru marirana sia mandoosana maree mariasa nimiannoo sia fee innee minara iridee. Innee sia inneeqa nikaruqimasee mandoosana maraqa nidaqa innaarunai firaree qiaqa. Dapi maraqa nua fasiqa anaaseesa faqa tumunnai auqira afaannara innaaru qimariasa faqa moona afaaqi anaaqa narí ummuari narí ummuari mariasa faqa faiqí anaasee aqoonna fasiqa anaasee aafeeqaidanoo mi oosanna maree mariasa faqa ainaina ummuari mariasa faqa kaaqa ainainara rimariasa faqa nammari namasaida maqee maqee furufari mariasa faqa manda ufa qimariasa faqa unna qimasaida ummuari mariasa faqa mi oosanausa maraqa nuasa faqa sia uqanna Anutuna innaaruna ququsaki keeqeefaranoo.

Eefeesusa 5:5

Innee maa moodaa ainainnara kai amiqimmandee iriaqa, faiqí anaasee narí ummuari narí ummuari mariasa faqa ikairi faqaasa faqa kaaqa ainainara rimariasa faqa miqaa qiqanuasauqa, asauku mundirana ququsaki faqa Anutuna ququsaki faqa sia uqanna kaqikaaqoo mareefaranoo. Kaaqa ainainara rimaria oosanafa mifa moo unna anutunara innaaru qimaria fara foora mina ufa iri maria fara foora maridanoo.

1 Timooti 3:12

Yisuna ufara suqimariasa amaanufasaa rakisirausa dadaaqimarifa moodaa anaasee faqaafa mariani narí faiqi anaasee amiqimmandee rakisi marifa mi saikanaki mariani.

1 Timooti 3:4

Mifa narí faiqí aanaaseera amiqimasee rakisinnimaqee marifa maridanoo. Mi fasiqafa narí faiqi namuara qimannimifaqa eedoo qimasee reendeenamandee auqee marinausa mariaqa.

1 Koorinti 7:38

Kumaaraa narí utaaqamamaqara manaaqana marainafa andeeqaidanoo miqiannoo. Moo kumaaraa fannoo mina narí utaaqamamaqara manaaqana sia marararee qifa mifa firaaqoomma uriqareenoo.

Oosana 2:21

Minara faiqarana faiqí aminau. Faifufanoo Anutufa mina aqaasana moodaa tatuseenoo mina amaqinnai minaki ititanau.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.

Titusa 1:6

Qinee Pauroosa aamuaqira ufa indaaru qimamiafannana Titusa anee sia aunua doo miqoo kai fua. Qinee maaqi qimasee qimamiafannana anee faqa maa ufana qimanniminaqa misa iriseeqa maraaqa. Yisuna ufa irimariasasaa rakisirausa sia moo aaqarafa misaki mariani. Andeeqarausa kai mariaqa, moodaa anaasee faqaafa mariannoo. Mina faiqi namu Yisuna ufa irimarinausa mariaqa sia kaukaata qimarinausa mariaqa, sia ufa rukiee marinausa mariaqa.

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

1 Timooti 4:3

Miqi maria fasiqausa unna qimasee anaasee mararanara mandoosanee qimasee akaqa naranara manda narana sia naaqee qifaranoo. Anutufa mi oosana oosana narannara faiqí anaasee naaqeera auqu quqaqoofa maridanoo. Mina ufa irimariasa mina anoona irimariasa dufi dufi qimasee naaqeera quqaqoofa.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

1 Koorinti 9:5

Yisuna niqiqoo fasiqausa Yisuna akaqaafasaauqa faqa Peetooroona faqa nári ninaaqmaaka Yisuna ufa irimaria anaaseeuqa nindiamaree misa faqa maqusa maqusa nidaqa. Yisuna ufa qimannimiafaqa neeqa kaqi narana nimiafaqa naidaqa. Qini Pauroosa miqifau andeeqaraqoo marini, sia miqidaqa Baranabasisandiri maaqanda kai fee ainainammasaida naidee. Maaqanda qeeqa ainainammasaida feefauru marasaidaqa naidaqa Yisuna ufa qimannimiqanidaqa.

1 Timooti 3:2

Yisuna ufara suqimariasasaa rakisimari papatarafa narí nirana marirana sia aaqarafa mariannoo andeeqarafa marida andeeqasee rakisiannoo. Miqimarinna fasiqafa moodaa anaasee faqaafa kai mariannoo. Mifa oori runusee marifa mariannoo. Narí aakiranara iri marifa mariannoo. Narí qumiasana aina faqa marirana faqa andeeqasee quqeemarifa. Mi fasiqafa Yisuna ufara suqimariasasaa rakisiranaiki mari fasiqafa aanaamuru maqee maqee mina maqusaki aniraafanoo amiqi amiqidanoo nifiqa narí maaqaki quqasaida narana firidanoo. Mi fasiqafa Anutuna akarakinaa ufa andeeqasee qimannimi marifa mi oosanausa maree marifa Yisuna ufara suqimariasasaa rakisirafa amanaikiannoo.

Heeburu 12:16

Innee rakisiaqa. Sia inniki moo fannoo Esauna aanna raaqa. Mifa andeeqarana minnisee Anutuna ufa rukiasee moodaa naranannai kai afasaafa narí qumiasana narí akaqa doo aminau.

1 Koorinti 6:18

Faiqí anaasee narummuari narummuariranara eerairiaqa. Moo fannoo oosana oosana mandainaina marainafa mi manda ainainafa sia narí afaaqa mandaikammamaqaannoo. Faiqí moo fannoo moo anaasee ummuarinoo narí afaaqa uqanna mandaikamma maqaidanoo.

1 Teesaroonika 4:6

Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.