Heeburu 13:22 - Anutuna Ufa

²² Oo qini qikaqaafasaa innee maa ufana amiqimasee asaana ruaqa. Dadaaqira ufa maridanoo sia kisaaqa akara riqa minara qimannimidaqa.

Heeburu 13:22 Referans Kwoze

1 Peetooroo 5:12

Qini amiqira qikaqafasaa Sirafanusafa dadaaqifaqa maa kaqikaa akarana rumannimaqeeqa. Innee Yisuna ufaki mariafaqa qinee qimannimidaqa nifeeqaraidaqa, innee minaki maridaqa kuqaa Anutuna afaariranaki mariafanoo. Innee minaki mapukufi kikiqiaqa.

Heeburu 3:1

Qini qikaqaafasaa innisaimbaqa Karaambaiqa aiku oosana marunausa maridaqa innee faqa qinee faqa Anutufa daarama quqasaifaqa ani mariasa maridaqa. Innee Yisuna qafaaqa qafaidaqa oonumafi iriaqa Anutufa aqiqamaqoofa maridanoo. Maasa qimarunna amaana ufana aanaiqikira uriqararafa marianifeera aqiqamaqoofa maridanoo.

Karatia 6:11

Doo qinee Pauroosa moo fasiqa qimami marunanoo mifa akara ridanoo doo maqee qeeqa kai kirifi qumaree ati rafaaqafira ufa qeeqa kai firaaqoo akara ridaqa.

2 Koorinti 6:1

Qinee Pauroosa qini faqa maria namusa maasa Anutuna aanaiqikirausara foora maridaqa Anutuna faqa moodaanaki ainainidaqa inni Koorinti maqannaasa fuki faaki idaqa doo innee Anutuna kaaqa afaarira anoona doo maraafanoo sia quqasaifanoo maqasaa aqufi rairaaiani.

2 Koorinti 5:20

Doo maqee maasa asauku mundirana aanaiqikirausara foora maridaqa maasasaaqari Anutufa aiqamausara nameera qidanoo. Maasa asauku mundirana ufa inni Koorinti maqusanaasa fuki faaki qidaqa innee Anutunara eedoo qifanoo mifa inni namuqaakiranakiqari quandakinoo inni aqoondikamma nimaqaani.

Heeburu 4:11

Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.

Heeburu 4:1

Maqee maa aukuanna Anutufa maaqi qimasee qima afeekaikamma maasara qinau, Amana innee qinisaimbaqa qini amiqira adooqaranaki ani keeqafiqa qinisaimbaqa qidooaaqee qinau. Doo innisaimbaqa Anutufa aniaqee qimaqoo ufafa taikaandoora doo kaqi mariqoo amiqimasee rakisi qumaraaqa, sia keeqaannoo qimasee minara rufiaaqa maasaki moo mandainaina fannoo maasa qumarainaqa maasa sia mina adooaranaki keeqaanoora.

Heeburu 2:1

Minara maasa anoona ufa irimariafannufana qumareeqa amiqimma rakisi qumaraanauranoo. Sia miqifanoo maasa nammariara foora aufinoo maasa maree fuandoora.

2 Koorinti 10:1

Qinee Pauroosa maa ufana reendeenamandee qimannimidaqa. Akaqausa qiniara nianai maridanoo aanoo ufa kai qimari fee inni faqa maridanoo reendeenidanoo fee qidaqa. Qinee miqi qianara maaqi qidaqa. Qinee asauku mundirana amiqi amiqirana faqa ireeda marira oosana faqa mina afusaa maridaqa reendeenamasee qimannimidaqa qinee innee iannai oonuraanaqa sia qini qirana fundakuaqa maasara maqasaaqaraa irirana irisee qimariaafoo qimariasa amana aanoomannimaqaanaura, sia sia amana mariannoo, amana mariannoo.

Eefeesusa 3:3

Anutufa Yisunara ooqaindari kukeeqanoo marunara maqee aukuana qini kooroomaqimaqeenoo. Qinee maa pasanaki kaqikaaqoo minara inni qimannimiqa, innee mina asaana rumaseeqa iriqa qiniara asauku mundirana kukeeqara irirana amiqimmandee iridanoommifoo qifaranoo.

Heeburu 12:5

Anutufa inni narí faiqi namuara pooduara ufa qimannimusa aunidee sia fee aunidee. Anutuna akaraki minara maaqi qimaseenoo anoonufa akara ridanoo. Qini qimaaku, Anutufa ummaara oosana oosanannai ariara foora ani inana sia minara rufiaa amiqimasee iria. Ani oosana uqafiqaidanoo amiqiraqoo fuanneera miqidanoo. Mifa aniara qaoo qinana sia anee minara kudoosaapaa sia oori runua.

Heeburu 13:19

Qinee qeeqara faqa inni qimannimidaqa. Innee qiniara faqa innaaru qifanoo Anutufa qini dadaa qinaqa innee innannai kaqi kaqi fua.