Heeburu 13:17 - Anutuna Ufa

¹⁷ Innee inneeqa uriqararausa qinnandee kai iaqa. Misa Anutuna saika maraidaqa inni nimanara maqee maqee rakisidaqa. Anutufa kasooqaqee misa innisaa rakisiranara iraannoo. Innee misa ufara eedoo qifaqa misa asasammasee mi ainainnammifaranoo. Innee misa ufa rukiaifaqa misa nifaaqa qumooqukidaqa nikoo nikaa ifaranoo. Misa nikoo nikaa idaqa sia inni dadaaqifaranoo.

Heeburu 13:17 Referans Kwoze

Heeburu 13:7

Ooqai indaaru Anutuna ufa qimannimusara sia aunuaqa. Misa amiqi mariranara faqa misa kuqiranara faqa misa Anutuna saqarikiranara faqa iriseeqa misa nimeeraameera kai ida mariaqa.

1 Peetooroo 5:5

Miqi kai iqa innee kumaaraauqa faqa inneeqa faiqí firaasa nimeemaanai miqi kai masee ureeaqa mariaqa. Innee aiqamausa oorudupi oorudupimafinaqa qamunnara foora afisusee mariaqa. Tamummaqarausa akara minara maaqi qidanoo. Anutufa faiqí anaasee nári nuqu uqeeree mariasa rafaaqafidanoo fifimariasa adiafaairana faqa amiqirana faqa nimidanoo.

Firipi 2:12

Oo qini qiqoondiuqa Firipi maqannaasa qinee ooqai inni faqa mariafanaqa innee qini ufa irisee eedoo kai imariqau. Doo qinee maqee innikiqari nianai maridaqa innee qini ufa irisee eedoo qinafa uriqarara ainaina mariannoo innee innaaruna asumu marirana doo marasee mariafanoo aaqamaki saamuruanoo qimasee rufiaqa rufiaqa irirana faqa naindiri naindirirana faqa mara maree fidaqa anoonaikirana mareefara.

Rafudoo Akarafa 32:31

Miqi qimaseenoo Mooseefa Yaawee funnai aaqanai ooruree qimaminoo qinau. Maa fasiqa anaaseesa firaa manda aaqarara marasee unna qira anutuna koorannai auqusee minara innaaru qiqiiaafanoo.

Firipi 2:29

Innee mina qafamaseeqa karaambaiqaki maru qikaqaafasaa fee qimasee asasammasee mina amiqi amiqiaqa, innee miqirausara aiqama naaquqamasee dadaaqiaqa.

Roomma 14:12

Doo qinee Pauroosa minara maaqi qidaqa. Maasa aiqamausa qeeqa nirana, marirana, qirana Anutuna afusaa kooroo ianaura. Minara iridaqa aqoonnanara ireeda kai qiaqa.

2 Teesaroonika 3:14

Innee maa akarana asaana rimarifaqa akaqausa mi ufana rukiee mariasa marifaqa innee rufiasee nianai marifaqa misa nisaurirana maraaqa.

Heeburu 13:24

Innee maasa qimandarana inni uriqararausa faqa aiqama Anutuna ufa irimariasa faqa qimannimiaqa. Itari maqannaasa maaqooqaraasaki mariasa inni nikaqaafasaa mariasa inni nimandaidaqa.

Firipi 4:1

Oo qini qikaqaafasaa Firipi maqannaasa firaaqoo inniara qini qimuqusifaqa inniara daundurannoo oonu mafi iridaqa inniara dididanoo. Innee firaaqoo asasirana qimi mariasa mariafaqa innee qini moodaa fidikara foora marida qini asasirana qimimariafanoo. Minara inni qimannimidaqa Yisufa innaarunaindari qumuaninnanara asasammasee afeesida mariaqeera faasai qimannimiqa inni marifa miqimandee karaambaiqaki mapukusee mariaqa.

Firipi 3:18

Qinee Pauroosa maa ufana ooqai moomoo kari inni qimannimiafanaqa doo maqee daukunu ree marifaqa inni qimannimidaqa, moomoosa asauku mundirana kuqirana mandaaqasee andeeqara oosana marasee fimarufaqa doo maqee quandaki mandoosana maraidaqa minannai asauku mundirafa aunirira saqarisaa kuqirana namuqaa kiqa mina kuqirana namuqaa kammamaqaidaqa.

Yameesa 4:7

Innee mi ufana irisee inneeqa afeekaikirana minnisee Anutuna aramandunnai ooqumariaqa. Miqi mambiqa Sadannana naakaparana rafaaqafusee qaoo qifanoo sandaani.

Ruka 16:2

Ainainasaa rakisirafa ani munnimma fifau rairaa idanoo fee qufanoo ainaina faqaafa mi fasiqana aareenoo anee munnimma aqi mariannana amiqi masee papiqasaa akara rumasee qiminaqa qafamasee ani aqiqaanaura anee sia kafaa ainainasaa rakisinnaranoo.

Aaquqira Ufa 5:13

Qinee sia ufa qima qimusa ufa iriafanausa maridaqa. Qinee aaqafana andeeqa qimaqoosa ufa sia iriafanausa maridaqa.

Oosana 16:9

Angiroo fannoo minara iriseenoo maaqi qimasee qimaminau, doo findi finana aneenna rakisira anaasee marinnai kafaa anirandee oonureenana mina ainainira manaaqaikia.

Eefeesusa 5:21

Innee asauku mundiranara naaquqee marinara nariara nariara ureeqafi maridaqa reendeena mandee mariaqa.