Heeburu 13:16 - Anutuna Ufa

¹⁶ Maa ainainna faqa sia aunuaqa, narí amiqi narí amiqiaqa, inneeqa ainaina innee iriranannoo kai raineeqee niqoonausa narí ami narí amiaqa. Anutufa miqira ainainara amiqira tatufira aandaura foora maridanoo fee qidanoo qaqaara raidanoo.

Heeburu 13:16 Referans Kwoze

2 Teesaroonika 3:13

Qini qikaqaafasaa innee andeeqasee nimariasa faqa qimannimidaqa. Innee inneeqa amiqira nira marira oosana maree mariana sia nikoo nikaamasee minnisaaqa kaqi kai fuaqa.

Roomma 12:13

Innee niqoonausa Yisuna ufa irimariasa nana ainainaree sarau imariasa inneeqaindi misa faqa rainasee naida nimiaqa. Sia qafee marinna aanaamurufa faqa anirainana amiqi amiqimandee maaqa aminanoo tootooqiranaki fuani.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Heeburu 6:10

Anutufa sia qaaraiki marifa maridanoo, andeeqasee amana amana kai nimimarifa maridanoo. Mifa sia innee kadaapirinnana akiaqara aunuannoo, iridanoo. Innee Anutunara nidinara quandaki inneeqa niqoonausa Yisuna ufa irimariasara amiqimaseenoo nimuqusinaqa kaqi dadaaqifanoo Anutufa minara faqa sia aunidanoo, iridanoo mina akiaqara inni nimiannoo.

1 Timooti 6:18

Oo Timooti anee ainainafaqaasa mi ufana qimannimisee maa ufana faqa qimannimia. Sia moomoo munnimma ainaina mararara kai iriaqa. Innee faiqí anaasee dadaaqiqa amiqira dadaaqirana dadaaqiaqa mi dadaaqirana nimimariananaki aniki ainaina moomoora foora mariannoo. Innee afaariaqa inneeqa ainaina naida nimiaqa.

Firipi 4:18

Eepafarooditusafa inni maqusaindari inni maqannaafa maqee qunnanara inneeqa narana maree maria munnimmana minasaa soofanoo mini qimifaqa doo aiqama maraunnanara inni qimannimidaqa doo qini qimana kai maridanoo fiqaramasee faqa maridanoo. Mi munnimmana qimaqaafa tatufira aandau Anutuna suqa ami mariafara foora amiqira afunda aikiambu imarifara foora Anutufa asasammasee maree mari ainainna maridanoo.

Eefeesusa 4:28

Ainaina ummuari mari fasiqafa ummuarirana taikaani, taikasee quandaki andeeqasee narí ainainamasee narí narana namasee kudi fasiqauqa faqa naida niminaqa naaqa.

1 Teesaroonika 5:15

Innee maa ainainnara faqa rakisiaqa, moo fannoo ani mandaikammamaqainana akiaqara sia narí mandaikammamaqaa sia mi oosanafa mariani. Innee aiqama kari narinni narinni amiqira oosana kai narí ami narí amiaqa sia inneeqaki kai miqiaqa. Innee aiqama maqannaasaki maridaqa miqimannimaqaaqa. Inneeqa irirana nimana mi amiqira oosannasaa kai quqaaqa.

Ruka 18:22

Yisufa iriseenoo qimaminau, moodaa ainaina kai anee sia amanaikianano anee aneenna qumiasana moomoo marina makeetamasee munnimma maraseenana kudi fasiqa aanaaseeuqa nimisainanoo ani qumiasana ani afeesara innaarunai mariani, miqimaseenana anee qini faqa ania.

Idi Ufa 37:3

Yaaweena saqarikida andeeqara oosana kai maraida maria. Anee miqidana maa maqa maaqanaki kisaaqasaa kaqi marinanoo sia moo ainaina fannoo ani mandaikamma amaqaannoo. Anee aneenna maqa maaqaki kai marida asooaranaki maria.

3 Yoohanee 1:11

Oo Kaiusa qini qifaaqasaa qiqoondi, anee manda ainaina qafamasee sia mina ammeemmeeria amiqira oosana qafamaseenana mina ammeemmeerina mina aanna rainanoo amana mariannoo. Andeeqara oosana maree mariasa misa Anutunaindi maridaqa. Mandainaina maree mariasa misa sia Anutunara irimariasa maridaqa.

Karatia 6:6

Akaqa fasiqauqa Yisuna ufa inni qimannimifaqa innee misa ufa irimariana akiqara quandaki narana munnimma, maaqa, ainaina naida nimiaqa. Miqidaqa innee misa ummaara dadaaqifaranoo.

Firemoona 1:6

Qinee aniara maaqi qimasee innaaru qidaqa. Maasa asauku mundirana faqa moodaa aanna fimariasa amiqi amiqirafa firaafa maridanoo, anee maqee maqee akaqausa faqa Yisuna ufa naida nimiseenana anee maqee maqee mi amiqi amiqirana anoonara irianeera aniara innaaru qidaqa.

Firipi 4:14

Innee Firipi maqannaasa qini dadaaqianara dufi dufi qidaqa.

Idi Ufa 51:19

Auqu uqeerasainaqa miqooqari ani aminna ainainafa ani aidimarifa mariannoo. Aandau muduka tatufirana suqarafa oosana oosana ani aidirafa kai mariannoo. Miqoo misa burimmakau akoonauqa arusee tatufirana suqasee ani amifaranoo.