Heeburu 12:5 - Anutuna Ufa

⁵ Anutufa inni narí faiqi namuara pooduara ufa qimannimusa aunidee sia fee aunidee. Anutuna akaraki minara maaqi qimaseenoo anoonufa akara ridanoo. Qini qimaaku, Anutufa ummaara oosana oosanannai ariara foora ani inana sia minara rufiaa amiqimasee iria. Ani oosana uqafiqaidanoo amiqiraqoo fuanneera miqidanoo. Mifa aniara qaoo qinana sia anee minara kudoosaapaa sia oori runua.

Heeburu 12:5 Referans Kwoze

Uqafiqoo Ufafa 3:19

Qinee nimuqusi maria fasiqa anaaseera kai mandainainaki keeqaafaqa qaoo qimasee naridaqa. Innee minara irisee kuqaa noori runusee inneeqa marirana quandaaqa.

1 Koorinti 11:32

Maa maqanasaaqaraasa Yisuna ufa sia irimariasa kuridiranaki fidaqa maasa misa faqa fuanoora maqee kamuqoo karaambaiqa niuqummasee naridanoo.

Idi Ufa 94:12

Oo Yaawee anee irirana maraanifeera qima ami marianna fasiqafa asasiani. Anee aneenna sanda ufa uqafiqee marianna fasiqafa mifa faqa asasiani.

Yameesa 1:12

Faiqí akaqausa nimanamasee qafee mari ainainafa kisaaqasaa narimarifaqa Anutuna faqa kaqikai fidaqa miqimaria fasiqa anaaseesa amiqiranaki mariasa mariadaqa. Miqinna fasiqa anaaseesa mi nimanirana taikasaifanoo Anutufa ooqai qima afeekaikira feefauru naaru marirana nimiannoo narí Anutunara rimariasa kai nimiannoo.

Idi Ufa 119:109

Qinee aiqama kari kuqirana afaisaa maridaqa taikaranara deedaqidaqa. Miqiqa maridaqa qinee sia ani sanda ufara qaunidaqa.

Idi Ufa 119:75

Oo Yaawee ani rainannimaqara ufa andeeqarafa marifaqa qinee iridaqa. Anee mapukusee marira oosana faqaafa mariannanara anee aupurarana qini manda oosana akiiqara qimiananoo.

Idi Ufa 118:18

Yaaweefa qini firaa ummaara qimiseenoo qini kuqiranasaa ititaqiseenoo.

Heeburu 12:7

Aneenna aidafira ummaarara qini qikoofa Anutufa dariara maqi qidanoo fee qia. Aneenna aidafiranara aupuraranannai Anutunara mina amaaku daridanoo fee qia. Aiqama faiqi nikausa aikannai qumaree nári faiqi namu mandoosana akiaqara naridaqa. Aiqamausa nári faiqi namu mandoosana akiaqara naridaqa.

Aaquqira Ufa 3:1

Qini qimaaku qinee qimamianna ufana sia qaunua. Qinee qimamianna ufana aiqama kari iridana qinee qimamunnandee ia.

Aaquqira Ufa 4:5

Anee amiqira iriranara faqa oonumafi iriranara faqa randasee maraa. Qinee qimamianna ufana sia irisee qaunua.

Idi Ufa 119:83

Qinee mimi apatannoo nammari sakee mariana auquqaafa anaqinoo mandaikinoo marindee irausa maridaqa. Qinee miqiqa maridaqa sia ani naamuaqira ufa aunidaqa kaqi maraqa fidaqa.

Idi Ufa 119:16

Qinee ani sanda ufara asasidaqa. Qinee ani naamuaqira ufara sia qaunusee mana mana ianaura.

Ruka 24:6

Mifa sia maaqoo maridanoo, mifa findifinoo doo mifa fifinoo maridanoo. Mifa ooqai Kariree maqa maaqaki maridanoo inni qimannimimarufaqa innee iriusa sia fee iridee minara randaidee. Mifa maaqi qimasee inni qimanniminau, qinee faiqí nimaaku qini mareeqee manda fasiqa nisaukuki quqeefaranoo. Quqasaifaqa aunirira saqarisaa pirimmannai darusaifanoo qaaramoo faasaana inanoo Anutufa qini uqeera qisaannoo fee qufaqa innee sia irusee.

Ruka 24:8

Miqi qimasee qimannimufaqa misa Yisuna ufara iriseeqa oonurandee maqusai anireeqa Yisuna faiqi namu qisaukuqara taikasee qikunni ooqu moodaa marasee marusa faqa faiqí anaasee akaqausa faqa mi ainaina ooni aamaraki oonu qafoonara qimannimiqau.

Idi Ufa 119:67

Qinee indaaru kaqirunna fimariafanana anee Yaaweefa anee firaa ummaara qimunaqa maqee qinee quandaki ani ufamau fidaqa.

Karatia 6:9

Minara iriseeqa amiqira mariranara sia kudoosaapeeqa minnisaaqa maasa sia minniseeqa kaqi mi mau fidaqa kasooqaqee unnakirana paqurianaura.

1 Timooti 1:20

Qaara fasiqa Qimeenaeeusafa faqa Areekisandeerafa faqa miqandaqara miqi marufaqa qinee mareeqee Sadanna asaukuki quqaafanaqa misa Anutunara mandufa qirana taikaaqeera quqaqiafana.

Heeburu 13:22

Oo qini qikaqaafasaa innee maa ufana amiqimasee asaana ruaqa. Dadaaqira ufa maridanoo sia kisaaqa akara riqa minara qimannimidaqa.